SHAKAWN KUNGDAWN 71:6 - Jinghpaw Common Language Bible 2009

⁶ Ngai gaw nye a asak prat tup nang hta shamyet shanat nga ni ai; Ngai shangai wa ai shani kaw nna, nang ngai hpe makawp maga la nit dai. Shing rai, ngai nang hpe tut nawng shakawn nga na nngai.

Jinghpaw Hanson Version Bible

⁶ Chyangai kaw nna nang hta ngai shamyet ni ai; Nu a hkritung na nang ngai hpe shapraw la nit dai: Ngai nang hpe tut tut shakawn nga na nngai.

SHAKAWN KUNGDAWN 71:6 ပူးပေါင်းရင်းမြစ်များ

SHAKAWN KUNGDAWN 22:11

Ngai hpe hkum jahka da et! Ru tsang gaw ni nga ai, karum la na matu langai mi mung n nga nga ai.

SHAKAWN KUNGDAWN 34:1

Ngai gaw dai Madu hpe tut nawng chyeju dum nga na nngai; shi hpe shakawn ai lam, ngai galoi mung jahkring kau na nngai n rai.

SHAKAWN KUNGDAWN 40:4

Hpara sumla hpang de n hkan nang ai hte, karai masu ni hpe nawku daw jau ai ni hte mung, n mazum ai sha, dai Madu hpe kam hpa nga ai ni gaw a nga ai.

SHAKAWN KUNGDAWN 71:14

Nang hta ngai galoi mung myit mada nga nngai; shing rai, nang hpe grau grau nna ngai shakawn na nngai.

GA SHAGAWP 8:17

Ngai hpe tsaw ra ai ni hpe ngai tsaw ra nga nngai; ngai hpe tam ai ni kadai rai ti mung, ngai hpe mu tam lu nga ai.

ESAIA 49:1

Tsan gang ai shara hkan nga ai sumtsan masha amyu baw ni e, nye a ga madat mu! Ngai garai n shangai ai aten kaw na, dai Madu gaw ngai hpe lata la ai hte shi a shangun ma tai na matu ngai hpe san da nu ai.

ESAIA 49:5

Ngai garai n shangai yang, dai Madu gaw ngai hpe san da nu ai; shi a amyu masha ni hpe woi nhtang wa na matu mung, bra mat wa sai Israela amyu masha ni hpe bai woi nhtang wa na matu mung, shi gaw ngai hpe shi a shangun ma shatai nu ai. Dai Madu gaw ngai hpe arawng sadang jaw nga ai; shi gaw nye a n-gun a npawt rai nga ai.

YEREMIA 1:5

“Ngai gaw nang hpe asak garai n jaw ai kaw nna lata la ni ai, ngai gaw nang garai n shangai aten kaw nna pyi masha amyu baw ni a matu myihtoi tai na lata la ni ai,” ngu nna tsun wu ai.

YEREMIA 3:4

“Ya chyawm gaw, nang ngai hpe, ‘Nang gaw nye wa rai nga ndai, ngai naw kaji ai ma aten kaw nna nang ngai hpe tsaw ra nga nit dai.

GALATI 1:15

Rai ti mung nye nu a hkritung nna ngai garai n shangai yang Karai Kasang gaw shi a chyeju hte ngai hpe lata la nna shi hpe daw jau na matu shaga la ni ai.

EHPESU 5:20

Anhte a Madu Yesu Hkristu a mying ningsang gang nna lam shagu a matu Kawa Karai Kasang a chyeju hpe tut nawng e shakawn kungdawn nga mu.