SHAKAWN KUNGDAWN 72:1 - Jinghpaw Common Language Bible 2009

¹ O Karai Kasang e, na a ding man ai lam hte tara jeyang na matu, hkawhkam wa hpe sharin ya u; na a teng man ai lam shi hpe garan ya u,

Jinghpaw Hanson Version Bible

¹ Karai Kasang e, hkawhkam wa hpe na a tara dara ai lam, Hkawhkam a kasha hpe, na a dinghpring ai myit, jaw ya u.

SHAKAWN KUNGDAWN 72:1 ပူးပေါင်းရင်းမြစ်များ

2 SAMUELA 23:3

Israela a Karai Kasang ga tsun nu ai; Israela hpe makawp maga ai wa gaw ngai hpe ning nga nna tsun ai: “Teng man ai hku up hkang nna Karai Kasang a ga madat let up hkang ai hkawhkam gaw,

1 HKAWHKAM 1:39

Zadok mung dai Madu a hpung shingkang shanu nga ai Sum kaw nna la sa wa ai tsanlun sau jarung mi hpe la nhtawm Shawlumon hpe jaw ya wu ai. Shaloi pahtau hpe mung shanhte dum dat ai hte amyu masha ni yawng mung, “Hkawhkam Shawlumon asak galu u ga law!,” ngu nna jahtau tsun mu ai.

1 HKAWHKAM 3:9

Dai re ai majaw kaja ai hte n kaja ai hpe chye ginhka nna, na a amyu masha ni hpe teng man ai hku chye up hkang na ngai hta ra ai hpaji byeng-ya ngai hpe jaw e law. Shing n rai yang, ndai na a galu kaba ai amyu masha ni hpe ngai kaning rai tut nawng up hkang lu na rai nga a ta?,” ngu nna htan wu ai.

1 HKAWHKAM LABAU 18:14

Dawi gaw Israela mung ting hpe up hkang nga ai rai nna, shi a amyu masha ni hpe tut nawng teng man rap ra ai hku jeyang ya nga ai.

1 HKAWHKAM LABAU 22:9

Rai ti mung shi chyawm gaw ngai hpe ga sadi jaw nu ai. Dai rai nna shi gaw, “Shi a gumlau hpyen ni yawng a lata kaw nna ngwi pyaw sim sa ai lam ngai shi hpe jaw ya na nngai majaw ngwi pyaw sim sa ai hte up hkang lu ai shadang sha langai nang lu na rin dai. Shi a amying gaw Shawlumon rai na ra ai. Shi hkaw dung ai laman Israela hpe ngwi pyaw sim sa ai lam hte shim lum lam ngai jaw na we ai.

1 HKAWHKAM LABAU 29:19

Nye a kasha Shawlumon hpe mung, nang hkang da ai lam magup hpe madat mara hkan sa nhtawm ngai hkyen tawn da sai arai ni hte Nawku Htingnu gaw gap na matu awng sharawng ai myit masin mahkra jaw ya u law,” ngu nna hpyi wu ai.

2 HKAWHKAM LABAU 1:10

ngai shanhte hpe up hkang ra nga nngai majaw hpaji byeng-ya hte chye chyang ai nyan hpaji ngai hpe jaw e law. Shing n rai yang, ndai na a galu kaba ai amyu masha ni hpe ngai kaning rai up hkang lu na rai ta?,” ngu nna htan wu ai.

SHAKAWN KUNGDAWN 127:1

Dai Madu gaw dai nta hpe n gap da ai rai yang, nta gap ai ni a amu kaman lila rai nga ai. Dai Madu gaw dai mare hpe n makawp maga ai rai yang, sin langa ni a makawp maga ai lam kaman sha rai nga ai.

ESAIA 11:2

Dai Madu a wenyi gaw shi hpe hpaji byeng-ya, chye chyang ai nyan hte kung kyang ai hpaji jaw ya na ra ai. Shi gaw shi a amyu masha ni hpe up hkang na ra ai. Shi gaw dai Madu a myit ra ai hpe chye nna, shi hpe shagrau sha-a na ra ai,

YAWHAN 3:34

Karai Kasang e shangun dat ai wa gaw Karai Kasang a mungga ni hpe tsun nga ai, hpa majaw nga yang, Karai Kasang gaw shi shangun dat ai wa hpe hkum tsup re ai Wenyi jaw wu ai.