SHAKAWN KUNGDAWN 8:1 - Jinghpaw Common Language Bible 2009

¹ O Madu anhte a Madu e, na a galu kaba ai lam hpe mungkan ting hta mu lu nga a hka! Nang hpe shakawn ai ga ni, sumsing lamu ni de du hkra hkrang lung nga ai;

Jinghpaw Hanson Version Bible

¹ Anhte a Madu Yehowa e, Lamu hta, na a hpung shingkang shapraw ai wa gaw, Aga ting hta, na a mying nsang gaw, gade wa dan hkung nga a hka!

SHAKAWN KUNGDAWN 8:1 ပူးပေါင်းရင်းမြစ်များ

1 HKAWHKAM 8:27

“Rai ti mung, O Karai Kasang e, nang gaw ginding aga ntsa e teng teng shanu nga lu na kun? Sumsing lamu yawng pyi nang hpe sharawng da lu na daram kaba nga ai n rai; dai rai yang, ngai gap da ai ndai Nawku Htingnu gaw kaning rai kaba ram lu na rai nga a ta?

SHAKAWN KUNGDAWN 145:1

Nye a Karai Kasang hte hkawhkam wa e, na a galu kaba ai lam hpe ngai htawn tsun nga na nngai; ngai nang hpe htani htana prat dingsa chyeju shakawn nga na nngai.

SHAKAWN KUNGDAWN 148:13

Dai Madu a mying nsang hpe shanhte yawng shakawn mu ga! Shi a mying nsang gaw kaga ni yawng hta grau nga ai; shi a hpung shingkang gaw ginding aga hte sumsing lamu a ntsa e, chyam nga ai.

SHAKAWN KUNGDAWN 36:5

Madu e, na a dinggrin tsaw ra myit gaw sumsing lamu du hkra dep nga ai; na a sadi sahka mung lamu ni de du hkra maden jat nga ai.

SHAKAWN KUNGDAWN 57:5

O Karai Kasang e, lamu hta na a hkik hkam ai lam hte ga ntsa ting hta mung, na a hpung shingkang dan hkung nga ai hpe madun dan u.

SHAKAWN KUNGDAWN 63:1

O Karai Kasang e, nang gaw nye a Karai Kasang rai nga ndai, ngai nang hpe marit nga nngai. Nye a hkum ting nang hpe ra marit nga nngai; hkun hkraw mat nna, akyu n jaw mai sai hte hka n rawng mat sai lamu ga zawn, nye a myit masin mung nang hpe shagroi gara nga li ai.

SHAKAWN KUNGDAWN 68:4

Karai Kasang hpe mahkawn mu, shi a mying nsang hpe mahkawn shakawn mu; sumwi jawn ai wa a matu lam shajin mu. Shi a mying gaw Madu rai nga ai, shi a man hta kabu gara nga mu!

SHAKAWN KUNGDAWN 8:9

O Madu anhte a Madu e, na a galu kaba ai lam hpe mungkan ting hta mu lu nga a hka!

SHAKAWN KUNGDAWN 81:1

Anhte a dahpran shara Karai Kasang hpe kabu gara jahtau nga mu; Yaku a Karai Kasang hpe mahkawn shakawn nga mu!

SHAKAWN KUNGDAWN 84:1

Chyahtum Chyalai n-gun rawng ai Madu e, na a Nawku Htingnu hpe ngai kade wa tsaw ra nga a hka!

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

ESAIA 26:13

Dai Madu anhte a Karai Kasang e, anhte gaw kaga masha ni a up hkang ai npu hta nga lai wa saga ai, rai ti mung nang chyu sha anhte a Madu rai nga ndai.

HABAKU 3:3

Karai Kasang gaw Edom kaw nna bai sa wa nga ai; chyoi pra ai Karai Kasang gaw Paran kawng ni kaw na sa wa nga ai. Shi a hpung shingkang sumsing lamu ni hpe ka-up da nga ai; ginding aga gaw shi hpe shakawn kungdawn ai ga hte hpring nga ai.

MAHTE 22:45

Shing nga Dawi gaw Meshia hpe Madu nga ai rai yang gaw, kaning rai nna Meshia gaw shi a kasha rai na rai nga a ta?,” ngu nna shanhte hpe tsun mu ai.

YAWHAN 20:28

Dai rai nna Htawma gaw, “Nye a Madu nye a Karai Kasang rai nga ndai,” ngu nna shi hpe htan wu ai.

EHPESU 4:10

Shing rai yu hkrat wa ai wa gaw, sumsing lamu ni a ntsa hte shinggan jan shata shagan ting hta shi nga ai lam shingkang shingwang hte jahpring da na matu, bai lung wa ai wa nan rai nga ai.

TARA JAHPRANG 28:58

“Ndai laika hta ka da ai Karai Kasang a sharin shaga ai ga yawng hpe sadi sahka hte nanhte n madat ai sha, dai Madu nanhte a Karai Kasang a mauhpa hte hkrit hpa mying ningsang hpe n shagrau n sha-a myit dai rai yang,

HPILIPI 3:8

Dai hta n-ga, nye a Madu Yesu Hkristu hpe chye chyang lu ai lam gaw, lam shagu hta grau nna chyahtum chyalai hpu reng nga ai amyat re ai majaw, dai hpe lu la na matu arai yawng mayawng hpe tsep kawp asum hku ngai sawn la nngai. Ngai gaw shi a matu arai yawng mayawng hpe kabai kau ni ai. Hkristu ngu ai amyat hpe lu la na matu hte Hkristu hte langai sha tai lu na matu nga manga hpe shanut shanaw zawn ngai nawn kau ni ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

SHINGRAN 19:6

Dai hpang, masha wunawng wuwa a nsen zawn nga nna pru wa ai nsen hpe ngai na nngai. Dai nsen gaw, Karai Kasang hpe shakawn kungdawn mu! Hpa majaw nga yang, “Dai Madu gaw, anhte a daru magam hpung shingkang rawng ai Karai Kasang ngu ai Hkawhkam wa shi rai nga ai!