SHAKAWN KUNGDAWN 79:2 - Jinghpaw Common Language Bible 2009

² Shanhte gaw na a amyu masha ni a moi mang ni hpe langda ni a matu; na a nchyang mayam ni a moi mang ni hpe matse labye dusat ni sha na matu, tawn da nga ma ai.

Jinghpaw Hanson Version Bible

² Shanhte gaw na a ali ama ni a mang ni hpe, ntsa na u ni a shahpa shatai nna, Na a chyoi pra ai ni a hkum shan hpe, Nam na matse labye ni hpe, jaw kau mu ai.

SHAKAWN KUNGDAWN 79:2 ပူးပေါင်းရင်းမြစ်များ

YEREMIA 15:3

Dai Madu ngai gaw shanhte hta hkrit hpa amu mali byin wa na lam hpe daw dan da ni ai: shanhte gaw majan hta sat kau ai hkrum na mara ai; shanhte a moi mang ni gaw gwi ni e garawt mat wa hkrum na mara ai; ntsa malen u ni gaw dai ni hpe sha na mara ai, matse labye dusat ni gaw ngam da ai mang ni hpe araw sha na mara ai.

YEREMIA 16:4

Shanhte gaw hkrit hpa ana zinli ni hte si na mara ai; kadai mung shanhte a matu yawn madai ai hte lup makoi na n rai. Shanhte a moi mang ni gaw ga ntsa na namhpun sumpum ni zawn taw nga na mara ai. Shanhte gaw hpyen majan hta sat kau hkrum nna kawsi hpang gara ai hte htum mat na mara ai; shanhte a si mang ni gaw ntsa malen u ni hte matse labye ni a matu shahpa tai na mara ai.

YEREMIA 19:7

Ngai gaw Yuda mung masha ni hte Yerusalem mare masha ni a myit maw ai lam yawng hte hpe ndai shara e shabyak kau ya na we ai. Shanhte a gumlau hpyen ni shanhte hpe dang kau ai hte majan pa e shanhte hpe sat kau shangun na we ai. Shanhte a moi mang ni hpe ntsa malen u ni hte matse labye dusat ni a matu lusha zawn ngai jaw na we ai.

YEREMIA 34:20

Shanhte hpe sat kau na matu asak hkan tam nga ai shanhte a gumlau hpyen ni a lata de ngai shanhte hpe ap kau na nngai, shing rai shanhte a moi mang ni hpe ntsa malen u ni hte matse labye dusat ni e sha kau na mara ai.

YEREMIA 7:33

Dai moi mang ni gaw ntsa malen u ni hte nam na matse labye ni a matu lusha tai na ra ai; shanhte hpe gawn jahkrit shari na masha langai mi mung dai shara hta nga na ra ai n rai.

ZEHPANI 1:17

Dai Madu gaw, “Shinggyim masha ni a ntsa e dai zawn re ai tsin-yam tsindam shangun dat nna, masha hkum shagu gaw myi n mu ai wa zawn lamawm hkawm wa na mara ai. Shanhte gaw ngai hpe yubak galaw ma ai majaw, shanhte a asai hpe ya jang, hka zawn ru pru wa wa nna shanhte a moi mang ni gaw ga ntsa e yat mara taw nga na mara ai,” ngu nna tsun ai.

TARA JAHPRANG 28:26

Nanhte si mat myit dai shaloi, ntsa malen u ni hte matse labye dusat ni nanhte a si mang ni hpe sa sha na mara ai; dai ni hpe jahkrit jahtaw kau lu na masha kadai mung nga na n rai.