SHAKAWN KUNGDAWN 74:3 - Jinghpaw Common Language Bible 2009

³ Anhte a gumlau hpyen ni atsai awai hpya jahten kau sai Nawku Htingnu kata na arung arai ni mahkra hpe sa du gawan yu u.

Jinghpaw Hanson Version Bible

³ Tut tut marawng marang rai nga ai de sa yu u, Gumlau ni a chyoi pra ai shara hpe hpya kau manu ai.

SHAKAWN KUNGDAWN 74:3 ပူးပေါင်းရင်းမြစ်များ

2 HKAWHKAM 25:9

Shi gaw Yerusalem mare na Nawku Htingnu, hkawhkam htingnu ni hte Yerusalem mare hta nga ai ahkyak ai masha ni a dum nta ni yawng hpe nat kau wu ai.

NEHEMIA 1:3

Shanhte gaw ngai hpe naw ngam nga ai ni hte bum ga dum nta de nhtang wa nga ai ni gaw ru yak tsin-yam tsindam kaba hkrum ai hte, makau mayang hkan nga ai maigan masha ni mung shanhte hpe yu kaji nga ma ai ngu nna tsun dan ma ai. Shanhte gaw Yerusalem bunghku ni hten run mat ai hte mare chyinghka ni hkru mat sai lam tsun dan ma ai.

NEHEMIA 2:13

Ngai gaw shana e naw rai nga yang sinna maga na Kadit Chyinghka lam hku mare kaw nna pru mat wa nhtawm, dingda maga Baren Hka Hpawk hte Maza Chyinghka lam de du hkra lai yu wa nngai. Ngai lai hkawm wa ai shaloi, daw agrawp mat sai mare bunghku ni hte wan hkru mat sai chyinghka ni hpe san jep yu nngai.

NEHEMIA 2:3

“Madu hkawhkam gaw htani htana ahkrung nga u ga law! Nye a kaji kawa ni hpe lup makoi da ai mare hten run mat nna de a mare chyinghka ni hkru mat yang, ngai kaning rai myi man n sum ai nga lu na rai ta?,” ngu nna htan we ai.

SHAKAWN KUNGDAWN 44:23

Madu e, rawt u! Nang hpa rai yup pyaw nga n ta? Na a myit hpe shajin u! Anhte hpe htani htana hkum kau da nga et!

SHAKAWN KUNGDAWN 44:26

Anhte hpe karum la na sa rit! Na a dinggrin tsaw ra myit a majaw, anhte hpe hkye hkrang la mi law!

SHAKAWN KUNGDAWN 79:1

O Karai Kasang e, maigan amyu ni na a lamu ga hpe shang gasat ma ai; na a chyoi pra ai Nawku Htingnu hpe shanhte awu asin di kau nga manu ai; Yerusalem mare hpe mung jahten sharun kau da manu ai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 25:10

Dai Madu gaw Ziun Bum hpe makawp maga na ra ai, rai ti mung Moba masha ni chyawm gaw yihku hpe ngahkyi hta kabye anyak kau ai zawn kabye anut kau ai hkrum na mara ai.

ESAIA 61:4

Shanhte gaw moi chyaloi nhkoi kaw nna hten run nga sai mare ni hpe bai gaw gap da na mara ai.

YEREMIA 52:13

Shi gaw Yerusalem na Nawku Htingnu, hkawhkam htingnu ni hte Yerusalem hta nga ai ahkyak masha ni a dum nta ni yawng hpe nat kau wu ai;

SHARUNG SHAYAWT 1:10

Gumlau hpyen ni gaw shi a sut gan yawng hpe kashun la kau manu ai. Shi gaw maigan masha ni n shang na matu dai Madu hkum da ai Nawku Htingnu de Shanhte shang wa ai hpe shi mu wu ai.

Daniela 11:31

Shi a hpyenla nkau mi mahtang Nawku Htingnu hpe awu asin di na mara ai. Shanhte gaw shani shagu na shagu hkungga hpe pat shingdang kau ya nna, dai Hkrit Si na zawn re ai wa hpe sharawt da na mara ai.

Daniela 9:17

O Karai Kasang e, nye a akyu hpyi ga hte hpyi nem ai ga hpe na ya e. Jahten sharun kau hkrum sai na a Nawku Htingnu hpe bai gram lajang da u. Dai hpe bai gram lajang da u; shaloi masha shagu hte gaw nang Karai Kasang rai nga hpe chye lu na mara ai.

Daniela 9:27

Dai up hkang du wa gaw masha law law hte ngang ai myit hkrum ga shaka hpe sanit ning tawn da na ra ai, dai aten ka-ang hkup lai mat wa jang, shi gaw shagu hkungga ni hte shadung hkungga ni hpe jahtum kau na ra ai. Dai Hkrit Si na zawn re ai wa gaw Nawku Htingnu a tsaw htum ai nchyun hta sa nga nga nna, Karai Kasang shi a matu ngu nna hkyen da ya hkrum ai wa hte dai yang e hpang jahtum wa hkrum hkat ai aten du hkra nga nga na ra ai,” ngu nna sanglang dan wu ai.

MIHKA 1:3

Dai Madu gaw shi a chyoi pra ai shara kaw nna pru sa nhtawm; shi yu sa nna bum pungding ni hkan e kabye hkawm na ra ai.

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

MARKU 11:17

Dai hpang shi gaw shanhte hpe, “Karai Kasang gaw, ‘Nye a nta hpe amyu baw shagu a matu akyu hpyi ai nta, ngu na mu ai,” nga nna tsun ai lam Chyum Laika ni hta ka da nga ai n rai ni? Rai ti mung nanhte gaw, dai hpe damya lungpu shatai kau manu ai,” ngu nna sharin shaga mu ai.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

YAWSHU 10:24

Dai hpang Yawshu gaw Israela amyu masha ni yawng hpe shaga la nhtawm shi hte rau hpyen gasat ai du salang ni hpe dai hkawhkam ni a du kabye ya na hkang dat wu ai hte maren, shanhte galaw ma ai.

SHINGRAN 11:2

Rai ti mung, dai htingnu a shinggan wang hpe gaw hkum shadawn et, hpa majaw nga yang, dai gaw maigan masha ni hpe ap ya kau ngut sai rai nna, shanhte gaw dai Chyoi Pra Ai Mare hpe shata mali shi lahkawng tup kabye dip da na mara ai.