SHAKAWN KUNGDAWN 82:5 - Jinghpaw Common Language Bible 2009

⁵ “Nanhte gaw hpaji n chye nga myit hka! Kade sha angawk angak rai nga myit hka! Nanhte gaw tsep kawp hten run mat manit dai; teng man rap ra ai tara gaw ndai mungkan kaw na mat mat sai.

Jinghpaw Hanson Version Bible

⁵ Shanhte hpa mung n chye n chyang ma ai. Nsin e kahkrang hkawm nga ma ai: Lamu ga a npawt nhpang yawng shamu shamawt nga ai.

SHAKAWN KUNGDAWN 82:5 ပူးပေါင်းရင်းမြစ်များ

YOBA 8:9

Anhte a asak sumri sumdam kadun nga ai, anhte hpa mung n chye ga ai; anhte gaw ginding aga ntsa e shingnip zawn lai mat wa ga ai.

SHAKAWN KUNGDAWN 11:3

Arai yawng mayawng hkrat ga mat ai shaloi, mai kaja ai masha langai wa mi pyi lu galaw ai lam hpa mung n nga nga ai nga nna ngai hpe tsun ai nang gaw kade wa angawk nga n hka!

SHAKAWN KUNGDAWN 14:4

Madu gaw, “Shanhte n chye na ma ai kun? Ndai n hkru n shawp ai amu galaw ai ni yawng hte wa gri magra re ai ni rai nga ma ai kun? Shanhte gaw nye a amyu masha ni hpe hpya sha let nga nga ma ai, ngai kaw galoi mung akyu n hpyi yu ma ai,” nga nna san nga ai.

SHAKAWN KUNGDAWN 53:4

Karai Kasang gaw, “Shanhte n chye na ma ai kun? Ndai n hkru n shawp ai amu galaw ai ni yawng hte wa, gri magra re ai ni rai nga ma ai kun? Shanhte gaw nye a amyu masha ni hpe hpya sha let nga nga ma ai hte, ngai kaw galoi mung akyu n hpyi yu ma ai,” nga nna san nga ai.

SHAKAWN KUNGDAWN 75:3

Mungkan ga hte dai hta nga ai hkrung mahkrung mahkra hte gari ashun awam wa ti mung; de a npawt nhpang ni hpe ngai shangang shakang da na nngai.

SHAKAWN KUNGDAWN 99:1

Dai Madu gaw Hkawhkam rai nga ai, amyu masha ni hkrit gari nga ma ai. Shi gaw singkaw tu ai hkrung kanu ni a ntsa na, shi a tingnyang ntsa e dung nga ai, ginding aga gaw ashun awam nga ai.

GA SHAGAWP 1:29

Nang gaw machye machyang hpaji loi mi hpe pyi, galoi mung akyu n jashawn yu nga ndai, dai Madu hpe hkrit hkungga na matu mung, tut nawng e, ningdang kau nga ndai.

GA SHAGAWP 2:13

ding man ai asak hkrun lam hpe kau da nna, yubak a nsin hta nga hkawm nga ai masha ni,

GA SHAGAWP 4:19

Tara n lang ai ni a lam chyawm gaw shana zawn sin mak nga ai. Shanhte gaw kashawt ti mung, shanhte kaning rai kataw ai hpe n chye nga ma ai.

HPAJI NINGLI 2:14

Hpaji chye ai ni gaw shanhte gara de sa wa nga ai hpe mu lu ma ai, angawk ai ni chyawm gaw mu lu ai n rai.” Rai ti mung anhte yawng a matu ala nga ai hpang jahtum na lam gaw maren rai nga ai hpe ngai chye nngai.

HPAJI NINGLI 3:16

Dai hta kaga, ndai mungkan ga hta teng man rap ra ai tara hte ding man ai lam nga ang ai shara hta n hkru ai amu hpe nanhte mu myit dai gaw ngai mung yu matsing da nga nngai.

ESAIA 5:7

Israela gaw Chyahtum Chyalai N-gun rawng ai dai Madu a sabyi sun rai nga ai; Yuda masha ni gaw shi hkai da ai sabyi ru ni rai nga ai. Shi gaw kaja ai amu galaw na matu shanhte hpe myit mada nga ai, rai ti mung, shing rai na malai shanhte gaw masha sat amu shut hpyit ma ai. Shi gaw jaw ai amu galaw na matu shanhte hpe myit mada nga ai, rai ti mung tsin-yam hkrum sha ai masha ni gaw teng man rap ra ai tara a matu jahtau hkrap nga ma ai.

ESAIA 59:9

Amyu masha ni gaw, “Ya chyawm gaw, anhte hpe dip gamyet nga ai ni a lata kaw na Karai Kasang anhte hpe hpa majaw n hkye la ai hpe anhte chye ga ai. Hkawm sa lu na matu nhtoi anhte myit mada ga ai, rai ti mung nsin sha nga nga ai,

MIHKA 3:1

Israela a mungdu salang ni e, madat mu! Nanhte gaw teng man ai lam hta lit nga ai ni zawn myit nawn la nga myit dai,

YAWHAN 12:35

Yesu gaw, “Dai nhtoi gaw nanhte hta loi hkring mi sha nga nga na sai; dai nsin gaw nanhte hpe garai n ka-up lep myit ga, nanhte hta nhtoi naw nga nga yang, matut nna hkawm sa mu, hpa majaw nga yang, nsin hta hkawm sa ai wa gaw, tinang gade sa wa nga ai mung, n chye wu ai.

YAWHAN 3:19

Tara dara ai masa lam ndai hku rai nga ai; nhtoi gaw ndai mungkan ga de du sa sai, rai ti mung masha ni a arawn alai n shawp nga malu ai majaw, shanhte gaw nsin hpe nhtoi hta grau tsaw ma ai. Dai gaw tara dara hkrum ai lam nan rai nga ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

2 TIMOHTI 2:19

Rai ti mung Karai Kasang e jahkrat da sai ngang kang ai npawt nhpang hkridun chyawm gaw shamu shamawt shangun lu ai n rai; dai npawt nhpang a ntsa e dai Madu gaw, “Shi a masha rai nga ai ni hpe chye chyap nga ai,” nga nna mung, “Madu hte seng ai wa rai nngai nga nna tsun matsun yawng hte gaw shut hpyit ai amu hpe tawn kau da mu ga,” nga nna masat dazik ka shakap da nga ai.

1 YAWHAN 2:11

Rai ti mung shi a kahpu kanau wa hpe n ju n dawng ai wa chyawm gaw, dai nsin hta e nga nga ai rai nna, dai nsin hta hkawm sa nga ai majaw shi gara de sa wa nga ai hpe n chye wu ai, hpa majaw nga yang dai nsin gaw shi a myi hpe shakyaw kau ya wu ai.