SHAKAWN KUNGDAWN 81:12 - Jinghpaw Common Language Bible 2009

¹² Shing rai, shanhte a baw ja ai lam hku sa wa lu mu ga; shanhte ra mara hpe galaw lu mu ga, ngai shanhte hpe ahkang jaw dat nngai.

Jinghpaw Hanson Version Bible

¹² Dai majaw tinang myit ai hku shanhte hkan nang lu hkra, Tinang a myit ja ai hta ngai shanhte hpe dat dat mawe ai.

SHAKAWN KUNGDAWN 81:12 ပူးပေါင်းရင်းမြစ်များ

NINGPAWT NINGHPANG 6:3

Dai hpang dai Madu gaw, “Shinggyim masha ni hpe ngai htani htana ahkrung nga shangun na n rai; shanhte gaw si chye ai ni rai nga ai. Shanhte gaw ya kaw nna asak latsa e hkun ning hta n jan ai sha nga lu na rai ma ai,” ngu nna tsun wu ai.

2 HKAWHKAM 18:12

Israela masha ni gaw dai Madu shanhte a Karai Kasang a ga hpe n madat ma ai sha n-ga, shanhte hte tawn da sai ga shaka hpe mung jahten nga ma ai; dai Madu a shangun ma Mawshe a lata hku jaw ya ai tara ni yawng hpe gang kau nna n madat n mara n hkan galaw kau mu ai majaw Samari mare hkrat sum mat nga sai.

NEHEMIA 9:16

Rai ti mung anhte a kaji kawa ni gumrawng gumtawng ai hte du ja wa nna, na a hkang da ai ga ni hpe madat na matu ningdang kau ma ai.

YOBA 8:4

Na a nshu nsha ni mahtang Karai Kasang hpe shut hpyit ma ai; dai rai nna shanhte hkam la ging ai hte maren, shi shanhte hpe ari jaw wu ai.

PRU MAT 11:9

Dai Madu gaw Mawshe hpe, “Ngai gaw Egutu mung ting hta nye a mauhpa lamik kumla ni grau nna galaw lu na matu, hkawhkam wa gaw na a ga hpe madat ya na ra ai n rai,” ngu nna tsun wu ai.

ESAIA 30:1

Dai Madu gaw ning nga tsun nu ai: “Yuda mung hpe up ai ni gaw dingnye hkrum ma ai, hpa majaw nga yang shanhte ngai hpe gumlau ma ai. Shanhte gaw ngai n hpajang lawm ai maw mawn lam ni hta hkan ma ai, nye a myit ra ai hte nhtan shai ai ga shaka ni hpe myit hkrum ta masat galaw let yubak kahtap kala galaw ma ai.

ESAIA 30:9

Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 42:24

Kadai wa Israela hpe hpya lu hpya sha ai ni a lata de ap ya nga a ni? Dai gaw anhte yubak galaw shut kau ai dai Madu shi nan rai nga a hka! Shi anhte hpe asak hkrung shangun na ra sharawng ai zawn anhte hkrung ga ai n rai, shi anhte hpe jaw sai sharin shaga ga ni hpe madat ga ai n rai.

YEREMIA 42:21

Ya chyawm gaw, ngai nanhte hpe tsun dan ni ai, rai ti mung nanhte gaw dai Madu anhte a Karai Kasang nanhte hpe tsun shangun ai lam magup hte hpe n madat n mara nga myit dai.

YEREMIA 7:24

Rai ti mung, shanhte gaw madat mara ma ai n rai, hpa zawn mung n nawn ya nga ma ai. Dai zawn hkan sa na malai, shanhte gaw du ja ai hte n hkru ai myit masin shanhte hpe shadut matsun ai hku galaw nga ma ai majaw, shanhte gaw kaja wa na malai n kaja ai masha ni tai wa nga masai.

EZEKELA 20:8

Rai ti mung, shanhte gaw ngai hpe ninghkap ma ai hte nye a ga hpe n madat mara nga ma ai. Shanhte gaw shanhte a matsat shabat re ai hpara ni hpe n kabai kau ma ai; Egutu hpara ni hpe mung n kau da lu ma ai. Nye a masin kahtet ai n-gun gaw dai Egutu mung hta hpring tup hkam sha shangun na, ngai shajin da ni ai.

HOSEA 9:17

Shanhte gaw shi a ga hpe n madat kau ya ma ai majaw ngai daw jau ai Karai Kasang gaw shi a amyu masha ni hpe ningdang kau na ra ai. Shanhte gaw masha amyu baw ni a man e brak hkawm ai ni tai mat na mara ai.

JAW JAU 26:14

Dai Madu gaw, “Nanhte gaw nye a hkang da ai ga ni hpe n madat n mara myit dai rai yang ari jaw hkrum na rai myit dai.

KASA 14:16

Shi gaw lai wa sai ban prat e masha amyu baw shagu hpe, tinang ra ai hku hkan mu ga nga, dat tawn da mu ai.

KASA 7:42

Dai rai nna myihtoi laika hta, “Israela amyu masha ni mali shi ning tup nam mali e nanhte a dusat hkungga ni hpe sat nna nawng jau ai gaw ngai hpe jaw ai n rai myit dai!

ROMA 1:24

Dai rai nna Karai Kasang gaw shinggyim masha ni hpe tinang ni a kayut ai myit hku hkan let awu asin re ai lam hkan galaw na matu mung, tinang a hkum hkrang a arawng hpe shada da shayuk kau na matu mung, nawng kau mu ai.

1 SAMUELA 8:19

Amyu masha ni chyawm gaw Samuela a ga hpe hpa zawn n nawn ya ai sha, “N rai law! Anhte hkawhkam langai ra ga ai;