SHAKAWN KUNGDAWN 78:4 - Jinghpaw Common Language Bible 2009

⁴ Dai lam ni hpe anhte a kashu kasha ni a man e, makoi da na ga ai n rai; Madu a daru magam n-gun a lam, shi a galu kaba ai magam amu ni hte shi galaw dan sai mauhpa lam ni hpe hpang ban prat masha ni hpe anhte htawn tsun dan na ga ai.

Jinghpaw Hanson Version Bible

⁴ Shanhte a kashu kasha ni a man e anhte makoi da na gaw ai n rai: Yehowa hpe mai shakawn ai lam hte, Shi a atsam, shi galaw sai mauhpa amu hpe, Anhte shu mashi shu masha du hkra gawn dan na ga ai.

SHAKAWN KUNGDAWN 78:4 ပူးပေါင်းရင်းမြစ်များ

YOBA 15:18

Hpaji rawng ai masha ni gaw shanhte a kaji kawa ni kaw na sharin hkam la lu ai teng man lam ni ngai hpe sharin ya ma ai; shanhte makoi magap da ai amu hpa mung n nga nga ai.

SHAKAWN KUNGDAWN 26:7

Chyeju dum ai mahkawn mangoi ga langai ngai mahkawn nna na a mauhpa magam amu ni yawng hpe tsun dan nngai.

SHAKAWN KUNGDAWN 9:14

shaloi, Yerusalem amyu masha ni a man e, ngai rawt tsap lu nna, ngai nang hpe shakawn ai lam yawng mayawng shanhte hpe tsun dan lu na nngai. Nang ngai hpe hkye hkrang la nit dai majaw ngai kabu gara lu na nngai.

PRU MAT 12:26

Nanhte a kashu kasha ni gaw nanhte hpe, ‘Ndai zawn nawku daw jau ai lai gaw kaning re ai hpe ngu mayu a ta?,’ ngu nna san ai shaloi,

PRU MAT 13:14

Du na ra ai aten hta, na a shadang sha mahtang, ndai htung tara gaw hpa baw lachyum rai ta?, ngu nna san yang, nang gaw shi hpe, ‘Dai Madu gaw galu kaba ai daru magam n-gun lang nna anhte mayam sa tai nga ai Egutu mung kaw na woi shapraw wa mi ai.

PRU MAT 13:8

Nanhte Egutu mung na pru wa myit dai shaloi, nanhte a matu dai Madu galaw dan nu ai amu a majaw ndai lam yawng hpe nanhte galaw nga myit dai hpe lusha poi hpang wa ai shaloi nanhte a shadang sha ni hpe tsun shaleng dan nga mu.

ESAIA 38:19

Ya ngai nang hpe shakawn kungdawn ai zawn, Asak hkrung nga ai ni nang hpe shakawn kungdawn ma ai. Kanu kawa ni gaw nang kade wa kangka nga ai lam shanhte a kashu kasha ni hpe tsun dan ma ai.

YOELA 1:3

Dai hte seng ai lam nanhte a kashu kasha ni hpe tsun dan mu; shanhte mung shanhte a kashu kasha ni hpe tsun dan na mara ai, hpang prat ban mi hte ban mi hkai shachyaw mat wa na mara ai.

TARA JAHPRANG 11:19

Nanhte a kashu kasha ni hpe ga dai ni sharin achyin ya mu; nanhte nta e nga nga yang mung, hkawm sa nga yang mung, hkring sa ai hte magam bungli galaw nga yang mung ga dai hpe atsun nga lu na rai myit dai.

TARA JAHPRANG 4:9

Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.

TARA JAHPRANG 6:7

Na a kasha ni hpe dai ga sharin ya u. Nta e nga yang mung, hkawm sa nga yang mung, hkring sa nga yang mung, magam bungli galaw nga yang mung, ga dai hpe atsun nga na rai ndai.