SHAKAWN KUNGDAWN 72:16 - Jinghpaw Common Language Bible 2009

¹⁶ Lamu ga ni hta nsi naisi ni ja kat nga u ga; Lebanon mung na nsi naisi si ai zawn, kawng ni yawng hta hkai nmai ni rai nga mu ga; Prang yang na tsingdu ni zawn, mare ni hta amyu masha ni hte hpring nga mu ga.

Jinghpaw Hanson Version Bible

¹⁶ Mungdan na bum ni a pungding du hkra, nai mam paw wa nna, Lebanon zawn, de a nsi naisi a hkung nga lu ga: mare masha ni mung, lamu ga na nam lap zawn prut wa mu ga.

SHAKAWN KUNGDAWN 72:16 ပူးပေါင်းရင်းမြစ်များ

1 HKAWHKAM 4:20

Yuda hte Israela amyu masha ni gaw panglai hkin-gau ntsa e taw ai zaibru zawn law htam wa nga ma ai rai nna, shanhte gaw kabu gara ai hte lu lu sha sha rai ma ai.

YOBA 5:25

Nang gaw kashu kasha law law lu wa nna; dai gaw udat shara hta tu ai tsingdu tsingman ni zawn rai nga ai.

YOBA 8:7

Karai Kasang nang hpe jaw ya na ra ai sut gan gaw nang shamat kau sai sut gan ni yawng ngu na hpa hte mung shadawn lu na n rai.

SHAKAWN KUNGDAWN 104:16

Madu hkai da ai shi a hpun ni ngu ai Lebanon a arit hpun ni mung: lamu marang hpe law hkra hkam la lu nga ma ai.

SHAKAWN KUNGDAWN 72:6

Prang ni a ntsa e, marang htu ai hte lamu ga ntsa e, marang shaya hkrat nga ai zawn, hkawhkam wa mung dai zawn rai nga u ga.

ESAIA 29:17

Ga malai hte maren, kade n na yang htat ai maling htinggram gaw yi sun lamu ga tai mat wa na ra ai, yi sun lamu ga gaw maling bai tai mat na ra ai.

ESAIA 30:23

Nanhte gaw nanhte a nsi naisi ni hpe hkai ai aten shagu, Madu gaw dai ni hpe tu shangun na matu marang jahtu ya nna nanhte hpe ja kat ai mangai jaw ya na ra ai, nanhte a yam nga hpung gaw udat shara law law madu lu na mara ai.

ESAIA 32:15

Rai ti mung Karai Kasang gaw kalang mi bai anhte a ntsa e shi a wenyi ru bang ya na ra ai. Jahkam da ai lamu ga gaw ga sau kaja wa na ra ai, yi hkauna ni ja kat ai nsi naisi ni hpe shapraw ya na ra ai.

ESAIA 32:20

Masha shagu hte gaw nsi naisi ni a matu hka alaw alam lu lang ai hte lawze ni hte dumsu ni a matu shara shagu hkan shim ai udat shara nga nga na ra ai gaw kade sha kabu gara mai nga ai.

ESAIA 35:2

Nam mali gaw mahkawn mangoi ai hte kabu gara jahtau na ra ai; dai gaw Lebanon Bum ni zawn tsawm htap na ra ai. Hkarmela hte Sharon yi hkauna ni zawn ga sau rawng na ra ai. Masha shagu hte gaw dai Madu a hpung shingkang hpe mu lu na mara ai, shi a galu kaba ai hte daru magam n-gun hpe mu lu na mara ai.

YEREMIA 33:22

Ngai gaw nye a shangun ma Dawi a aru arat ni hpe mung, Lewi amyu bawsang kaw na hkinjawng ni hpe mung shalaw jahtam na nngai, shing rai lamu na shagan ni hte panglai zaibru ni hpe hti yu na matu n mai byin ai zawn, shanhte law htam wa na mara ai,” ngu nna tsun ai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 2:41

Shanhte hta law law wa shi a ga hpe kam sham hkap la nna hkalup hkam la shajang nhtawm dai shani e masha hkying masum dang jat bang wa ma ai.

KASA 4:4

Rai ti mung, mungga na la ai ni law law wa kam sham ma ai rai nna, kam sham ai la sha yawng hkying manga daram jat wa ai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.