SHAKAWN KUNGDAWN 71:24 - Jinghpaw Common Language Bible 2009

²⁴ Ngai hpe machyi shangun na matu shakut ai ni gaw sum mat ai hkrum nna kaya kahpa hkrum nga ma ai majaw, na a ding man ai lam hpe ngai shani tup tsun dan na nngai.

Jinghpaw Hanson Version Bible

²⁴ Nye a shinglet mung, na a dinghpring ai lam hpe, Shani tup shana ya na ra ai; Kaning rai nme law, ngai hpe n hkru ai hku maw ai ni, Kaya kahpa hte myi man sum ai hkrum nga ma ai.

SHAKAWN KUNGDAWN 71:24 ပူးပေါင်းရင်းမြစ်များ

SHAKAWN KUNGDAWN 35:28

Shaloi, na a ding man ai lam hpe ngai tsun shana ya na nngai; ngai mung nang hpe shani tup shakawn nga na nngai law.

SHAKAWN KUNGDAWN 37:30

Mai kaja ai masha langai mi a n-gup ga ni hta hpaji ga rawng nga ai; shi gaw tut nawng e tara ding nga ai.

SHAKAWN KUNGDAWN 70:3

Ngai hpe mani asawng ai ni gaw shanhte sum mat ai a jaw e, myi man sum mat mu ga.

SHAKAWN KUNGDAWN 71:13

Ngai hpe gasat ai ni sum mat nna, jahten kau ai hkrum nga mu ga; Ngai hpe machyi shangun na matu, shakut nga ai ni kaya kahpa hkrum ai hte myi man sum mat mu ga.

SHAKAWN KUNGDAWN 71:15

Na a mai kaja ai lam hpe ngai htawn tsun na nngai; ngai chye na ai hta grau nna lachyum sung nga ai rai tim, na a hkye hkrang la ai lam hpe shani tup ngai tsun dan na nngai.

SHAKAWN KUNGDAWN 71:8

Ngai nang hpe shani tup shakawn nga na nngai, shing rai, na a hpung shingkang hpe htawn tsun nga na nngai.

SHAKAWN KUNGDAWN 92:11

Nye a gumlau hpyen ni sum mat ai hpe ngai mu lu se ai hte; tara n lang ai masha ni a hkrap shabam ai nsen ni hpe na lu se ai.

MAHTE 12:35

Kaja ai wa gaw tinang a kaja ai sut dek hta na kaja ai arai ni shapraw wu ai; n kaja ai wa mahtang gaw, n kaja ai sut dek hta na n kaja ai arai ni shapraw wu ai.

1 KORINHTU 15:25

Hpa majaw nga yang Hkristu gaw Karai Kasang e gumlau ni yawng mayawng hpe dang kau nna Hkristu a lagaw lahpan npu e tawn da ya ai ten du hkra up hkang nga na rai nga ai.

EHPESU 4:29

Nse ai ga hkaw mi mung nanhte a n- gup na n pru u ga, madat mara nga ai ni a matu akyu byin hkra ra nga ai hte maren shadaw shalan na matu mai kaja ai ga sha atsun nga mu.

TARA JAHPRANG 11:19

Nanhte a kashu kasha ni hpe ga dai ni sharin achyin ya mu; nanhte nta e nga nga yang mung, hkawm sa nga yang mung, hkring sa ai hte magam bungli galaw nga yang mung ga dai hpe atsun nga lu na rai myit dai.