SHAKAWN KUNGDAWN 8:2 - Jinghpaw Common Language Bible 2009

² dai shakawn ga ni hpe ma kaji ni hte chyu chyu ai ma ngai ni mahkawn ma ai. Nang gaw na a gumlau hpyen ni yawng a lata kaw nna, shim ai hte sim sa nga ndai; nang hpe ninghkap ai kadai hpe mung, nang manga kau nga ndai.

Jinghpaw Hanson Version Bible

² Nang hpe je hpre ai ni a majaw, Gumlau ni hte manawn ai ni hpe jasim kau mu ga, Ma chyangai hte chyu chyu ai ni a n-gup hta, nang hpung shingkang tawn da ndai.

SHAKAWN KUNGDAWN 8:2 ပူးပေါင်းရင်းမြစ်များ

SHAKAWN KUNGDAWN 148:13

Dai Madu a mying nsang hpe shanhte yawng shakawn mu ga! Shi a mying nsang gaw kaga ni yawng hta grau nga ai; shi a hpung shingkang gaw ginding aga hte sumsing lamu a ntsa e, chyam nga ai.

SHAKAWN KUNGDAWN 4:4

Hkrit gari ai hte yubak galaw ai lam hpe jahkring kau mu; nanhte a yupku ni a ntsa e, azim sha kaleng nga ai shaloi, dai lam hpe sung sung myit yu mu.

SHAKAWN KUNGDAWN 44:16

nye a gumlau hpyen ni hte ngai hpe n ju n dawng ai ni a asawng asang ai hte n kaw n law re ai ni a nsen ni hpe na lu ai majaw; ngai gaw kaya kahpa hte htinggrum da hkrum nga nngai.

SHAKAWN KUNGDAWN 46:10

Shi gaw, “Gasat gala ai lam hpe jahkring kau mu, ngai gaw masha amyu baw ni a ka-ang e mung, mungkan ting a Karai Kasang rai nga nngai hpe mung chye mu,” ngu nna tsun wu ai.

SHAKAWN KUNGDAWN 57:6

Nye a gumlau hpyen ni ngai hpe rim na matu nye a lam e, sumgawn jahkrat da nga ma ai; ngai gaw myit ru myit tsang hkrum nga nngai. Nye a lam hta shanhte nhkun htu tawn ma ai, rai tim shanhte mahtang dai kaw di hkrat bang ma ai.

PRU MAT 11:7

Rai ti mung, Israela amyu masha ni, shing n rai shanhte a yam nga ni nga ai shara hta gwi langai sha pyi wau na ra ai n rai. Shaloi, Ngai Madu nan Egutu masha ni hte Israela amyu masha ni a lapran e dan leng ai ginhka lam langai shabyin dat ai hpe nanhte chye lu na rai myit dai,’” ngu nna tsun wu ai.

PRU MAT 15:16

Hkrit kajawng ai hte hkrit gari ai gaw shanhte a ntsa e du sai. O Madu e, shanhte gaw na a n-gun hpe mu ma ai shaloi, na a amyu masha ni lai mat wa nna, amyu masha ni hpe mayam prat kaw na nang shalawt kau dat ai aten du hkra, hkrit ai hte atsin sha nga nga ma ai.

ESAIA 40:31

Rai ti mung karum la na matu dai Madu hpe kam hpa ai ni gaw shanhte a n-gun atsam ningnan mu tam la na mara ai. Shanhte gaw galang ni zawn singkaw nnan ni hte pyen lung na mara ai; shanhte gaw gat ti mung hki ba na n rai; shanhte gaw hkawm ti mung n-gun kya na ma ai n rai.

ESAIA 6:3

Shanhte langai hte langai gaw ning ngu nna tsun jahtau ma ai: “Chyoi pra, chyoi pra, chyoi pra! Chyahtum Chyalai N-gun rawng ai dai Madu gaw chyoi pra nga ai! Shi a hpung shingkang gaw mungkan ga hta hpring nga ai.”

AMO LAIKA (AMOS) 5:9

Shi gaw n-gun rawng ai shanhte a hpyen dap ni hpe jahten kau nga ai.

HABAKU 2:20

Dai Madu gaw shi a chyoi pra ai Nawku Htingnu hta nga nga ai; ginding aga ntsa na masha shagu hte gaw shi a man e a sim sha nga mu ga.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

MAHTE 21:16

Shing rai shanhte gaw Yesu hpe, “Ndai ni hpa tsun nga ai hpe nang na da wu ni?,” ngu nna san mu ai. Yesu gaw, “Ngai na nga nngai, Dai Madu gaw “Ma ni hte chyu chyu ai ma chyangai ni hpe mahkawn shakawn ga majing hte daw jau na matu sharin ya da nu ai, nga ai ga Chyum Laika hta nanhte galoi mung n hti yu myit ni?,” ngu nna shanhte hpe tsun mu ai.

LUKA 10:21

Dai ahkying hta Yesu gaw Chyoi Pra ai Wenyi a majaw kabu ai myit hte hpring nna, “Sumsing lamu hte ginding aga a Madu, Wa e! Hpaji byeng-ya rawng ai ni hte myit kunghpan ai ni kaw na, nang makoi magap da ai dai teng man ai lam ni hpe hpaji kata ai ni e nang madun dan ndai majaw, ngai nang hpe shakawn kungdawn nngai. Rai sa, Wa e, dai gaw nang tsaw ra ai hku byin shangun mayu ai lam rai nga lit dai.

1 KORINHTU 1:27

Rai ti mung Karai Kasang gaw, dingsang di ai hku nna hpaji byeng-ya rawng ai ni hpe kaya kahpa jahkrum na matu, mungkan e angawk angak re ai ni ngu nna sawn nawn ai ni hpe lata la wu ai; n-gun ja ai ni hpe kaya kahpa jahkrum na matu mungkan ga e n-gun kya ai ni ngu nna sawn nawn ai ni hpe lata la wu ai.

1 SAMUELA 2:9

“Shi gaw sadi sahka myit rawng ai amyu masha ni a asak hkrun lam ni hpe makawp maga ya nga ai, rai ti mung, n hkru ai ni chyawm gaw nsin kata hta hkoi mat na mara ai; masha gaw tinang a atsam hte dang lu ai n rai.