SHAKAWN KUNGDAWN 74:10 - Jinghpaw Common Language Bible 2009

¹⁰ O Karai Kasang e, na a gumlau hpyen ni gaw kade na hkra, nang hpe mani asawng nga na ma ai kun? Na a mying nsang hpe shanhte htani htana n kaw n law di nga na ma ai kun?

Jinghpaw Hanson Version Bible

¹⁰ Karai Kasang e, gaten du hkra, hpyen ni shatan lu na rai nga ma ta? Gumlau ni gaw na a amying nsang hpe, tut tut asawng nga lu na rai ma ni?

SHAKAWN KUNGDAWN 74:10 ပူးပေါင်းရင်းမြစ်များ

SHAKAWN KUNGDAWN 44:16

nye a gumlau hpyen ni hte ngai hpe n ju n dawng ai ni a asawng asang ai hte n kaw n law re ai ni a nsen ni hpe na lu ai majaw; ngai gaw kaya kahpa hte htinggrum da hkrum nga nngai.

SHAKAWN KUNGDAWN 6:4

Madu e, ngai hpe sa hkye hkrang la e law; na a matsan dum ai hta, ngai hpe si ai kaw nna mawai la e law.

SHAKAWN KUNGDAWN 79:12

Madu e, maigan mungdan ni a n kaw n law re ai hte nang hpe kabai tawn nga ma ai majaw, shanhte hpe sanit lang ari bai htang jaw u.

SHAKAWN KUNGDAWN 89:46

Madu e, nang na hkum hpe htani htana htinggrum makoi da na ngu nga n ni? Na a masin kahtet ai gaw wan zawn kaden du hkra hkru nga na rai ta?

ESAIA 37:23

Kadai hpe nang n kaw n law di nna asawng kau nga n ni? Nang gaw ngai, Israela a chyoi pra ai Karai Kasang hpe n gawn n sawn di kau nit dai.

Daniela 12:6

Shan hta na langai mi gaw hka hku maga de tsap nga ai lamu kasa hpe, “Ndai mauhpa amu ni htum mat ai aten du hkra kade na na rai ta?,” ngu nna san wu ai.

SHINGRAN 6:10

Dai Wenyi ni gaw, “Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,” nga nna nsen kaba hte jahtau nga ma ai.