SHAKAWN KUNGDAWN 72:17 - Jinghpaw Common Language Bible 2009

¹⁷ Hkawhkam wa a amying hpe galoi mung n malap kau lu mu ga; shi a mying gumhkawng ai lam, jan zawn agrin nga u ga. Hkawhkam wa hpe Karai Kasang shaman chyeju jaw ya ai zawn, amyu baw ni yawng mung, Karai Kasang shanhte hpe shaman ya na matu hpyi nga mu ga.

Jinghpaw Hanson Version Bible

¹⁷ Shi a mying nsang gaw tutnawng e anga nga lu ga; Jan grin nga ai zawn shi a amying pu nga lu ga: Shi a majaw masha ni a lu nga mu ga; Nlang hte gaw shi hta sharawng awng nga mu ga.

SHAKAWN KUNGDAWN 72:17 ပူးပေါင်းရင်းမြစ်များ

NINGPAWT NINGHPANG 12:3

Nang hpe shaman ya ai wa hpe ngai shaman ya na nngai, Rai ti mung nang hpe dagam ai wa hpe ngai dagam kau na nngai. Na a marang e, amyu baw yawng hte hpe ngai shaman ya na nngai,” ngu nna tsun wu ai.

NINGPAWT NINGHPANG 22:18

Nye a hkang da ai ga hpe nang madat mara nga ndai majaw na a amyu matu ni yawng hpe ngai shaman ya ni ai zawn amyu baw ni yawng mung shanhte hpe shaman ya na matu, ngai hpe san wa na mara ai.

2 SAMUELA 7:13

Shi mahtang she nye a matu htingnu gap ai wa rai na ra ai; shi a magam tingnyang hpe teng teng htani htana ngai shagrin da ya na we ai.

2 SAMUELA 7:16

Na a amyu matu mara ni tut nawng anga nga na mara ai; na a mungdan hpe htani htana agrin nga shangun na nngai. Na a magam tingnyang gaw galoi mung htum mat na ra ai n rai,’” ngu nna tsun wu ai.

1 HKAWHKAM LABAU 17:12

Shi mahtang nye a matu Nawku Htingnu gap ai wa rai na ra ai; shi a magam tingnyang hpe teng teng htani htana ngai a shagrin da ya na we ai.

SHAKAWN KUNGDAWN 21:7

Dai hkawhkam wa gaw Chyahtum Chyalai n-gun rawng ai Madu hpe kam hpa nga ai; Madu a dinggrin tsaw ra myit a majaw shi tut nawng e shim lum nga na ra ai.

SHAKAWN KUNGDAWN 45:17

Nye a mahkawn ga gaw na a amying hpe htani htana dan hkung shangun na ra ai; masha shagu hte mung nang hpe prat ting shakawn kungdawn nga na mara ai law.

SHAKAWN KUNGDAWN 89:36

Shi a aru arat ni matut manoi anga nga na mara ai; jan a shingkang htoi nga dingsa, ngai shi a mungdan hpe sin yu nga na we ai.

PRU MAT 3:15

Nanhte a nji nwa ni a Karai Kasang, Abraham, Isak hte Yaku ni a Karai Kasang Ngai Madu nan shanhte hpang de nang hpe shangun dat ni ai, ngu nna Israela amyu masha ni hpe tsun dan u; dai gaw htani htana na nye a amying rai nga li ai; du na ra ai ban masha ni yawng mung dai hte maren ngai hpe shaga na mara ai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

YEREMIA 4:2

dai gaw nye a mying gang let dagam ai gaw, na a matu ding man ai amu tai na ra ai. Masha amyu baw ni yawng mung shanhte hpe shaman ya na matu ngai kaw hpyi na mara ai, shanhte gaw ngai hpe shakawn kungdawn na mara ai,” ngu nna tsun ai.

MAHTE 1:21

Shi gaw shadang sha shangai na ra ai rai nna, nang shi a mying hpe, Yesu ngu nna shamying lu na rai nga ai; hpa majaw nga yang, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

LUKA 1:48

Madu gaw shi a shangun ma jan a grit nem nga ai hpe mu mada ya nu ai. Yu u, ya kaw nna shu mashi shu masha prat dingsa, ngai hpe a lu ai jan, ngu na mani ai,

KASA 3:16

Shi a mying nsang a atsam gaw ndai lagaw hten ai wa hpe n-gun lagaw jaw nu ai. Shi a amying nsang hpe kam sham ai a marang e, ya nanhte mu chye ai lam hpe shabyin dat sai. Nanhte yawng mu chye lu ai hte maren Yesu hpe kam sham ai hte chyu sha dai wa hpe shamai shatsai ya sai rai nga ai.

GALATI 3:14

Ning rai Yesu galaw ai lam gaw Abraham Karai Kasang kaw na hkam la ai ga ndat hte seng ai gumring gumrat ai shaman chyeju hpe maigan masha ni mung Yesu Hkristu a marang e hkam la lu na hte anhte mung dai makam masham a marang e Karai Kasang ga ndat jaw da ai wenyi hkam la lu na rai nga ga ai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

EHPESU 3:14

Ndai lam a majaw sumsing lamu hte ginding aga ntsa e nga ai nta dinghku shagu a teng man ai npawt daju rai nga ai

HPILIPI 2:10

Dai majaw sumsing lamu lahta tang na, dinghta tsang na hte lawu tsang na, hkrung mahkrung yawng hte gaw, Yesu a mying ningsang hpe, shagrau sha-a hkungga jaw let, hput di dingnyawm nna,

KOLOSE 1:3

Anhte gaw nanhte a matu akyu hpyi ai ten shagu hta anhte a Madu Yesu Hkristu a Kawa Karai Kasang hpe chyeju dum shakawn kungdawn ga ai.

1 PETRU 1:3

Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.

SHINGRAN 15:4

Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.