SHAKAWN KUNGDAWN 72:14 - Jinghpaw Common Language Bible 2009

¹⁴ Shanhte a asak ni gaw shi a man e, manu dan nga ai; shi gaw shanhte hpe dip gamyet sha ai hte kaming kamawng du daw sai hkaw re ai amu kaw na mawai la nga ai.

Jinghpaw Hanson Version Bible

¹⁴ Zingri zingrat hte dip sha ai kaw na, shi shanhte a asak hpe shaw la nna, Shanhte a asai gaw shi a myi hta hpu la nga na malu ai.

SHAKAWN KUNGDAWN 72:14 ပူးပေါင်းရင်းမြစ်များ

NINGPAWT NINGHPANG 48:16

Machyi shoichyum ai yawng hta na ngai hpe hkye mawai la sai lamu kasa gaw shan hpe shaman ya u ga law! Nye a mying hte mung, nye a kaji Abraham hte nye wa Isak yan a amying hte mung, ndai ma yan matut nna hkrung nga mu ga law! Shan hta kashu kasha law law mayat maya wa nna amyu matu law law gumja gumhpra rai wa manu ga law!”

2 SAMUELA 23:17

Madu e, ndai ntsin hpe ngai galoi mung n lu na sai! Asak dan ai masha ni a asai hpe lu ai zawn tai na ra ai!,” ngu nna tsun wu ai. Dai rai nna shi gaw dai ntsin n lu hkraw nga ai. Dai gaw gumhkawng ai hpyenla masum hte a share shagan sat lawat kumla ni rai nga ai.

2 SAMUELA 4:9

Dawi gaw shan hpe, “Ru yak shoihpa lam shagu hta na ngai hpe hkye hkrang la ai dai ahkrung nga ai Madu hta ngai dagam shaka da nngai!

SHAKAWN KUNGDAWN 116:15

Shi a amyu masha ni hta na langai mi si mat wa yang, dai Madu gaw kade wa gawng run machyi nga a hka?

SHAKAWN KUNGDAWN 130:8

Shi gaw shi a Israela amyu masha ni hpe, shanhte a yubak yawng kaw nna hkye hkrang la na ra ai.

SHAKAWN KUNGDAWN 25:22

O Karai Kasang e, na a amyu Israela masha ni hpe shanhte a ru tsang ai lam yawng kaw nna hkye hkrang la u law!

SHAKAWN KUNGDAWN 69:18

Ngai hpe hkye hkrang la na matu, sit sa wa rit; nye a gumlau hpyen ni a lata kaw na, ngai hpe mawai la e.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

SHINGRAN 17:6

Bai, dai numsha gaw Karai Kasang a masha ni a asai hpe mung, Madu Yesu hta sadi dung ai majaw sat kau hkrum ai ni a asai hpe mung, lu nna nang bam taw nga ai hpe, ngai mu nngai. Shi hpe mu yang, kaja wa dik hkra mau mahka mat nngai.

SHINGRAN 19:2

Shi a tara daw dan ai lam ni teng man ai hte ding hpring nga lu ai! Tinang a hpye ai amu hte ga ntsa ting hpe shut hpyit shangun ai shawa num hpe shi daw dan nu ai. Madu a shangun ma ni hpe sat kau ya ai majaw, Karai Kasang gaw shi hpe ari jaw nu ai!,” nga nna tsun ai ngai na nngai.

1 SAMUELA 26:21

Shawlu gaw, “Ngai shut kau ni ai. Nye kasha Dawi e, bai wa rit! Nang gaw nye a asak hpe dai na e jahkrung da ya nga ndai majaw, ngai nang hpe galoi mung n machyi hkra shangun na ni ai. Ngai mahtang mana ni ai! Ndai zawn re ai hkrit hpa amu hpe ngai galaw shut kau ni ai!,” ngu nna htan wu ai.