SHAKAWN KUNGDAWN 80:9 - Jinghpaw Common Language Bible 2009

⁹ Sabyi hpun tu kaba wa lu na matu lamu ga hpe nang jasan shatsawm ya nga ndai; de a hpun ru ni ga de ru jung mat wa nna dai gaw lamu ga ting a ntsa e, hkram wa nga sai.

Jinghpaw Hanson Version Bible

⁹ De a shara nang tsan kau wu ai rai nna, Shi a ru jung wa nna, mung ting e hkram nga ai.

SHAKAWN KUNGDAWN 80:9 ပူးပေါင်းရင်းမြစ်များ

2 SAMUELA 7:10

Nye a Israela amyu masha ni a matu shara langai ngai san da nna, dai yang e shanhte shanu nga lu ai hte dip gamyet sha hkrum ai lam hpa mung n nga ai sha, shanhte nga lu na rai ma ai. Shanhte gaw ya du hkra ndai mung de shang nga ma ai rai nna n hkru ai masha ni e hkap gasat ai mung hkrum sha nga manu ai; rai ti mung dai gaw bai byin wa na ra ai n rai; na a gumlau hpyen ni yawng a lata na shim lum hkra bau sin na ga sadi ngai tawn da nngai; na a amyu masha ni hpe mung ngai jaw ya na we ai.

1 HKAWHKAM 4:20

Yuda hte Israela amyu masha ni gaw panglai hkin-gau ntsa e taw ai zaibru zawn law htam wa nga ma ai rai nna, shanhte gaw kabu gara ai hte lu lu sha sha rai ma ai.

1 HKAWHKAM 4:25

Shi ahkrung nga dingsa Yuda hte Israela mung na amyu masha ni shim lum ai hte shanu nga lu ma ai majaw, dinghku shagu tinang nang a sabyi ru ni hte lakum hpun ni hta ngwi pyaw ai hte nga lu ma ai.

1 HKAWHKAM LABAU 21:5

Shi gaw Hkawhkam Dawi hpe hpyen amu gun hpai lu ai Israela mung na 1,100,000 hte Yuda mung na 470,000 yawng hte nga nga ai lam wa tang madun wu ai.

SHAKAWN KUNGDAWN 105:44

Shi shanhte hpe kaga amyu masha ni a lamu ga ni hpe jaw ya nna; shanhte mung kaga masha ni a sun, hkauna ni hpe madu la nga ma ai.

SHAKAWN KUNGDAWN 44:3

Na a amyu masha ni gaw dai lamu ga hpe shanhte a nhtu ni hte gasat dang la lu ma ai n rai; shanhte a n-gun atsam hte dai mung hpe lu la ai n rai. Dai gaw na a daru magam atsam hte na a chyalai n-gun shanhte hpe na a tsaw ra myit madun sai ngu ai nang shanhte hte rau shanu nga ai ga sadi ni a majaw rai nga ai.

ESAIA 27:2

Dai shani e, dai Madu gaw sharawng awng ai shi a sabyi sun hpe,

ESAIA 27:6

Dai nhtoi ni du jang, Yaku a aru arat ni ngu ai Israela amyu masha ni gaw hpun zawn aru jung wa nna asi si na matu apu pu majawm wa na mara ai. Ginding aga gaw shanhte shapraw ai nsi naisi hte jahpring na mara ai.

ESAIA 37:31

Yuda mung hta naw ngam nga ai ni gaw ga kata de sung sung ru jung nna asi si kung dam wa ai hpun zawn gumring gumrat wa na ra ai.

ESAIA 5:2

Shi gaw ga sau htu lajang nna dai hta na nlung ni hpe rawm kau nga ai; shi gaw kaja htum ai sabyi ru ni hpe hkai da nga ai. Shi gaw dai hpe makawp maga na matu langchyi langai gap da nga ai, sabyi si ni kabye na matu nhkun langai hpe shi htu da nga ai. Shi gaw sabyi si ni myin na matu ala nga ai, rai ti mung sabyi si shagu gaw hkri mat nga ai.

YEREMIA 12:2

Nang shanhte hpe hkai da ai hte shanhte ru jung nga ma ai; shanhte tu kaba wa nna asi si nga ai. Shanhte gaw na a mai kaja lam hpe tut nawng tsun ma ai, timung, shanhte gaw nang hpe teng teng hpa zawn n nawn nga ma ai.

YEREMIA 2:21

Ngai gaw nang hpe grai kaja htum ai nli tum kaw na sabyi ru hpe hkai da ni ai. Rai ti mung, nang hpa baw tai mat nga nit dai hpe yu yu u! Nang gaw yat mat nna manu n dan ai sabyi ru zawn rai nga ndai.

YAWSHU 24:12

Nanhte rawt lung wa myit yang, dai Amori hkawhkam yan hpe shaden shapraw kau na matu shanhte hpang de hkrit kajawng ai baw ngai dat dat nngai. Nanhte a nhtu ndan ni lang ra myit dai n rai.