SHAKAWN KUNGDAWN 78:9 - Jinghpaw Common Language Bible 2009

⁹ Ndan pala ni hpe chye lang nna gasat chye ai Ehprim a kashu kasha ni gaw majan shani e, hprawng mat ma ai.

Jinghpaw Hanson Version Bible

⁹ Ndan shachyen nna gap chye ai Ehprim a kashu kasha ni, Hpyen shani hta e, hpang de kayin mat wa ma ai.

SHAKAWN KUNGDAWN 78:9 ပူးပေါင်းရင်းမြစ်များ

1 HKAWHKAM LABAU 12:2

mahkrum madup law law lu sai ni, kam ging ai hpyenla ni shi hpang maga de shang mat wa ma ai. Dai ni gaw pai hkra n lata ai sha ndan gap lu ai hte lakli hte nlung nwat lu ai ni rai ma ai.

SHAKAWN KUNGDAWN 78:57

Shanhte a kaji kawa ni zawn, sadi n dung ai sha gumlau ai ni rai nga ma ai; magaw ai ndan pala zawn, n mai kam ai ni rai ma ai.

LUKA 22:33

Simun gaw, “Madu e, ngai gaw htawng de rai ti mung, si hkam na de rai ti mung, nang hte rau sa na matu jin nga chyalu rai nga nngai,” ngu nna htan wu ai.

TARA AGYI 20:39

majan pa de gasat sa wa let kayin htingnut mat wa ma ai. Dai aten hta Benyamin amyu matu ni mahtang Israela masha sumshi hpe sat kau rau manu ai. Shanhte nan chyawm gaw, “Shawng e anhte gasat kau lu saga ai zawn, shanhte hpe anhte anut kau lu saga ai,” ngu nna tsun ma ai.

TARA AGYI 9:28

Gala mung, “Shehkem mare hta nga ai anhte gaw kaning re ai ni sha rai nga ga ta? Abimelek hpe hpa lam a majaw anhte daw jau ra ga ta? Shi gaw kaning re ai wa rai nga a ta? Gidon a kasha rai nga ai! Zebula chyawm gaw shi a ga hpe madat mara nga ai; rai ti mung anhte mahtang hpa lam a majaw shi hpe daw jau ang nga ga ni? Nanhte a amyu lakung lama daju kaji kawa Hamora a ntsa e sadi dung nga mu!

1 SAMUELA 31:1

Hpilisti masha ni gaw Israela amyu masha ni hpe Gilaboa Bum ntsa e sa gasat ma ai. Dai yang e, Israela amyu masha ni law law sat kau ai hkrum nga ma ai; ngam nga ai ni hta Hkawhkam Shawlu hte shi a kasha ni du hkra hprawng mat wa ma ai.

1 SAMUELA 4:10

Hpilisti masha ni aja awa gasat ma ai rai nna, Israela amyu masha ni hpe dang kau ma ai; shanhte mung tinang dum nta ni de hprawng mat wa ma ai. Dai yang e, ja ja kahtam sat hkat ma ai rai nna, Israela hpyenla mun masum sat kau ai hkrum ma ai.