SHAKAWN KUNGDAWN 83:10 - Jinghpaw Common Language Bible 2009

¹⁰ Nang shanhte hpe Endora e dang kau ai hte shanhte a moi mang ni gaw ga ntsa e, yat taw mat mu ai.

Jinghpaw Hanson Version Bible

¹⁰ Endora makau e, shanhte sum mat wa nna, Aga a namhpun zawn, rai mat ma ai.

SHAKAWN KUNGDAWN 83:10 ပူးပေါင်းရင်းမြစ်များ

2 HKAWHKAM 9:37

Kadai mung shi a lup rai nga ai nga nna alak mi n madun lu hkra naw ngam nga ai shi a mang gaw dai yang e hkyi sumpum zawn agat kau ai hkrum na ra ai.’”

YEREMIA 16:4

Shanhte gaw hkrit hpa ana zinli ni hte si na mara ai; kadai mung shanhte a matu yawn madai ai hte lup makoi na n rai. Shanhte a moi mang ni gaw ga ntsa na namhpun sumpum ni zawn taw nga na mara ai. Shanhte gaw hpyen majan hta sat kau hkrum nna kawsi hpang gara ai hte htum mat na mara ai; shanhte a si mang ni gaw ntsa malen u ni hte matse labye ni a matu shahpa tai na mara ai.

YEREMIA 8:2

Sumpum da na hte lup kau na malai, shanhte a nrut nra ni gaw ga ntsa e namhpun zawn taw nga na mara ai. Shanhte gaw shanhte tsaw ra ai hte daw jau yu nna shanhte bawng ban jahkrup ai hte nawku yu sai ajan, shata hte shagan ni a man e lam da ai hkrum na mara ai.

ZEHPANI 1:17

Dai Madu gaw, “Shinggyim masha ni a ntsa e dai zawn re ai tsin-yam tsindam shangun dat nna, masha hkum shagu gaw myi n mu ai wa zawn lamawm hkawm wa na mara ai. Shanhte gaw ngai hpe yubak galaw ma ai majaw, shanhte a asai hpe ya jang, hka zawn ru pru wa wa nna shanhte a moi mang ni gaw ga ntsa e yat mara taw nga na mara ai,” ngu nna tsun ai.

YAWSHU 17:11

Manashe gaw Yisahka hte Ashera lamu ga hta na Bet Shan hte Iblim hte de a grup yin mare ni, Dora (Hkin-gau ntsa na mare langai), Endora, Tanak hte Megido mare ni hte de a grup yin mare ni hpe madu la nga ai.

TARA AGYI 4:15

Barak gaw shi a hpyen luksuk ni hte htim gasat wu yang, dai Madu mung Sisera hte shi a hpyen leng ni hte masha ni yawng hpe kashuk kashak, shengmawng shenghkang hte shamak kau ya wu ai majaw Sisera mahtang shi a leng kaw nna yu nhtawm lagaw hte hprawng mat wa wu ai.

TARA AGYI 4:16

Barak chyawm gaw dai leng ni hte hpyen masha ni hpe, maigan amyu ni a Haroshet shara de du hkra hkan shachyut ma ai rai nna, Sisera a hpyen masha ni nlang langai mi hpe mung n ngam hkra sat kau ai hkrum ma ai.

TARA AGYI 5:21

Kishon mawru hka ngu ai agre lwi ai Kishon hka nu gaw shanhte hpe shayawng kau sai. Ngai rawt lung wa na nngai, n-gun hte rawt shanang sa wa na nngai!

TARA AGYI 7:25

Shanhte gaw Oreb hte Zeeb ngu ai Midian du lahkawng hpe rim la lu ma ai rai nna Oreb hpe Oreb lunghtawn ntsa e, Zeeb hpe Zeeb sabyi htumbyen hta sat kau ma ai. Shanhte gaw matut nna Midian masha ni hpe shachyut mat wa let, Oreb hte Zeeb a baw hpe Yawdan hka a sinpraw maga e nga ai Gidon hpang de la wa ma ai.

1 SAMUELA 28:7

Dai hpang Shawlu gaw shi a du salang ni hpe, “Nat num langai mi hpe sa tam yu masu; shi kaw ngai sa san yu na we ai,” ngu nna tsun wu ai. Shanhte mung, “Endora shara e langai mi gaw nga ai,” ngu nna htan ma ai.