SHAKAWN KUNGDAWN 72:7 - Jinghpaw Common Language Bible 2009

⁷ Dai ding man ai lam gaw nye a asak prat tup hta galu kaba nga u ga; shata gaw shi a nhtoi hpe jaw ya lu nga dingsa, ngamu ngamai ai lam agrin nga u ga.

Jinghpaw Hanson Version Bible

⁷ Shi a aprat e dingman ai ni awng wa mu ga, Shata mat mat ai du hkra ngwi kaba rai nga lu u ga.

SHAKAWN KUNGDAWN 72:7 ပူးပေါင်းရင်းမြစ်များ

1 HKAWHKAM 4:25

Shi ahkrung nga dingsa Yuda hte Israela mung na amyu masha ni shim lum ai hte shanu nga lu ma ai majaw, dinghku shagu tinang nang a sabyi ru ni hte lakum hpun ni hta ngwi pyaw ai hte nga lu ma ai.

1 HKAWHKAM 5:4

Rai ti mung, ya chyawm gaw nye a mungdan lamu ga jarit yawng hkan du hkra ngwi pyaw sim sa nga ai lam dai Madu nye a Karai Kasang ngai hpe jaw ya ni ai. Ngai hta gumlau hpyen ni n nga, hkrit hpa gasat gala lam mung n nga mat sai.

SHAKAWN KUNGDAWN 92:12

Ding hpring ai masha ni gaw namhtan hpun ni zawn bawng ring wa nna; Lebanon a arit hpun ni zawn shanhte tu kaba wa na mara ai.

ESAIA 2:4

Shi gaw galu kaba ai masha amyu baw ni a lapran na ndang kalang lam ni hpe jeyang ya na ra ai. Shanhte gaw shanhte a nhtu ni hpe najawn ni, shanhte a nri ni hpe gadoi nhkyi ni dup kau na mara ai. Amyu baw ni majan galoi mung bai baw na n rai, majan a matu galoi mung bai hkyen na mara ai n rai.

ESAIA 60:1

Yerusalem e, rawt u, ajan zawn htoi tu u; Dai Madu a hpung shingkang gaw na a ntsa e htoi tu nga ai!

ESAIA 60:22

Kaji htum ai hte grit htum ai na a dinghku pyi Galu kaba nna daru magam n-gun rawng ai amyu baw tai wa na mara ai. Dai aten du ai shaloi, Ngai gaw ndai lam hpe lawan shabyin dat na nngai. Ngai gaw dai Madu rai nga nngai!”

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

ZEHKARIA 9:10

Dai Madu gaw, “Hpyen leng ni hpe Israela kaw na la kau nhtawm Yerusalem na gumra ni hpe seng kau na nngai; majan hta lang ai ndan ni hpe jahten kau na nngai. Nanhte a hkawhkam wa gaw masha amyu baw ni a lapran e ngwi pyaw sim sa shangun nna, shi gaw panglai kaw nna panglai du hkra, Uhprat hka nu kaw nna ginding aga a jahtum du hkra up na ra ai,” ngu nna tsun ai.

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

LUKA 1:33

Shi gaw Yaku a aru arat ni a ntsa e htani htana a up nga na ra ai; shi a mungdan mung htum ngu ai nga na n rai,” ngu nna shi hpe tsun wu ai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

KASA 4:32

Dai kam sham ai shawa hpawng ting gaw myit mang langai sha rai nga ma ai. Kadai mung tinang lu ai arai hpe nye a n nga ai sha shanhte yawng gaw lu ai arai hpa hpe rai tim shada da jawm garan lang ma ai.