SHAKAWN KUNGDAWN 80:1 - Jinghpaw Common Language Bible 2009

¹ Israela amyu masha ni a Sagu Rem Wa e, anhte hpe madat ya mi; sagu hpung ni a ningbaw wa e, anhte hpe na ya mi. Singkaw tu ai hkrung kanu ni a ntsa na, na a tingnyang hta dung nga ai wa e,

Jinghpaw Hanson Version Bible

¹ Sagu hpung hpe zawn, Yawsep amyu hpe woi wa ai, Israela hpe rem ai wa e, madat u; Hkerubim ntsa e dung ai wa e, dan pru rit.

SHAKAWN KUNGDAWN 80:1 ပူးပေါင်းရင်းမြစ်များ

2 SAMUELA 6:2

singkaw tu ai hkrung kanu ni a ntsa e dung ai dai Chyahtum Chyalai N-gun Rawng ai dai Madu a mying ningsang mying ai Karai Kasang a Ga Shaka Sumpu hpe sa htawt la na matu Yuda mung Bala mare de shanhte hpe woi sa wa wu ai.

2 HKAWHKAM 19:15

“O Madu, Israela a Karai Kasang e, singkaw tu ai hkrung kanu ni a ntsa na na a tingnyang ntsa e dung let, nang chyu sha mungkan ga na mungdan yawng mayawng hpe up hkang ai Karai Kasang rai nga ndai. Nang gaw sumsing lamu hte ginding aga hpe hpan da nit dai.

YOBA 10:3

Na a matu grai di gumshem ai gaw jaw a ni? Nang nan hpan da ai arai hpe hpa majaw yu matsat kau n ta? N hkru ai masha ni a yaw shada ai lam ni hta hpa majaw yu myit dik nga n ni?

SHAKAWN KUNGDAWN 45:1

Hkawhkam wa a matu, ndai mahkawn hpe ngai jahtuk ai majaw; nye a myit masin hta tsawm htap ai ga ni hte hpring nga li ai. Kungkyang ai laika ka shara wa lang ai pen zawn, nye a shinglet gaw ga shagawp tsun na jin jin rai nga nngai.

SHAKAWN KUNGDAWN 5:1

O Madu e, Nye a ga ni hpe madat ya e, nye a madai ai nsen hpe na ya e.

SHAKAWN KUNGDAWN 50:1

Dai Chyahtum Chyalai n-gun rawng ai Madu Karai Kasang mungga tsun ai; sinpraw kaw nna sinna maga du hkra na mungkan ting hpe shi shaga nga ai.

SHAKAWN KUNGDAWN 50:2

Karai Kasang gaw shi a hkum tsup tsawm htap nga ai Ziun mare kaw nna, nhtoi shatu dat wu ai.

SHAKAWN KUNGDAWN 55:1

O Karai Kasang e, nye a akyu hpyi ga hpe na ya e; ngai hpyi lajin ai hpe myi man hkum kayin kau ya e!

SHAKAWN KUNGDAWN 60:1

Karai Kasang e, nang gaw anhte hpe ningdang kau nna; anhte hpe sum shangun kau nit dai. Nang gaw anhte hpe masin pawt kau ti mung, ya chyawm gaw, anhte hpang de bai kayin mada la mi.

SHAKAWN KUNGDAWN 69:1

O Karai Kasang e, ngai hpe hkye hkrang la e! Hka gaw nye a du du hkra lim lung wa nga ai.

SHAKAWN KUNGDAWN 77:20

Nang gaw Mawshe hte Arun yan hpe ningbaw shatai nhtawm, na a amyu masha ni hpe sagu rem wa zawn woi wa nit dai.

SHAKAWN KUNGDAWN 78:52

Dai hpang, shi gaw shi a amyu masha ni hpe sagu rem ai wa zawn, woi wa nna; shanhte hpe nam mali hku woi lakawn wa mu ai.

SHAKAWN KUNGDAWN 78:67

Rai ti mung, Yosep a matu mara ni hpe shi kabai kau nna; Ehprim a amyu baw ni hpe shi n lata la nga ai.

SHAKAWN KUNGDAWN 80:19

Chyahtum Chyalai n-gun rawng ai Madu Karai Kasang e, anhte hpe bai woi nhtang wa mi law. Na a matsan dum lama ai myit anhte hpe madun dan mi, shaloi anhte hkye hkrang la ai hkrum na raga ai.

SHAKAWN KUNGDAWN 80:3

Karai Kasang e, anhte hpe bai woi nhtang wa mi law! Na matsan dum lama ai myit anhte hpe madun ya mi, shaloi anhte hkye hkrang la ai hkrum na raga ai!

SHAKAWN KUNGDAWN 80:7

Chyahtum Chyalai n-gun rawng ai Karai Kasang e, anhte hpe bai woi nhtang wa mi law! Na matsan dum lama ai myit anhte hpe madun ya mi, shaloi anhte hkye hkrang la ai hkrum na raga ai!

SHAKAWN KUNGDAWN 94:1

Madu e, nang gaw ari jaw ai Karai Kasang rai nga ndai; na a masin kahtet ai hpe madun dan u!

SHAKAWN KUNGDAWN 99:1

Dai Madu gaw Hkawhkam rai nga ai, amyu masha ni hkrit gari nga ma ai. Shi gaw singkaw tu ai hkrung kanu ni a ntsa na, shi a tingnyang ntsa e dung nga ai, ginding aga gaw ashun awam nga ai.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

ESAIA 60:1

Yerusalem e, rawt u, ajan zawn htoi tu u; Dai Madu a hpung shingkang gaw na a ntsa e htoi tu nga ai!

ESAIA 63:11

Rai ti mung, shanhte gaw lai sai aten, dai Madu a shangun ma Mawshe a nhtoi ni hpe dum ma ai rai nna shanhte gaw, “Panglai kaw na shi a amyu masha ni a ningbaw ni hpe hkye hkrang la sai dai Madu gaw ya kanang rai nga a ta? Mawshe hpe shi a wenyi jaw ya ai dai Madu gaw kanang rai nga a ta?

EZEKELA 1:13

Dai dusat ni a lapran e agrung nga ai wan shanan zawn re ai arai lama mi tut e shamu hkawm nga ai. Dai wan shanan gaw grung wa nna myihprap wan gala ya nga ai.

EZEKELA 10:4

Dai Madu a htoi tu ai hpung shingkang gaw hkrung kanu ni kaw na rawt lung wa nhtawm, Nawku Htingnu a chyinghka lam de sit sa wa nga ai. Dai shaloi, sumwi gaw Nawku Htingnu hpe ka-up da nga ai; wang gaw htoi tu ai hpung shingkang hte dan hkung nga ai.

EZEKELA 34:23

Shanhte hpe rem ai sagu rem wa langai tai wa na matu, nye a shangun ma Dawi hte bung ai hkawhkam langai ngai shanhte hpe jaw na nngai, shing rai shi gaw shanhte hpe rem ai sagu rem wa tai nna lanu lahku na ra ai.

EZEKELA 43:2

dai yang e, Israela a Karai Kasang a htoi tu ai hpung shingkang gaw sinpraw maga de nna pru wa ai hpe ngai mu nngai. Karai Kasang a nsen mung panglai hka wu kadu ai nsen hte bung nna ginding aga gaw kabrim ai nhtoi hte htoi tu nga ai.

Daniela 9:17

O Karai Kasang e, nye a akyu hpyi ga hte hpyi nem ai ga hpe na ya e. Jahten sharun kau hkrum sai na a Nawku Htingnu hpe bai gram lajang da u. Dai hpe bai gram lajang da u; shaloi masha shagu hte gaw nang Karai Kasang rai nga hpe chye lu na mara ai.

YAWHAN 10:14

Ngai gaw sagu rem wa kaja rai nngai; nye Wa gaw ngai hpe chye ai rai nna ngai mung Wa hpe chye nngai zawn,

TARA JAHPRANG 33:2

Dai Madu gaw Sina Bum kaw na yu wa nga ai; shi gaw Edom mung a ntsa e ate nga ai jan zawn rawt lung wa nna Paran Bum ntsa kaw na shi a amyu masha ni hpe shadan jahkung nga ai. Lamu kasa mun mi mung shi hte rau nga nga ai rai nna, shi a hkra lata hta grung ai wan tu nga wu ai.

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.

1 PETRU 2:25

Nanhte gaw lam dam mat ai sagu ni zawn rai nga myit dai; ya chyawm gaw sagu rem wa hte nanhte a myit masin ni hpe up madu da ya ai wa a hpang e hkan nang na matu shi hpang de bai woi du wa manit dai.

1 PETRU 5:4

Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.

1 SAMUELA 4:4

Shanhte gaw Shilo de kasa ni hpe shangun dat nhtawm singkaw tu ai hkrung kanu ntsa e dung ai Chyahtum Chyalai N-gun rawng ai dai Madu a Ga Shaka Sumpu hpe la sa ma ai. Eli a kasha Hopni hte Hpineha yan mung dai Ga Shaka Sumpu hte rau hkan sa wa ma ai.