SHAKAWN KUNGDAWN 83:12 - Jinghpaw Common Language Bible 2009

¹² “Karai Kasang madu da ai lamu ga hpe anhte gaw, anhte a matu la kau na ga ai,” nga nna kadai wa tsun kau nga a ta?

Jinghpaw Hanson Version Bible

¹² Kaning rai nme law, shanhte gaw, “Karai Kasang a shanu shara hpe anhte madu la gaw,” nga ma ai.

SHAKAWN KUNGDAWN 83:12 ပူးပေါင်းရင်းမြစ်များ

2 HKAWHKAM LABAU 20:11

Shanhte mahtang nang anhte hpe jaw da sai ndai mung kaw nna anhte hpe shaden shapraw kau na matu sa masai; Yu u, dai gaw anhte hpe bai htang ai lam rai nga ai.

SHAKAWN KUNGDAWN 83:4

Shanhte gaw, “Sa marit, shanhte a mungdan hpe anhte jahten kau ya ga: shing rai, Israela amyu ni htani htana malap kau ai hkrum nga mu ga,” nga nna tsun ma ai.

TARA AGYI 7:25

Shanhte gaw Oreb hte Zeeb ngu ai Midian du lahkawng hpe rim la lu ma ai rai nna Oreb hpe Oreb lunghtawn ntsa e, Zeeb hpe Zeeb sabyi htumbyen hta sat kau ma ai. Shanhte gaw matut nna Midian masha ni hpe shachyut mat wa let, Oreb hte Zeeb a baw hpe Yawdan hka a sinpraw maga e nga ai Gidon hpang de la wa ma ai.

TARA AGYI 8:21

Dai hpang Zeba yan Zalmuna gaw Gidon hpe, “Nang nan rawt nna an hpe sat kau mi; wa-ngan hpe gaw wa-ngan n-gun hte she rai law,” ngu nna tsun ma ai. Gidon mung shan hpe sat kau nhtawm shan a gawla-uk du na mawn sumli rai ni hpe hpyu la wu ai.