SHAKAWN KUNGDAWN 72:12 - Jinghpaw Common Language Bible 2009

¹² Shi hpe shaga ai matsan mayan masha ni, ra kadawn nga ai ni hte n sawn n sang di kau hkrum ai ni hpe shi mawai la nga ai.

Jinghpaw Hanson Version Bible

¹² Kaning rai nme law, shaga nga ai matsan ai wa hte, Nrum ntau n lu ai nni nkri hkrum ai wa hpe, shi mawai la na ra ai.

SHAKAWN KUNGDAWN 72:12 ပူးပေါင်းရင်းမြစ်များ

2 SAMUELA 14:16

Karai Kasang gaw shi a amyu masha ni hpe jaw ya ai lamu ga kaw na anhte hpe htawt kau na kaw na mung, nye a kasha hte ngai hpe sat kau na matu shakut nga ai wa a lata kaw na mung, ngai hpe hkye la na lam mung, ngai tsun ai ga hpe nang madat ya na rai nga ndai hpe mung ngai myit nawn da we ai.

YOBA 29:12

Matsan mayan masha ni hpyi jahtau yang, ngai shanhte hpe karum nngai; kade mung n chye sa mat wa ai jahkrai ma ni hpe mung ngai karum nngai.

YOBA 36:15

Rai ti mung, Karai Kasang gaw masha hpe nni nkri jahkrum ai hku nna sharin nga ai; shanhte a myi hpaw wa na matu myit ru myit yak lam hpe mung lang nga ai.

SHAKAWN KUNGDAWN 10:17

O Madu e, grit nem ai ni a akyu hpyi ga ni hpe nang madat ya na rin dai; nang gaw shanhte hpe nden marai jaw ya na ra ai.

SHAKAWN KUNGDAWN 102:17

Shi gaw kabai kau da hkrum ai shi a amyu masha ni a nsen ni hpe na wa na ra ai; shanhte a akyu hpyi ga ni hpe madat ya na ra ai.

SHAKAWN KUNGDAWN 102:20

Shi gaw bawng dung ai ni a madai ai nsen hpe na ya nna; si na matu, daw dan hkrum nga ai ni hpe shalawt dat nga ai.

SHAKAWN KUNGDAWN 55:17

Jahpawt manap, shani ka-ang hte shana na aten ni hta, nye a hpyi aput ai hte madai ai nsen gaw shi kaw hkrang lung wa ai; shi gaw nye a nsen hpe na ya na ra ai.

SHAKAWN KUNGDAWN 72:4

Hkawhkam wa gaw matsan mayan masha ni hpe rap ra ai hku tara jeyang lu u ga; ra kadawn ai ni hpe mung karum ya lu u ga, shanhte hpe dip gamyet sha ai ni hpe dang kau lu u ga.

GA SHAGAWP 29:7

Mai kaja ai wa gaw matsan mayan wa a ahkaw ahkang hpe chye ya nga ai; tara n lang ai masha ni gaw dai zawn re ai amu ni hpe n chye na lu ma ai.

HPAJI NINGLI 4:1

Dai hpang, ngai gaw ndai mungkan ga hta a byin nga ai n teng n man lam hpe bai yu yu nngai. Dip gamyet sha hkrum nga ai ni hkrap nga ti mung, shanhte hpe kadai mung karum la nga ma ai n rai. Dai dip gamyet sha ai ni mahtang shanhte a hpang maga de daru magam n-gun rawng nga ai majaw kadai mung shanhte hpe n karum la ma ai.

ESAIA 41:17

“Nye a amyu masha ni hka ntsin tam la na ra ai aten hta mung, shanhte a yuhkraw ni hpang gara nna hkraw wa ai shaloi mung, dai Madu ngai nan shanhte a akyu hpyi ga hpe htan ya na nngai; Israela a Karai Kasang ngai gaw shanhte hpe galoi mung kau da na nngai n rai.

LUKA 4:18

“Madu a Wenyi nye a ntsa e nga nga ai: matsan mayan ni hpe Kabu Gara Shiga hkaw tsun dan na matu, Shi ngai hpe namman jaw ya ni ai. bawng dung ai ni hpe shalawt lu na lam, myi kyaw ai ni hpe myi bai mu na lam, hkaw tsun na matu mung, zingri zingrat hkrum ai ni hpe dat dat shangun na hte,

LUKA 7:22

Yawhan a kasa yan hpe shi htan mu ai gaw, “Wa nna Yawhan hpe, nan mu lu, na lu ai lam ni tsun dan mu, myi n mu ai ni myi bai mu lu ma ai; Lagaw hten ai ni bai hkawm sa ma ai; manggang kap ai ni san pra wa lu ma ai; na lahpang ai ni na lu ma ai; si mat ai ni sharawt la ai hkrum ma ai; matsan mayan ni hpe Kabu Gara Shiga hkaw dan nga ai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.

1 SAMUELA 22:2

Dip gamyet sha hkrum nga ai ni, hka kap ai ni hte myit karen ai masha ni shi kaw sa ma ai rai nna, masha yawng mali tsa daram rai nga ai; shi mung shanhte a ningbaw tai wa sai.