SHAKAWN KUNGDAWN 76:6 - Jinghpaw Common Language Bible 2009

⁶ Yaku a Karai Kasang e, nang shanhte hpe jahkrit shama dat ai shaloi; gumra ni hte dai hta jawn nang nga ai ni di hkrat si mat masai.

Jinghpaw Hanson Version Bible

⁶ Yaku a Karai Kasang e, nang daru nga ndai majaw, Gumra hte hpyen leng, yup kaba hta yup ma ai.

SHAKAWN KUNGDAWN 76:6 ပူးပေါင်းရင်းမြစ်များ

2 SAMUELA 10:18

Suri hpyen luksuk hpe Israela masha ni e gawt nhtang kau dat lu ma ai. Dawi hte shi a masha ni chyawm gaw Suri gumra leng gawt ai masha sanit tsa hte gumra jawn masha mun mali hte hpe sat kau ma ai. Gumra hpyen a up hkang du Shobak hpe mung shanhte hkala kau mu ai rai nna majan pa e shi si mat nga ai.

2 HKAWHKAM 19:35

Dai Madu a lamu kasa gaw dai shana jang Asuri hpyen ni but nga ai dap de sa wa nna, hpyenla sen mi mun matsat hkying manga hte hpe sat kau wu ai. Hpang shani jahpawt jau jau aten hta dai shara e shanhte yawng si taw nga ma ai!

2 HKAWHKAM LABAU 32:21

Dai Madu gaw lamu kasa langai mi hpe shangun dat nhtawm hpyenla ni hte Asuri hpyen luksuk a du salang ni hpe sat kau wu ai. Dai rai nna hkawseng wa gaw myi man sum let Asuri mung de nhtang mat wa wu ai. Lani mi na aten hta shi a karai a nawku shara hta nga nga yang, shi a kasha nkau mi mahtang shanhte a nhtu ni hte shi hpe sat kau ma ai.

SHAKAWN KUNGDAWN 104:7

Nang gaw hka ni hpe daru kau dat ai shaloi, dai ni tse rai yawng mat wa nna; nang jahtau tsun ai mungga hpe dai ni na ai shaloi, lawan wan lwi agre mat wa nga ma ai.

SHAKAWN KUNGDAWN 18:15

Madu e, nang gaw na a gumlau hpyen ni hpe daru kau let, masin kahtet ai hte shanhte hpe marawn shabam dat yang, panglai htumpa a htingnyep ni dawng pru wa nna, lamu ga a npawt nhpang ni hpaw malang wa nga ai.

SHAKAWN KUNGDAWN 80:16

Anhte a gumlau hpyen ni dai hpe wan nat kau nna, kran daw kau nga masai; shanhte hpe masin kahtet ai hte yu nna shanhte hpe jahten kau u!

PRU MAT 15:1

Dai shaloi Mawshe hte Israela masha ni gaw dai Madu hpe ndai mahkawn ga hte mahkawn mangoi ma ai: “Dai Madu gaw hpung shingkang hte hpring ai awng padang hpe ninglaw nu ai majaw ngai shi hpe mahkawn mangoi na nngai; shi gaw gumra ni hte dai hta jawn ai ni hpe panglai kata de kabai gumpye kau nu ai.

PRU MAT 15:10

Rai ti mung Madu e, nang kaw na nsa shapraw dat yang, Egutu masha ni yawng lup si mat ma ai; dai hkrit hpa hka de, machyu zawn shanhte lup mat ma ai.

PRU MAT 15:21

Miriam gaw shanhte hpe woi awn let ning ngu mahkawn wu ai: “Dai Madu hpe mahkawn mangoi mu, hpa majaw nga yang, shi gaw hpung shingkang hte hpring ai awng padang hpe ninglaw nu ai; shi gaw gumra ni hte dai hta jawn ai ni hpe panglai hta kabai gumpye bang kau nu ai.”

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

YEREMIA 51:39

Shanhte gaw lawhpa myit marin nga ma ni? Ngai gaw shanhte a matu lusha poi langai mi hkyen lajang ya nna shanhte hpe kabu gara lu nang shangun na nngai. Shaloi, shanhte yup pyaw mat wa nna galoi mung hprang wa na mara ai n rai.

YEREMIA 51:57

Ngai gaw dai mung na du ni, hpaji rawng ai masha ni, ningbaw ni hte hpyenla ni hpe chyaru shanang na nngai. shanhte gaw yup pyaw mat wa nna galoi mung hprang na mara ai n rai. ngai hkawhkam wa nan tsun ni ai; Ngai gaw chyahtum Chyalai N-gun rawng ai dai Madu rai nga nngai.

EZEKELA 39:20

Shanhte gaw nye a sha ku hta gumra ni, leng jawn ai ni, hpyenla ni, hte gasat masha ni hpe hkru kat hkra sha lu na mara ai. Tsaw Htum ai dai Madu ngai nan tsun ni ai.

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

NAHUM 2:13

“Chyahtum Chyalai N-gun rawng ai dai Madu gaw, “Ngai gaw na a hpyen rai nga nngai, na a hpyen leng ni hpe ngai nat kau na nngai. Na a hpyenla ni majan hta sat kau hkrum na mara ai, Kaga ni kaw na nang la da sai arai magup sumhpa ni hpe mung ngai la mat wa na nngai. Na a dat kasa ni a hpyi nem ai nsen hpe htawm hpang de galoi mung na lu sana n rai.”

NAHUM 3:18

Asuri hkawseng e, na a mungdu ni si mat masai, na adu magam ni htani htana yup pyaw mat masai! Na a masha ni gaw bum lang ntsa hkan bra ayai nga masai, shanhte hpe dum nta de bai woi na masha kadai n nga nga ai.

ZEHKARIA 12:4

Dai aten hta ngai gaw shanhte a gumra ni yawng hpe hkrit kajawng shangun nna, gumra jawn ai ni hpe mana bu kau shangun na nngai. Yuda amyu masha ni hpe ngai mada yu nna shanhte a gumlau hpyen ni a gumra ni hpe myi kyaw shangun na nngai.

1 SAMUELA 26:12

Dai rai nna Dawi gaw Shawlu a baw nhtung makau e tawn da ai nri hte ntsin namtau hpe sha la nna shi hte Abishai bai pru mat wa ma ai. Langai mi mung shing re ai lam hpe n mu kau dat ma ai; hpa byin mat wa ai lam hpe mung n chye kau dat ma ai. Kadai sha pyi n hprang nga ma ai. Dai Madu mahtang shanhte hpe yup kaba hte shayup kau ma ai majaw, shanhte yawng angwi apyaw hte yup taw nga ma ai.