SHAKAWN KUNGDAWN 82:2 - Jinghpaw Common Language Bible 2009

² “N tara ai hku tara jeyang ai lam hpe nanhte jahkring da lu na myit dai; tara n lang ai ni hpe myi man tau ai lam nanhte kachyi mi mung n rai lu na myit dai.

Jinghpaw Hanson Version Bible

² “Tara n lang ai ni a myi man hpe tau yu nna, Gaten du hkra, n tara ai hku hkan na myit ta?

SHAKAWN KUNGDAWN 82:2 ပူးပေါင်းရင်းမြစ်များ

1 HKAWHKAM 18:21

Elia mung amyu masha ni nga ai de lung wa nhtawm, “Nanhte gaw gade na hkra hpa mung n daw dan ai nga nga na ngu nga myit ni? Dai Madu gaw Karai Kasang rai nga ai rai yang, shi hpe nawku mu; rai ti mung Bala mahtang karai kasang rai yang gaw shi hpe nawku mu!,” ngu nna tsun wu ai. Rai ti mung amyu masha ni chyawm gaw ga hkaw mi pyi n htan ai sha nga nga ma ai.

2 HKAWHKAM LABAU 19:7

Dai Madu anhte a Karai Kasang gaw ru hka amu hta masu hkalem ai lam, myi man tau ai lam hte mayun kumhpa la ai lam ni hpe n yu sharang lu nga ai majaw dai Madu hpe shagrau sha-a nna sadi sahka hte galaw mu.

YOBA 32:21

Ngai gaw ndai ga tsun dangrang ai hta myi man tau na n rai; ngai gaw kadai hpe mung shapyaw ai ga tsun na n rai.

YOBA 34:19

Shi gaw masha shagu hpe hpan da nga ai majaw, mung up du ni hpang maga n lawm, matsan mayan masha ni hta sut su ai ni a myi man tau ya ai n rai.

SHAKAWN KUNGDAWN 62:3

Nanhte yawng gaw daw agrawp mat ai nhpan daram sha n-gun rawng ai masha langai mi hpe, galoi aten du hkra, shi hpe gasat na ngu nga myit ni?

PRU MAT 10:3

Dai rai nna Mawshe yan Arun gaw hkawhkam wa kaw shang nna shi hpe, “Hebre masha ni a Madu Karai Kasang mahtang, ‘Nang gaw galoi aten du hkra nye a ga n madat na ngu nga n ta? Nye a amyu masha ni hpe sa wa shangun u, shaloi shanhte ngai hpe nawku lu na rai ma ai.

GA SHAGAWP 18:5

Mara lu ai wa hpe myi man tau ya na n ang nga ai; mara n kap ai wa hpe tara dara ai hta sum shangun na n mai nga ai.

EZEKELA 45:9

Tsaw Htum ai dai Madu gaw, “Israela a up hkang du ni e, nanhte yubak mara galaw shut ai gaw nau wa na la manit dai! Nanhte galaw ai kashun kashe du daw sai hkaw amu hte dip gamyet sha ai amu ni hpe kau da manu. Ding hpring ai hte teng man ai amu hpe galaw nga mu. Nye a amyu masha ni hpe shanhte a mungdan kaw nna galoi mung bai hkum gau shapraw myit. Tsaw Htum ai dai Madu ngai nan nanhte hpe dai lam hkang da nga nngai.

JAW JAU 19:15

“Tara shang amu ni tsun daw dan myit dai shaloi, myit malang ai hte teng man ai hku hparan ya na rai myit dai; matsan ai wa hpe n maga, lu su ai wa hpe mung n mada ai sha daw dan na rai myit dai.

MAHTE 17:17

Yesu htan nna, “Nanhte gaw makam masham n rawng ai hte nhtan shai ai amyu she rai nga myit hka! Nanhte hte rau ngai galoi du hkra nga lu na rai ta? Galoi du hkra, ngai nanhte hpe sharang nga lu na rai ta? Dai la kasha ma hpe ngai hpang de woi sa wa marit,” ngu wu ai.

GALATI 2:6

Arawng lu ai ningbaw ningla n san ai ni - shanhte kaja wa ningbaw ningla ni re ai n re ai gaw nye a matu hpa laklai ahkyak n rai nga ai; hpa majaw nga yang Karai Kasang gaw shinggan lam mu mada ai hku yu nna n daw dan ai. Dai arawng lu ai n san ai ningbaw ningla ni gaw ngai hpe hpaji jaw ai lam ningnan hpa mi n nga ai.

TARA JAHPRANG 1:17

Nanhte tara daw dan ai amu ni hta myi man tau ai lam madun lu na myit dai n rai; shi kadai wa mi rai nga ai rai tim, myi man n lata ai sha masha shagu hte hpe maren mara jeyang lu na rai myit dai. Nanhte daw dan ai amu ni gaw Karai Kasang kaw na rai nga ai majaw kadai hpe mung hkrit agam lu na myit dai n rai; nanhte a matu daw dan hparan yak ai amu pru wa ai rai yang, ngai hpang de shashawn myit; dai hpe ngai daw dan ya na de ai,’ ngu nna sharin matsun se ai.