SHAKAWN KUNGDAWN 77:9 - Jinghpaw Common Language Bible 2009

⁹ Karai Kasang gaw matsan dum na malap kau nu ai kun? Matsan dum la na malai, masin kahtet bu nga ai kun?”

Jinghpaw Hanson Version Bible

⁹ Karai Wa gaw matsan dum na malap kau a ni? Masin pawt let shi a sumnung ai myit hpe, Dawm la kau na nu ni? [Selah.]

SHAKAWN KUNGDAWN 77:9 ပူးပေါင်းရင်းမြစ်များ

SHAKAWN KUNGDAWN 40:11

Madu e, ngai hpe matsan dum ai lam nang galoi mung jahkring kau na n rai nga ndai gaw, ngai chye nngai. Na a tsaw ra myit hte sadi sahka gaw ngai hpe tut nawng e, shim lum shangun na ra ai.

1 YAWHAN 3:17

Sut gan lu su ai wa rai nga da nhtawm, shi a hpu nau wa matsan mayan ra kadawn nga ai hpe mu ninglen, shi a matsan dum ai myit masin hpe pat kau wu yang gaw, shi gaw Karai Kasang hpe tsaw ra ai ngu nna kaning rai tsun lu na a ta?

ROMA 11:32

Hpa majaw nga yang masha nlang hte gaw shi a ga n madat n mara ma ai majaw Karai Kasang gaw shanhte hpe n madat n mara ai bawng masha ni tai shangun kau mu ai. Shing rai shi galaw ai gaw masha nlang hte hpe shi a matsan dum lama ai lam madun dan mayu ai majaw rai nga ai.

ESAIA 63:15

Madu e, na a chyoi pra ai hte hpung shingkang hta shanu nga ai sumsing lamu kaw na anhte hpe gum yu mi. Anhte a matu na a galu kaba ai tsang ai myit gaw kanang rai nga a ta? Na a daru magam n-gun kanang rai nga a ta? Na a tsaw ra myit hte matsan dum ai myit kanang rai nga a ta? Anhte hpe hpa n nawn hkum rai et.

ESAIA 40:27

Israela e, dai Madu gaw na a tsin-yam tsindam hpe n chye nga ai nga nna, nang hpa majaw aput angun nga n ni? Nang gaw n teng n man ai tara a nni nkri hpe hkam sha yang shi nang hpe n yu ai ngu hpa majaw tsun nga n ta?

SHAKAWN KUNGDAWN 51:1

Karai Kasang e, na a dinggrin tsaw ra myit a majaw, ngai hpe matsan dum la e. Na a galu kaba ai matsan dum myit a majaw, nye a yubak ni hpe arut kau ya e.

SHAKAWN KUNGDAWN 25:6

O Madu e, chyaloi nhkoi kaw nna nang madun dan nga sai na a matsan dum ai myit hte dinggrin tsaw ra myit hpe adum nga u.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.