SHAKAWN KUNGDAWN 74:8 - Jinghpaw Common Language Bible 2009

⁸ Shanhte gaw anhte yawng hte hpe atsai awai agrawp kau mayu nga masai; dai lamu ga hta nga ai chyoi pra ai shara shagu hte hpe shanhte wan nat kau da manu ai.

Jinghpaw Hanson Version Bible

⁸ Shanhte gaw, “Yawng hte hpe jahten kau gaw,” nga nna kraw lawang e, tsun ma ai. Mung ting na Karai Wa a tara jarawp nlang hte hpe, shanhte nat kau mu ai.

SHAKAWN KUNGDAWN 74:8 ပူးပေါင်းရင်းမြစ်များ

2 HKAWHKAM 2:3

Dai yang e nga ai myihtoi hpung mi gaw Elisha hpang de sa nna shi hpe, “Dai Madu gaw na a madu hpe nang kaw na dai ni jang woi la na hpe nang chye da wu ni?,” ngu nna san mu ai. Shaloi Elisha gaw, “Rai sa ngai chye nngai; rai ti mung de a lam anhte n tsun jahta ga,” ngu nna htan wu ai.

2 HKAWHKAM 2:5

Dai yang e nga ai myihtoi hpung mi gaw Elisha kaw sa nna shi hpe, “Dai Madu gaw na a madu hpe nang kaw na dai ni jang woi la na hpe, nang chye da wu ni?,” ngu nna san mu ai. Elisha mung, “Rai sa, ngai chye nngai; rai ti mung de a lam anhte n tsun jahta ga,” ngu nna htan wu ai.

2 HKAWHKAM 4:23

Shi a madu wa mahtang, “Nang dai ni jang hpa majaw sa ra nga n ta? Bansa Nhtoi mung n rai; Shata Praw na Poi mung n rai,” ngu nna san wu ai. Shi gaw, “Mai na re,” ngu nna htan wu ai.

2 HKAWHKAM LABAU 17:9

Shanhte gaw dai Madu a Tara laika la lang nhtawm Yuda mung ting na mare ni de jawt hkawm let amyu masha ni hpe sharin achyin ya ma ai.

SHAKAWN KUNGDAWN 137:7

Madu e, Yerusalem mare hpe dang la ai shani, Edom amyu masha ni galaw ai amu ni hpe dum nga u; “Ndai mare hpe ga du hkra run kau gaw!,” nga nna shanhte tsun ai ga ni hpe adum nga u.

SHAKAWN KUNGDAWN 83:4

Shanhte gaw, “Sa marit, shanhte a mungdan hpe anhte jahten kau ya ga: shing rai, Israela amyu ni htani htana malap kau ai hkrum nga mu ga,” nga nna tsun ma ai.

SHAKAWN KUNGDAWN 83:5

Shanhte gaw shanhte a yaw shada ai lam hpe jawm myit hkrum da ma ai, nang hpe gumlang na matu, jinghku hpung langai hpe jawm hpaw ninghtan da nga ma ai:

MAHTE 4:23

Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.