SHAKAWN KUNGDAWN 82:3 - Jinghpaw Common Language Bible 2009

³ Matsan mayan ni hte jahkrai ma ni a ahkaw ahkang ni hpe makawp maga ya mu; ra kadawn nga ai ni hte karum la na masha kata ai ni hpe rap ra ai hku jeyang mu.

Jinghpaw Hanson Version Bible

³ Matsan mayan ni, jahkrai nmai ni hpe karum mu, Myit gyip ai ni hte hku hku ai ni hpe awlaw mu.

SHAKAWN KUNGDAWN 82:3 ပူးပေါင်းရင်းမြစ်များ

YOBA 29:12

Matsan mayan masha ni hpyi jahtau yang, ngai shanhte hpe karum nngai; kade mung n chye sa mat wa ai jahkrai ma ni hpe mung ngai karum nngai.

YOBA 31:21

Ngai gaw jahkrai ma hpe masu hkalem kau nna, tara rung e dara dang kau lu ai hpe chye ai rai yang,

SHAKAWN KUNGDAWN 10:18

Zingri zingrat hkrum ai ni hte jahkrai nmai ni a hpyi jahtau ai nsen ni hpe nang na ya na ndai; nang gaw shanhte a maga de tara jeyang ya ai shaloi shinggyim masha ni gaw hkrithpa lam hpe bai naw shabyin sana n rai.

PRU MAT 23:3

Matsan mayan wa shi a amu tara jeyang ai hta myi man tau ya ai lam hkum madun et.

PRU MAT 23:6

“Matsan mayan wa tara rung hta amu pru yang, teng man ai tara hpe hkum nyet kau et.

GA SHAGAWP 31:9

Shanhte a matu ga shaga ya nna, ding hpring ai tara agyi tai ya u. Matsan mayan ni hte ra kadawn nga ai ni a ahkaw ahkang hpe makawp maga ya u.

ESAIA 1:17

teng man ai amu galaw na hpe sharin la mu, teng man rap ra ai amu yu la nna, dip gamyet sha hkrum nga ai ni hpe karum mu, jahkrai ma ni a ahkaw ahkang hpe jaw mu; gaida gaina ni hpe makawp maga nga mu.”

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

YEREMIA 22:16

Shi gaw matsan mayan masha ni hpe rap ra ai tara hku jeyang ai rai nna lam shagu gaw mai kaja nga ai. Dai gaw dai Madu hpe chye chyang na matu lachyum shapraw dan nga ai.

YEREMIA 22:3

“Dai Madu ngai nan teng man ai hte ding hpring ai amu galaw na matu nang hpe hkang da ni ai. Shi hpe maw sha mawp sha nga ai wa kaw nna maw sha mawp sha n hkrum mat hkra dai masha wa hpe makawp maga nga u. Malet nhprang manam ni, chyahkrai nmai ni hte gaida gaina ni hpe lam hkum shadam myit, adip arip mung hkum rai myit; ndai chyoi pra ai shara hta mara n kap ai masha ni hpe hkum sat myit.

YEREMIA 5:28

Shanhte gaw hpa majaw hpum sau ai hte lu pyaw sha pyaw nga ma ta? Shanhte a n hkru ai amu galaw ai lam ni hta shadaw shadang n nga nga ai. Shanhte gaw jahkrai ma ni hpe shanhte a ahkaw ahkang n jaw ma ai, dip gamyet sha hkrum ai ni hpe teng man rap ra ai tara n madun ma ai.

ZEHKARIA 7:9

“Moi shawng de nye a amyu masha ni hpe ning ngu ai hkang da ai ga ngai jaw ni ai: ‘Teng man ai hku amu daw dan ai hpe nanhte mu lu na myit dai. Langai hte langai matsan dum ai myit hte n-gaw n wai ai myit madun hkat nga mu;

TARA JAHPRANG 10:18

Shi gaw jahkrai nmai, gaida gaina ni hpe rap ra ai hku daw dan ya nna, anhte a amyu masha ni kaw hkan nga ai maigan masha ni hpe tsaw ra ai majaw lusha hte hpun palawng ni hpe jaw ya wu ai.

TARA JAHPRANG 24:17

“Maigan masha ni hte jahkrai nmai ma ni a ahkaw ahkang ni hpe hkum pat shingdang da ya lu na n rai; gaida jan a hpun palawng hpe hkoi jaw gumhpraw a matu pahkam arai shatai kau ya lu na n rai.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.