SHAKAWN KUNGDAWN 74:9 - Jinghpaw Common Language Bible 2009

⁹ Anhte a makam masham hte seng ai chyoi pra ai kumla ni hpe n mu lu saga ai; dai shara hta myihtoi langai mi mung n nga nga sai hte kade daram na hkra, ndai zawn byin wa na lam, kadai mung n chye nga ai.

Jinghpaw Hanson Version Bible

⁹ Anhte a kumla ni hpe anhte n mu lu gaw ai: Ya aten e myihtoi n pru n nga ai; Anhte hta ladaw langa chye ai masha n nga ai.

SHAKAWN KUNGDAWN 74:9 ပူးပေါင်းရင်းမြစ်များ

PRU MAT 12:13

Chyinghka hkadun ni hta kap ai asai gaw nanhte rawng nga ai nta hpe matsing na matu kumla tai na ra ai. Dai asai hpe ngai mu ai shaloi, nanhte hpe ngai shalai kau da na we ai. Egutu masha ni hpe ari jaw ai shaloi nanhte hta machyi shoichyum hkrum na myit dai n rai.

SHARUNG SHAYAWT 2:9

Mare chyinghka ni adaw atang rai, ga hta lup taw nga nna, shanhte a chyinghka htinggrang ni adaw atang rai agrawp daw mat manu ai. Hkawhkam wa hte arawng lu ai du magam ni bawng dung hkrum nga masai. Tara a lam n sharin la nga ma ai, myihtoi ni mung dai Madu kaw na shingran hpa mung n hkam la lu nga ma ai.

EZEKELA 20:12

Shanhte hpe shachyoi shapra nga ai dai Madu ngai nan rai nga nngai hpe shanhte dum hprang wa lu hkra, anhte a lapran e myit hkrum ai kumla tai nga u ga, Dai Bansa Nhtoi hpe shadik na, ngai hkang da ni ai.

EZEKELA 7:26

Tsin-yam tsindam gaw langai a hpang langai hkan nang nhtawm angwi ngwi sha yan pru wa ai n kaja ai shiga ni mung paw pru wa na ra ai. Myihtoi ni shanhte tau mu chye tawn ai lam ni hpe hpaw shaleng dan na matu nang hpyi lajin na ndai. Hkinjawng ni mung amyu masha ni hpe sharin achyin na lam hpa mung mu na mara ai n rai, salang ni mung hpaji n chye jaw na mara ai.

AMO LAIKA (AMOS) 8:11

“Dai mungdan hta hkuwa hpe ngai dat dat ai shaloi dai aten gaw du wa na ra ai. Amyu masha ni gaw kawsi kyet na mara ai, rai ti mung muk a majaw n rai; shanhte gaw hpang gara na mara ai, rai ti mung hka a majaw n rai. Shanhte gaw dai Madu a mungga hpe kawsi ai hte hpang gara na mara ai. Tsaw Htum ai dai Madu ngai nan tsun ni ai.

MIHKA 3:6

“Myihtoi ni e, nanhte a ahkyak ai nhtoi lai wa magang rai wa nga myit dai; jan gaw nanhte a ntsa e shang mat wa nga sai. Nanhte gaw nye a amyu masha ni hpe lam woi shadam myit dai majaw, nanhte hta myihtoi shingran galoi mung mu lu sana myit dai n rai; hpa lam hta rai tim, nanhte myihtoi ga tsun lu na myit dai n rai,” nga nna tsun ai.

MIHKA 3:7

Du na ra ai aten a matu myihtoi htoi ai ni shanhte a hkrat sum lam a majaw kaya kahpa hkrum na mara ai. Karai Kasang shanhte a ga n htan ya ai majaw, shanhte yawng jahpoi asawng ai hkrum na mara ai.

HEBRE 2:4

Dai hta kaga Karai Kasang gaw shi nan lamik kumla ni, mauhpa amu amyu myu galaw dan ai hku nna mung, Chyoi Pra ai Wenyi hte seng ai chyeju kumhpa ni hpe shi a myit ai hku hte maren garan jaw ai hku nna mung, shanhte a sakse ni hta jat kahtap nna madun dan nga ai.

TARA AGYI 6:17

Gidon gaw, “Nang ngai hpe awng sharawng nga ndai rai yang, nang teng teng dai Madu rai nga ai sakse ngai hpe madun dan e law.

1 SAMUELA 3:1

Ma Samuela gaw Eli a matsun madun ai hku dai Madu hpe daw jau nga ai dai prat e, dai Madu kaw na mungga ni nau wa n pru, shi kaw na shingran ni mung nau wa n du rai nga ai.