SHAKAWN KUNGDAWN 83:4 - Jinghpaw Common Language Bible 2009

⁴ Shanhte gaw, “Sa marit, shanhte a mungdan hpe anhte jahten kau ya ga: shing rai, Israela amyu ni htani htana malap kau ai hkrum nga mu ga,” nga nna tsun ma ai.

Jinghpaw Hanson Version Bible

⁴ Shanhte gaw, “sa marit, amyu ni hta na, shanhte hpe tsan kau gaw; Israela amying hpe htawm hpang de kadai mung n dum mu ga,” nga nna tsun ma ai.

SHAKAWN KUNGDAWN 83:4 ပူးပေါင်းရင်းမြစ်များ

NEHEMIA 4:2

Shi gaw shi a manaw manang ni hte Samari hpyen hpung ni hpe, “Ndai matsan mayan re ai Yuda masha ni shanhte galaw nga ai amu hpe hpa baw zawn nawn nga ma ai kun? Shanhte gaw mare bai gaw gap na matu yaw ma ai kun? Shanhte gaw shagu hkungga ni hpe nawng ya let lani jan hta sha galaw shangut lu na zawn myit nawn da nga ma ai kun? Shanhte gaw hkru mat sai nlung shingyun sumpum ni hta na nlung ni hte kaning rai gaw gap lu na rai ma ta?,” ngu nna tsun wu ai.

SHAKAWN KUNGDAWN 74:8

Shanhte gaw anhte yawng hte hpe atsai awai agrawp kau mayu nga masai; dai lamu ga hta nga ai chyoi pra ai shara shagu hte hpe shanhte wan nat kau da manu ai.

PRU MAT 1:10

Majan byin wa ai rai yang, shanhte gaw anhte hpe gasat na matu anhte a gumlau hpyen ni hte matut wa nna ndai mungdan kaw nna mung hprawng lawt lu na mara ai. Shanhte grau n law jat wa lu mu ga, shanhte hpe hkum shingdang lu na hpaji zai ladat tam ga,” ngu nna tsun wu ai.

GA SHAGAWP 1:12

Shanhte hpe anhte mu ai shaloi, shanhte gaw hkrung nga nna hkam kaja nga na ma ai; rai ti mung, anhte shanhte hpe hkap daw ngut ai hpang shanhte si mat na mara ai!

YEREMIA 11:19

Ngai mahtang, sat na matu dun shapraw sa wa ai sumnung ai sagu kasha zawn rai nga nngai; shanhte gaw n hkru ai amu ni galaw maw mawn nhtawm ngai hpe gumle gumlau galaw kau na, dai hku lajang nga ma ai hpe ngai n chye nngai. Shanhte gaw, “Anhte gaw ndai hpun asi ja kat nga ai aten hta kran daw kau ga; kadai e mung shi hpe galoi mung n dum lu manu ga, anhte shi hpe sat kau ga,” ngu nna tsun ma ai.

YEREMIA 31:36

Mungkan shingra htung tara agrin nga dingsa Israela amyu masha ni amyu baw langai hku agrin nga na ra ai nga nna shi ga sadi tawn da nga ai.

YEREMIA 48:2

Moba a hkik hkam ai gaw n nga mat sai. Gumlau hpyen gaw Heshbon hpe wang tawn da nhtawm Moba masha ni hpe shamyit kau na maw mawn nga ma ai. Madmen mare gaw shingran katsi mat nna, hpyen luksuk ni dai mare hpe lung gasat na mara ai.

EZEKELA 38:10

Ndai gaw Tsaw Htum ai dai Madu Goga hpe tsun ai mungga rai nga ai: “Dai aten du ai shaloi, nang gaw n hkru ai maw mawn lam hpe myit shapraw na rin dai.

Daniela 7:25

Shi gaw Tsaw Htum ai Karai Kasang hpe tsun ninghkap nna, Karai Kasang a amyu masha ni hpe dip gamyet kau na ra ai. Shi gaw shanhte a makam masham tara ni hte lusha poi ni hpe galai kau mayu na ra ai. Karai Kasang a amyu masha ni mung shi a daru magam n-gun npu hta masum ning jan taw nga na mara ai.

KASA 4:17

Rai ti mung, dai lam mung masha ni hta grau nna n bra n gara wa u ga, ya kaw nna dai Yesu a mying gang nna kadai hpe mung n tsun dan na hku shan hpe daru jet sadi jaw kau ga,” nga ma ai.

YAWSHU 9:2

Yawshu hte Israela amyu masha ni hpe shanhte yawng n-gun galung la nna jawm htim gasat na matu rau hpawng ma ai.