SHAKAWN KUNGDAWN 81:6 - Jinghpaw Common Language Bible 2009

⁶ “Nanhte a shingma na lit ni hpe ngai shayu kau ya nna, nanhte a wut tawng hpai ai ka htang ni hpe ngai jahkrat da ya ni ai.

Jinghpaw Hanson Version Bible

⁶ Ngai gaw shi a lahpa dai lit hta na shaw la nna, Shi a lata ka ji hta na shalawt ya we ai.

SHAKAWN KUNGDAWN 81:6 ပူးပေါင်းရင်းမြစ်များ

1 HKAWHKAM LABAU 4:23

Shanhte gaw dibu sama ni rai nga ma ai rai nna hkawhkam wa a matu magam galaw let, Netim hte Gedera mare hkan nga nga ma ai.

SHAKAWN KUNGDAWN 114:1

Yaku a aru arat, Israela amyu masha ni gaw maigan Egutu mung kaw nna pru mat wa ma ai shaloi,

SHAKAWN KUNGDAWN 122:4

Ndai mare gaw shi a hkang da ai mungga nga ai hte maren, dai Madu hpe chyeju shakawn kungdawn na matu, amyu baw ni, Israela amyu bawsang ni sa zup ai shara rai nga ai.

SHAKAWN KUNGDAWN 68:13

Nta e nga ai num ni gaw gumhpraw hte gayawp nna singkaw ni hta htoi kabrim ai ja hte gala nga ai hkrudu sumla lanep ni hpe garan la nga ma ai. (Nanhte hta na nkau mi gaw hpa majaw majan gasat nga ai shani hta, sagu lawng ni hkan nga nga myit ni?)

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

ESAIA 10:27

Dai aten du jang, ngai gaw nanhte hpe Asuri a daru magam n-gun kata kaw nna shalawt dat na nngai, shanhte a kandang mung nanhte a lahpa ntsa e galoi mung hpai da ra sana n rai,” ngu nna tsun wu ai.

ESAIA 9:4

Shanhte hpe lit shali shangun ai kandang hte shanhte a lahpa hpe adup ai hkawn ni hpe nang agrawp shadaw kau ya nit dai. Lai sai aten, Midian hpyen luksuk ni hpe nang anut dang kau ai zawn na a amyu masha ni hpe dip gamyet sha ai hte n-gun maku daw sha nga ai amyu baw hpe nang dang kau nga nit dai.

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.