SHAKAWN KUNGDAWN 71:5 - Jinghpaw Common Language Bible 2009

⁵ Grau Htum ai Madu e, nang hpe ngai myit mada nga nngai; ngai naw kaji nga ai aten kaw nna, nang hta ngai kam hpa nga ni ai.

Jinghpaw Hanson Version Bible

⁵ Kaning rai nme law, Madu, Yehowa e, Brang ram prat kaw nna nye a myit mada shara hte, Nye a makam masham nang rai nga ndai.

SHAKAWN KUNGDAWN 71:5 ပူးပေါင်းရင်းမြစ်များ

1 HKAWHKAM 18:12

Ngai pru mat wa ai shaloi jang, dai Madu a wenyi gaw n chye ai shara nkau mi de nang hpe woi mat wa na ra ai n rai ni? Dai hpang nang ndai yang e nga nga ai ngu nna Ahab hpe ngai tsun jang, shi nang hpe n mu tam ai shaloi ngai hpe sat kau na ra ai. Ngai chyawm gaw ma aten kaw nna dai Madu hpe kam sham nawku ai wa rai nga nngai hpe dum u law.

2 HKAWHKAM LABAU 34:3

Yoshia hkawhkam tai wa ai matsat ning ngu na shi shabrang naw rai nga yang, shi a kaji kawa Hkawhkam Dawi a Karai Kasang hpe nawku hpang wa wu ai. Mali ning na ai hpang, shi gaw tara maigan masha ni a nawku shara ni, Ashera karai num a hkrang sumla ni hte kaga hpara ni yawng hpe jahten sharun hpang wa wu ai.

SHAKAWN KUNGDAWN 119:166

Madu e, ngai hpe hkye hkrang la na matu nang hpe ngai ala nga nngai; nang hkang da ai ga hte maren, ngai galaw nngai.

SHAKAWN KUNGDAWN 119:81

Madu e, ngai hki ba la nga nngai majaw, ngai hpe hkye hkrang la na matu, nang hpe ala nga nngai; na a mungga hta ngai kam hpa nga nngai.

SHAKAWN KUNGDAWN 13:5

Ngai gaw na a dinggrin tsaw ra myit hpe kam hpa nga nngai; nang ngai hpe hkye mawai la na rin dai majaw ngai kabu gara nga na nngai.

SHAKAWN KUNGDAWN 39:7

Madu e, ngai gaw kaning re ai hpe myit mada lu na rai nga a ta? Ngai nang hpe myit mada nga nngai.

SHAKAWN KUNGDAWN 42:11

Ngai hpa majaw nde wa myit n pyaw nga nngai kun? Ngai hpa majaw nde wa ru tsang hkrum nga nngai kun? Ngai gaw Karai Kasang hpe myit mada nga let, nye a hkye la Madu hte nye a Karai Kasang hpe kalang mi bai shakawn na ring ngai.

SHAKAWN KUNGDAWN 71:17

Ngai brang ram prat naw rai nga ai aten kaw nna nang ngai hpe sharin ya nit dai; na a mauhpa magam amu ni hpe ya du hkra, ngai tsun dan nga nngai.

HPAJI NINGLI 12:1

Dai rai nna, ram prat naw rai nga yang, nang gaw, “Asak hkrun lam hpe ngai n ra sharawng nngai,” ngu nna myit ru myit tsang ai nhtoi ni hte shaning ni garai n du yang, na a Hpan Wa Ningsang hpe adum nga u.

YEREMIA 14:8

Nang chyu sha Israela a myit mada shara rai nga ndai; nang gaw anhte hpe ru yak tsin-yam tsindam kaw na hkye hkrang la ai wa rai nga ndai. Nang gaw anhte a mungdan kata hta manam zawn mung, lana mi chyu sha shingbyi shalai ai bu hkawm wa zawn hpa majaw tai nga n ta?

YEREMIA 17:13

Madu e, nang gaw Israela a myit mada shara rai nga ndai; nang hpe kau da ai ni yawng kaya kahpa hkrum na mara ai. Shanhte gaw asak hka hpawk ngu ai nang Madu hpe kau da nga masai majaw ga nhpu hta ka da ai amying ni zawn shanhte hkoi mat wa na mara ai.

YEREMIA 17:17

Ngai hpe hkum hkrit kajawng shangun et; ru tsang hkrum ai shaloi, nang gaw nye a shim lum ai kam hpa shara rai nga ndai.

YEREMIA 17:7

“Rai ti mung, ngai gaw ngai hpe kam hpa nga ai wa hpe shaman ya na nngai.

YEREMIA 50:7

Shanhte hpe mu ai ni yawng gaw shanhte hpe gasat kau nga ma ai. Shanhte a gumlau hpyen ni gaw, ‘Shanhte gaw dai Madu hpe yubak galaw shut kau manu ai, dai rai nna anhte galaw kau ai amu gaw shut ai n rai. Shanhte a kaji kawa ni gaw dai Madu hpe kam hpa ma ai, shanhte hkum nan mung shi hta sadi dung nga ang ma ai,’ ngu nna tsun ma ai.

LUKA 2:40

Dai ma gaw kaba wa ai hte n gun lapyin ja wa nna, hpaji byeng-ya hte hpring nga ai; Karai Kasang a chyeju mung shi a ntsa e nga nga ai.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

2 TIMOHTI 3:15

Nang hpe ma kaji prat kaw nna machye machyang jaw nna Hkristu Yesu hpe kam sham ai a marang e hkye hkrang la ai lam lu la na matu lam matsun madun ai, dai chyoi pra ai Chyum Laika hpe atsawm sha chye ai wa rai nga ndai hpe mung adum nga u.

1 SAMUELA 16:13

Samuela gaw tsanlun sau la nhtawm kahpu ni a man e Dawi hpe namman jaw ya wu ai. Dai shaloi jang, dai Madu a wenyi gaw Dawi hpe up hkang wu ai; dai shani kaw nna shi hte rau arai nga sai. Dai hpang Samuela mung Rama mare de nhtang mat wa wu ai.