SHAKAWN KUNGDAWN 74:23 - Jinghpaw Common Language Bible 2009

²³ Na a gumlau hpyen ni a sin pawt lahtet marawn jahtau ai hte; na a hpyen ni matut manoi garu ai nsen ni hpe hkum malap kau nga et.

Jinghpaw Hanson Version Bible

²³ Nang hpe hpyen ai ni a nsen hkum malap kau et, Nang hte nhtan shai ai ni a ngoi wu ai nsen gaw, tutnawng e a jat wa nga ai law.

SHAKAWN KUNGDAWN 74:23 ပူးပေါင်းရင်းမြစ်များ

SHAKAWN KUNGDAWN 13:1

Madu e, nang gaw galoi aten du hkra ngai hpe malap kau na ngu n ta? Htani htana du hkra kun? Nang gaw galoi aten du hkra ngai kaw na makoi nga na n ta?

SHAKAWN KUNGDAWN 65:7

Nang gaw panglai hka ni a wu kadu ai nsen, hka leng ni a kashaw kashai ai nsen ni hte, amyu baw ni a rawt kabrawng ai hpe shazim kau nga ndai.

SHAKAWN KUNGDAWN 74:4

Na a gumlau hpyen ni gaw awng padang ninglaw hpe Htingnu kata hta jahtau garu nga ma ai; shanhte a dawnghkawn ni hpe mung awng padang kumla hku nna dai shara ni hta jung da nga ma ai.

ESAIA 37:29

Na a n-yun bu ai shiga hte na a gumrawng gumtawng ai ga ni hpe ngai lu la nngai, ya chyawm gaw, na ladi hta lashoi shoi ya nna na a n-gup hta runghtung bang let, nang du sa wa ai lam hku bai nhtang mat wa shangun na de ai.”

SHARUNG SHAYAWT 2:16

Na a gumlau hpyen ni yawng nang hpe jawm ashu nhtawm n dawng ai myi hte nang hpe yu shati da ma ai. “Anhte ndai mare hpe jahten kau lu saga ai! Anhte myit mada ala nga ai shani gaw dai shani nan rai nga ai,” nga nna shanhte gaw shanhte nten ni maka let jawng kau ma ai.

YONA 1:2

Shi gaw, “Kaba la ai Ninewe mare de sa nna ninghkap ai ga tsun su; Ngai gaw dai mare masha ni kade daram n hkru nga ai lam chye nga nngai,” ngu nna tsun wu ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.