SHAKAWN KUNGDAWN 74:1 - Jinghpaw Common Language Bible 2009

¹ O Karai Kasang e, nang anhte hpe hpa rai ndai zawn kau da nga n ta? Na a amyu masha ni hpe htani htana masin pawt nga na ngu nga n ta?

Jinghpaw Hanson Version Bible

¹ Karai Kasang e, nang anhte hpe hpa rai tutnawng e, kau da nga n ta? Na a ndat na sagu hpung hpe, nang hpa rai myit kahtet nga n ta?

SHAKAWN KUNGDAWN 74:1 ပူးပေါင်းရင်းမြစ်များ

2 HKAWHKAM 21:14

Naw ngam nga ai amyu masha ni hpe mung ngai kau da nhtawm shanhte a gumlau hpyen ni a lata de ap kau na we ai; hpyen ni mung shanhte a mungdan hpe gasat dang kau nna kashun kashe rai hpya ayai kau na mara ai.

SHAKAWN KUNGDAWN 10:1

Madu e, nang gaw hpa rai tsan tsan e nga nga n ta? Anhte ru tsang hkrum nga ga ai shaloi nang hpa majaw makoi nga n ta?

SHAKAWN KUNGDAWN 100:3

Dai Madu gaw Karai Kasang rai nga ai hpe yin la mu. Shi anhte hpe hpan da mi ai rai nna, anhte mung shi hte seng ai ni rai nga ga ai; anhte gaw shi a amyu masha ni rai nna, shi a sagu hpung ni rai nga ga ai.

SHAKAWN KUNGDAWN 18:8

Shi a ladi hku ni kaw nna wan hkut ni pru wa nhtawm, shi a n-gup kaw nna grung ai wan shinglet hte hkru nga ai wan n-ga ni hte pru wa nga ai.

SHAKAWN KUNGDAWN 42:11

Ngai hpa majaw nde wa myit n pyaw nga nngai kun? Ngai hpa majaw nde wa ru tsang hkrum nga nngai kun? Ngai gaw Karai Kasang hpe myit mada nga let, nye a hkye la Madu hte nye a Karai Kasang hpe kalang mi bai shakawn na ring ngai.

SHAKAWN KUNGDAWN 42:9

“Nang gaw ngai hpe hpa majaw malap kau nga n ni? Nye a gumlau hpyen ni a gumshem ai hta ngai nni nkri hpe hpa majaw matut hkam sha ra nga a ta?,” ngu nna nye a shingbyi shara Karai Kasang hpe ngai tsun ni ai.

SHAKAWN KUNGDAWN 44:9

Rai ti mung, ya chyawm gaw nang anhte hpe kau da nit dai hte sum shangun kau nit dai; nang gaw anhte a hpyen luksuk ni hte rau majan pa de kachyi mi mung n pru sa nit dai.

SHAKAWN KUNGDAWN 50:1

Dai Chyahtum Chyalai n-gun rawng ai Madu Karai Kasang mungga tsun ai; sinpraw kaw nna sinna maga du hkra na mungkan ting hpe shi shaga nga ai.

SHAKAWN KUNGDAWN 60:1

Karai Kasang e, nang gaw anhte hpe ningdang kau nna; anhte hpe sum shangun kau nit dai. Nang gaw anhte hpe masin pawt kau ti mung, ya chyawm gaw, anhte hpang de bai kayin mada la mi.

SHAKAWN KUNGDAWN 60:10

Nang gaw anhte hpe teng teng kau da nu ni? Anhte a hpyen luksuk ni hte rau nang n pru sa nga n ni?

SHAKAWN KUNGDAWN 77:7

“Madu gaw anhte hpe tut nawng e, kabai kau sana nu ai kun? Shi anhte hpe galoi mung bai n ra sharawng mat na nu ai kun?

SHAKAWN KUNGDAWN 77:8

Shi anhte hpe n tsaw ra sana nu ai kun? Shi a ga sadi mung hten mat sana nu ai kun?

SHAKAWN KUNGDAWN 78:1

Nye a amyu masha ni e, nye a sharin shaga ai ga hpe madat la mu, ngai tsun ai ga hpe mung madat la mu.

SHAKAWN KUNGDAWN 79:13

Shaloi, anhte na a amyu masha ngu ai na a sagu hpung na sagu ni, nang hpe htani htana chyeju dum nga na ga ai hte, du wa na aten ahkying yawng hta mung, chyeju shakawn nga na ga ai law.

SHAKAWN KUNGDAWN 79:5

Madu e, nang anhte hpe htani htana masin pawt nga na n ni? Na a masin kahtet ai lam gaw wan zawn matut nna hkru shangun na wu ni?

SHAKAWN KUNGDAWN 80:5

Nang gaw anhte a yawn hkyen ai hpe lusha zawn jaw sha nna; myi prwi hpe gawm kaba hta jaw lu nga ndai.

SHAKAWN KUNGDAWN 85:6

Anhte hpe n-gun atsam kalang mi bai shaja ya mi: shing rai, anhte, na a amyu masha ni nang hpe shakawn nga na ga ai.

SHAKAWN KUNGDAWN 95:7

Shi gaw anhte a Karai Kasang rai nga ai; anhte gaw shi e lanu lahku tawn ai amyu masha ni; shi bau rem da nga ai sagu hpung ni rai nga ga ai. Shi tsun shaga ai ga ni hpe dai ni jang, madat la mu.

PRU MAT 32:11

Rai ti mung, Mawshe mahtang dai Madu shi a Karai Kasang hpe, “Madu e, chyalai n-gun kaba, daru magam n-gun hte Egutu mung kaw na nang hkrang shaw wa ai na a amyu masha ni hpe hpa majaw masin grai pawt nga n ta?

ESAIA 64:8

Rai ti mung, nang gaw dai Madu anhte a kawa rai nga ndai. Anhte gaw kagam ga hte bung ga ai, nang gaw di bu sama wa hte bung nga ndai. Nang anhte hpe hpan da ndai,

YEREMIA 23:1

Shi a amyu masha ni hpe jahten shabyak ai hte shabra kau ai up hkang du ni a ntsa e, dai Madu a tara jeyang ai gaw kade wa hkrit hpa rai nga a hka!

YEREMIA 31:37

Lani mi na nhtoi hta, sumsing lamu hpe shadawn lu nna ginding aga a npawt nhpang ni hpe sawk yu lu ai rai yang chyu sha, Israela amyu masha ni shanhte yawng galaw sai amu a majaw shi kabai kau na ra ai. Dai Madu nan tsun nu ai.

SHARUNG SHAYAWT 5:22

Shing n rai, anhte hpe htani htana kau da na nu ni? Na a masin kahtet ai hta shadaw shadang hpa mung n nga sana kun?

EZEKELA 34:31

“Nye a sagu ni e, ngai bau rem ai sagu hpung nanhte gaw nye a amyu masha ni rai nga myit dai; ngai gaw nanhte a Karai Kasang rai nga nngai,” ngu nna Tsaw Htum ai dai Madu tsun ai.

EZEKELA 34:8

Ngai gaw teng teng ahkrung nga ai Karai Kasang rai nga nngai, dai majaw nanhte gaw ngai tsun ai ga hpe madat la nga myit dai. Ndai shara hta sagu rem ai wa n nga ai majaw, nye a sagu ni gaw nam na matse labye dusat ni e gasat hkrum nna sat kau ai hte sha kau hkrum nga ma ai. Nye a sagu rem ni gaw sagu ni hpe n hkan tam shakut ma ai. Shanhte gaw tinang hkum hpe sha lanu lahku nna sagu ni hpe bau maka nga ai n rai.

LUKA 12:32

Sagu hpung kaji e, hkum hkrit et; hpa majaw nga yang, dai mungdan nanhte hpe jaw na, nanhte a Kawa myit ra sharawng nga ai.

TARA JAHPRANG 29:20

Dai Madu gaw dai zawn re ai wa hpe mara dat ya na wu ai n rai; shing rai na malai, dai Madu a hkru nga ai pawt sindawng ai gaw shi a ntsa e grung nga nhtawm dai Madu shi hpe tsep kawp shamyit kau ai aten du hkra, ndai laika hta ka matsing da ai tsin-yam tsindam yawng mayawng shi a ntsa e ru bun na wu ai.