SHAKAWN KUNGDAWN 71:9 - Jinghpaw Common Language Bible 2009

⁹ Ya, ngai dingla wa nga nngai majaw, ngai hpe hkum kabai kau nga et; ya, ngai n-gun yawm nga nngai majaw, ngai hpe hkum kau da nga et.

Jinghpaw Hanson Version Bible

⁹ Ngai dingla jang ngai hpe hkum kabai kau et, Nye a n-gun yawm mat yang, ngai hpe hkum jahti da et.

SHAKAWN KUNGDAWN 71:9 ပူးပေါင်းရင်းမြစ်များ

2 SAMUELA 19:35

Ngai gaw asak matsat shi ning du nga sali ai; dai rai yang, pyaw hpa lam loi mi mung ngai hpe jaw ya lu sana n rai; lu ai sha ai mung chye chyim lu na n rai; yu ngwi shayi shadang sha ni a mahku nsen ni hpe na lu na nngai n rai. Ngai mahtang madu hkawhkam hpe lit mi a shali she rai na ra ai law.

SHAKAWN KUNGDAWN 71:18

Ya chyawm gaw, ngai dingla wa nga nngai hte nye a kara hpraw wa nga li ai. Karai Kasang e, ngai hpe hkum kau da nga et! Du sa wa na masha ban prat yawng hte hta na a daru magam n-gun hte chyahtum chyalai rawng ai n-gun hpe ngai htawn tsun yang, ngai hte rau rai nga u.

SHAKAWN KUNGDAWN 73:26

Nye a myit masin hte hkum hkrang n-gun ni yawm mat wa tim; Karai Kasang gaw nye a n-gun rai nga ai. Ngai hta ra kadawn ai lam yawng mayawng gaw shi rai nga ai.

SHAKAWN KUNGDAWN 90:10

Anhte yawng lu ai asak gaw sanit shi ning rai nga ga ai. anhte n-gun ja ga ai rai yang chyawm gaw matsat shi ning du nga ga ai; ti mung, dai asak hkrung ai laman hte hta, ru tsang ai hte yawn hkyen ai hpe sha hkam sha nga ga ai, hkring mi rai jang asak mung lai mat wa nna anhte mung hkoi mat nga ga ai.

ESAIA 46:4

Ngai gaw nanhte a Karai Kasang rai nga nngai, nanhte asak kaba nna dingla baw hpraw ai aten du hkra nanhte hpe lanu lahku na nngai. Ngai gaw nanhte hpe hpan da ni ai, nanhte hpe lanu lahku na nngai; Ngai gaw nanhte hpe karum ai hte hkye mawai la na nngai.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

2 TIMOHTI 4:18

Dai Madu gaw n hkru n hkra ai lam yawng hta na ngai hpe mawai la nna, shi a sumsing lamu Mungdan de hkap hkra shim lam jaw let woi la na ring ngai. Shi hta htani htana prat dingsa e hpung shingkang anga nga u ga law! Amen.