SHAKAWN KUNGDAWN 81:9 - Jinghpaw Common Language Bible 2009

⁹ Nanhte gaw kaga hpara shaje hpe galoi mung n nawku lu na rai myit dai.

Jinghpaw Hanson Version Bible

⁹ Hpara tsasam, na a ka-ang e n nga lu na re ai; Masha kaga a hpara, nang nawku lu na ndai n rai.

SHAKAWN KUNGDAWN 81:9 ပူးပေါင်းရင်းမြစ်များ

1 HKAWHKAM 22:19

Mihkaia gaw ning ngu nna matut tsun wu ai: “Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.

SHAKAWN KUNGDAWN 44:20

Anhte a Karai Kasang hpe nawku daw jau nga ai hpe anhte jahkring kau nna; tsasam karai hpe akyu hpyi nga ga ai rai yang,

SHAKAWN KUNGDAWN 50:7

“Nye a amyu masha ni e, madat mu, ngai ga tsun nga nngai; Israela e, ngai nang hpe mara madun ai sakse hkam na nngai; Ngai gaw Karai Kasang na a Karai Kasang rai nga nngai.

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

ESAIA 28:23

Ngai tsun nga ai ga madat mu; ngai nanhte hpe tsun dan nga ai ga hta myit maju jung mu.

ESAIA 43:12

Ngai gaw hpa byin na lam hpe tau tsun nngai, dai hpang nang hpe karum la nngai. Maigan karai kadai mung ndai amu galoi mung galaw yu ai n rai; nanhte gaw nye a sakse ni rai nga myit dai.

HOSEA 4:1

Dai Madu gaw ndai mung hta nga nga ai amyu masha ni hpe mara shagun ninghkap na amu rawng nga ai. Israela e, shi tsun ai ga hpe madat mu: “Ndai mungdan hta kangka ai hte tsaw ra myit n nga sai rai nna amyu masha ni mung ngai hpe Karai Kasang zawn n yin la hkraw nga ma ai.

MALAHKI 2:11

Yuda amyu masha ni gaw Karai Kasang hpe jaw ai shanhte a ga sadi hpe run kau nhtawm Yerusalem hte mungdan ting hta matsat shabat amu galaw ma ai. Dai Madu tsaw ra ai Nawku Htingnu hpe shanhte awu asin di kau mu ai. Lasha ni gaw maigan karai ni hpe nawku ai numsha ni hpe hkungran la ma ai.

TARA JAHPRANG 32:12

Dai Madu gaw maigan hpara a karum lam n lawm ai sha, shi a amyu masha ni hpe woi wa nu ai.

TARA JAHPRANG 6:14

Kaga karai shaje ni hpe mung, nanhte a grup yin e nga ai masha amyu ni a hpara shaje kaning re ai hpe mung nawku lu na myit dai n rai.