SHAKAWN KUNGDAWN 74:20 - Jinghpaw Common Language Bible 2009

²⁰ Anhte hte nang tawn da sai ga shaka hpe dum nga u; dai mung na sin mang nga ai njut nnaw shara shagu hkan kashun kashe du daw sai hkaw re ai amu nga nga ai.

Jinghpaw Hanson Version Bible

²⁰ Tawn da sai ga shaka hpe myit dum u: Dai mung na njut nnaw shagu hkan e, kashun kashe re ai shara hkrai rai nga ai.

SHAKAWN KUNGDAWN 74:20 ပူးပေါင်းရင်းမြစ်များ

2 SAMUELA 23:5

N hten n run mat ai myit hkrum lam, galai shai n lu ai ga sadi ngu ai htani htana ga shaka ngai hte tawn da nu ai majaw, Karai Kasang gaw nye a amyu matu ni hpe shaman ya na ra ai. Dai gaw ngai ra sharawng ai lam yawng rai nna nye a awng padang rai na ra ai, Karai Kasang mung dai hpe teng teng shabyin dat na ra ai.

SHAKAWN KUNGDAWN 105:8

Shi gaw shi a ga shaka hpe htani htana shagrin da na ra ai; shi a ga sadi ni prat ban hkying mi a matu rai nga ai.

SHAKAWN KUNGDAWN 106:45

Shi gaw shanhte a akyu a matu, shi a ga shaka hpe dum ya wu ai; shi a kaba la ai tsaw ra myit a jaw e, shi a pawt sindawng ai myit hpe shakawp kau wu ai.

SHAKAWN KUNGDAWN 5:8

Madu e, Ngai gaw gumlau hpyen law law lu nga nngai! Na myit ra ai hku, galaw lu u ga, ngai hpe lam woi la e; na a lam hkan lu hkra nye a matu na a lam hpe jasan ya rit.

SHAKAWN KUNGDAWN 89:28

Nye a ga sadi shi hta tut nawng e ngai shagrin da nna; shi hta tawn da ai ga shaka htani htana agrin nga na ra ai.

SHAKAWN KUNGDAWN 89:39

Na a shangun ma hte tawn da ai ga shaka hpe nang jahten kau nit dai hte; shi a janmau hpe ga nhpu de, nang jahkrat kau ya nit dai.

YEREMIA 14:21

Na a ga sadi ni hpe adum nga u, anhte hpe hkum matsat kau nga et; na a hpung shingkang tingnyang shara nga ai Yerusalem hpe kaya hkum jahkrum nga et. Nang anhte hte galaw da nit dai ga shaka hpe hkum jahten kau nga et.

TARA JAHPRANG 12:31

Shanhte a karai ni hpe nawku ai hta dai Madu n dawng n yawt ai matsat shabat amu yawng hpe galaw mu ai majaw shanhte a karai ni hpe nawku ai zawn dai Madu nanhte a Karai Kasang hpe hkum nawku myit. Shanhte gaw shanhte a kashu kasha ni hpe pyi tawn hkungri ni hta wan hte sak nawng nga ma ai.

TARA JAHPRANG 9:27

Na a shangun ma kaja ni rai nga ai Abraham, Isak hte Yaku ni hpe naw dum nga u; dai amyu masha ni a du ja nna n hkru n shawp ai hte yubak galaw ai lam hpe hkum dum ya et.

HEBRE 8:10

Ya ndai ga shaka gaw du na ra ai nhtoi ni a hpang e Israela amyu masha ni hte ngai tawn da na ga shaka rai nga ai. Shanhte a myit masin kata hta nye a tara hpe ngai bang da ya na mawe ai, shanhte a kraw lawang hta ka da na we ai: Shanhte a Karai Kasang ngai tai na nngai rai nna, shanhte gaw nye a amyu masha ni tai na mara ai.