SHAKAWN KUNGDAWN 76:5 - Jinghpaw Common Language Bible 2009

⁵ Shanhte a share shagan ai hpyenla ni gaw shanhte lu ai arai yawng raw sharun la kau ai hkrum ma ai; ya, shanhte si kadawng taw nga masai. Shanhte a n-gun hte kung kyang ai lam yawng hte mung kaman lila sha rai mat manu ai.

Jinghpaw Hanson Version Bible

⁵ Nden ja ai ni hten byak re ai hkrum sha nna, Ndum shami yup taw nga ma ai; N-gun ja ai ni tinang a lata hpe pyi, n dum ma ai.

SHAKAWN KUNGDAWN 76:5 ပူးပေါင်းရင်းမြစ်များ

SHAKAWN KUNGDAWN 13:3

Madu nye a Karai Kasang e, ngai hpe mada yu nna htan ya e. Ngai n si u ga, ngai hpe n-gun bai jaw ya e.

ESAIA 31:8

Asuri gaw masha a n-gun hte n re ai sha, majan hta jahten kau hkrum na mara ai. Dai Asuri masha ni gaw majan ginra kaw na hprawng htaw mat wa na mara ai, shanhte a la shabrang ni mayam shatai hkrum na mara ai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

ESAIA 46:12

“Du ja nna awng padang hte tsan nga ai ngu myit nawn nga ai ni e, nye a ga madat mu.

YEREMIA 51:39

Shanhte gaw lawhpa myit marin nga ma ni? Ngai gaw shanhte a matu lusha poi langai mi hkyen lajang ya nna shanhte hpe kabu gara lu nang shangun na nngai. Shaloi, shanhte yup pyaw mat wa nna galoi mung hprang wa na mara ai n rai.

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

NAHUM 3:18

Asuri hkawseng e, na a mungdu ni si mat masai, na adu magam ni htani htana yup pyaw mat masai! Na a masha ni gaw bum lang ntsa hkan bra ayai nga masai, shanhte hpe dum nta de bai woi na masha kadai n nga nga ai.