SHAKAWN KUNGDAWN 83:6 - Jinghpaw Common Language Bible 2009

⁶ Edom amyu masha ni hte Ishmaela amyu ni, Moba amyu masha ni hte Hagara amyu ni;

Jinghpaw Hanson Version Bible

⁶ Edom amyu hte Ishmaela amyu, Moba hte Hagara amyu a sum ni,

SHAKAWN KUNGDAWN 83:6 ပူးပေါင်းရင်းမြစ်များ

1 HKAWHKAM LABAU 5:10

Rubin amyu bawsang ni gaw Hkawhkam Shawlu a prat hta Hagari masha ni hpe gasat nhtawm majan pa e shanhte hpe sat kau mu ai hte Gilead mungdaw a sinpraw maga na lamu ga hpe mung madu la ma ai.

2 HKAWHKAM LABAU 20:1

Ya aten ram ram na ai hpang, Moba hte Amon hpyen luksuk ni gaw shanhte a myit hkrum manang Meuni masha ni hte rau Yuda mung hpe shang gasat ma ai.

SHAKAWN KUNGDAWN 137:7

Madu e, Yerusalem mare hpe dang la ai shani, Edom amyu masha ni galaw ai amu ni hpe dum nga u; “Ndai mare hpe ga du hkra run kau gaw!,” nga nna shanhte tsun ai ga ni hpe adum nga u.

SHAKAWN KUNGDAWN 2:2

Dai Madu hte shi lata san da ai Hkawhkam wa hpe shanhte a hkawhkam ni gumlau nna, mung du ni mung ninghkap na matu jawm mayun bawng nga ma ai.

YEREMIA 48:42

Moba mung gaw ngai hpe gumlau nga ai majaw, dai mungdan gaw jahten sharun kau hkrum ai hte galoi mung amyu hku tai na ra ai n rai.

TARA AGYI 3:13

Eglon gaw Amon hte Amalek masha ni hte matut la nhtawm, namhtan hpun mare ngu ai Yerihko mare hpe gasat nna Israela hpe dang kau ma ai.