SHAKAWN KUNGDAWN 80:2 - Jinghpaw Common Language Bible 2009

² Ehprim, Benyamin hte Manashe amyu baw ni hpe nang hkum nan shadan dan nna; na a daru magam n-gun madun dan ai hte anhte hpe hkye hkrang la na du sa wa rit!

Jinghpaw Hanson Version Bible

² Ehprim, Ben-yamin hte Manashe a man e, Na a share n-gun shapraw nna, Anhte hpe karum na sa wa rit.

SHAKAWN KUNGDAWN 80:2 ပူးပေါင်းရင်းမြစ်များ

1 HKAWHKAM 8:6

Dai hpang hkinjawng ni mung Ga Shaka Sumpu hpe Nawku Htingnu kata de hpai jashawn nhtawm Chyoi Pra Htum Ai Shara na singkaw tu ai hkrung kanu yan a npu e dai hpe tawn da ma ai.

2 HKAWHKAM 19:15

“O Madu, Israela a Karai Kasang e, singkaw tu ai hkrung kanu ni a ntsa na na a tingnyang ntsa e dung let, nang chyu sha mungkan ga na mungdan yawng mayawng hpe up hkang ai Karai Kasang rai nga ndai. Nang gaw sumsing lamu hte ginding aga hpe hpan da nit dai.

SHAKAWN KUNGDAWN 35:23

Madu e, na a myit hpe shajin u; Ngai hpe makawp maga la e; Nye a Karai Kasang e, rawt nna nye a maga de tsap nhtawm nye a amu hpe dangrang ya e.

SHAKAWN KUNGDAWN 50:2

Karai Kasang gaw shi a hkum tsup tsawm htap nga ai Ziun mare kaw nna, nhtoi shatu dat wu ai.

SHAKAWN KUNGDAWN 78:38

Rai ti mung, Karai Kasang gaw shi a amyu masha ni hpe matsan dum nga ai; shi shanhte hpe n shamyit kau ai sha, shanhte a yubak hpe raw dat kau ya nu ai. Shi gaw shi a masin kahtet ai lam hpe law law lang shakawp da nna; shi a pawt sindawng ai hpe hkum shadang da nga ai.

SHAKAWN KUNGDAWN 99:1

Dai Madu gaw Hkawhkam rai nga ai, amyu masha ni hkrit gari nga ma ai. Shi gaw singkaw tu ai hkrung kanu ni a ntsa na, shi a tingnyang ntsa e dung nga ai, ginding aga gaw ashun awam nga ai.

PRU MAT 25:22

Dai kaw e ngai gaw nang hte jahkrum nna, magap ntsa na singkaw tu ai hkrung kanu lahkawng a lapran hta, Israela amyu masha ni a matu nye a tara ni yawng, ngai nang hpe jaw ya na nngai.

ESAIA 25:9

Dai lam byin wa ai shaloi, masha hkum shagu gaw, “Shi gaw anhte a Karai Kasang rai nga a hka! Anhte shi hpe kam hpa saga ai, shi gaw anhte hpe hkye mawai la nu ai. Shi gaw dai Madu rai nga ai! Anhte shi hpe kam hpa saga ai, ya chyawm gaw shi anhte hpe hkye la mi ai majaw, anhte kabu gara ai hte awng sharawng nga ga ai,” ngu nna tsun na mara ai.

ESAIA 33:22

Sanghpaw li hta lang ai hkinghku ni yawng kaman lila rai nga ai; sanghpaw li sumpan ni hpe n lu kahpyan nga ai! Anhte gaw gumlau hpyen luksuk ni a sut gan yawng hpe rim la na ra ai, dai yang e sut gan grai law nga ai majaw lagaw hten ai masha pyi gam bum langai lu la nga ai. Dai Madu shi nan anhte a hkawhkam tai na ra ai; shi gaw anhte hpe up nna anhte hpe makawp maga na ra ai.

1 SAMUELA 4:4

Shanhte gaw Shilo de kasa ni hpe shangun dat nhtawm singkaw tu ai hkrung kanu ntsa e dung ai Chyahtum Chyalai N-gun rawng ai dai Madu a Ga Shaka Sumpu hpe la sa ma ai. Eli a kasha Hopni hte Hpineha yan mung dai Ga Shaka Sumpu hte rau hkan sa wa ma ai.