SHAKAWN KUNGDAWN 73:4 - Jinghpaw Common Language Bible 2009

⁴ Shanhte gaw n-gun ja nga ma ai hte hkam kaja nga ma ai majaw; nni nkri hpe shanhte n hkam sha nga ma ai.

Jinghpaw Hanson Version Bible

⁴ Shanhte tsin-yam tsindam, galoi n hkrum ma ai, Shanhte a kan ahpum asau rai nga malu ai.

SHAKAWN KUNGDAWN 73:4 ပူးပေါင်းရင်းမြစ်များ

LUKA 16:22

“Shaloi dai matsan wa si mat wa nna, lamu kasa ni shi hpe sumsing lamu na lusha poi hta Abraham a makau e dung nga na matu woi bang da mu ai, sahti wa mung si wa nna lup makoi hkrum nu ai.

HPAJI NINGLI 2:16

Kadai mung hpaji rawng ai ni hpe dum ai n rai; kadai mung angawk angak ni hpe dum ai n rai. Anhte yawng gaw htawm hpang prat e malap kau hkrum na ni hkrai rai nga ga ai. Anhte yawng gaw hpaji rawng ai wa hte angawk ai wa zawn maren sha si ra na ga ai.

SHAKAWN KUNGDAWN 17:14

Ndai prat hta shanhte ra mara mahkra hkam la lu ai ni a lata kaw nna, ngai hpe hkye hkrang la e; shanhte a matu, nang mahkawng da ya sai nni nkri lam ni hte shanhte hpe ari jaw u. Dai hpe shanhte a kashu kasha ni alaw ahtam hkam sha mu ga hte matut nna shanhte a shu mashi shu masha ban prat du hkra hkam sha nga mu ga.

SHAKAWN KUNGDAWN 17:10

Shanhte gaw matsan dum ai myit n rawng ma ai hte gumrawng gumtawng ai myit hte tsun ma ai.

YOBA 24:20

Ya pyi, shi a kanu shi hpe dum ai n rai; shanhte gaw byet e sha kau hkrum nna agrawp daw mat ai hpun zawn hten za mat nga ma ai.

HPAJI NINGLI 7:15

Nye a asak hkrun lam gaw kaman lila nan rai mat sai, rai ti mung dai hta lam magup hpe ngai mu la se ai. Shanhte n hkru n hkra nga ai hte asak hkrung nga lu yang, mai kaja ai masha ni si mat chye nga ai.

YOBA 21:13

Shanhte gaw ngwi pyaw sim sa ai hte nga lu nna, nni nkri n hkrum sha ai sha atsin sha si wa ma ai.

YEREMIA 5:28

Shanhte gaw hpa majaw hpum sau ai hte lu pyaw sha pyaw nga ma ta? Shanhte a n hkru ai amu galaw ai lam ni hta shadaw shadang n nga nga ai. Shanhte gaw jahkrai ma ni hpe shanhte a ahkaw ahkang n jaw ma ai, dip gamyet sha hkrum ai ni hpe teng man rap ra ai tara n madun ma ai.