SHAKAWN KUNGDAWN 71:23 - Jinghpaw Common Language Bible 2009

²³ Na matu tingse dum ai shaloi, kabu gara ai hte ngai jahtau na nngai; nang ngai hpe hkye hkrang la nit dai majaw, nye a myit masin, hkum hkrang mahkra hte, ngai mahkawn na ring ngai.

Jinghpaw Hanson Version Bible

²³ Nang hpe mahkawn mangoi nga yang, Nye a n-gup hte, nang hkye hkrang la ai nye a amyit masin gaw, Ja ja kabu nna jahtau na ra ai.

SHAKAWN KUNGDAWN 71:23 ပူးပေါင်းရင်းမြစ်များ

NINGPAWT NINGHPANG 48:16

Machyi shoichyum ai yawng hta na ngai hpe hkye mawai la sai lamu kasa gaw shan hpe shaman ya u ga law! Nye a mying hte mung, nye a kaji Abraham hte nye wa Isak yan a amying hte mung, ndai ma yan matut nna hkrung nga mu ga law! Shan hta kashu kasha law law mayat maya wa nna amyu matu law law gumja gumhpra rai wa manu ga law!”

2 SAMUELA 4:9

Dawi gaw shan hpe, “Ru yak shoihpa lam shagu hta na ngai hpe hkye hkrang la ai dai ahkrung nga ai Madu hta ngai dagam shaka da nngai!

SHAKAWN KUNGDAWN 103:4

Shi ngai hpe nsung hku hta na hkye hkrang la nga ai shi a tsaw ra matsan dum ai myit hte shaman ya nga ai.

SHAKAWN KUNGDAWN 104:33

Ngai hkrung nga ai hte yang, Madu hpe ngai mahkawn mangoi nga na nngai; ngai ahkrung nga dingsa, nye a Karai Kasang hpe ngai mahkawn shakawn nga na nngai.

SHAKAWN KUNGDAWN 34:22

Dai Madu gaw shi a amyu masha ni hpe hkye hkrang la na ra ai; makawp maga la na matu, shi kaw du sa ai ni chyawm gaw jahti la ai hkrum na mara ai.

SHAKAWN KUNGDAWN 63:5

Nye a wenyi gaw, dwi sau ai lusha hpe sha lu ai zawn myit dik ai hkrum na ra ai; ngai nang hpe kabu gara ai mahkawn mangoi ga ni hte mahkawn shakawn nga na nngai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.