SHAKAWN KUNGDAWN 71:22 - Jinghpaw Common Language Bible 2009

²² Ngai nang hpe teng teng, tingse hte dum shakawn na nngai; nye a Karai Kasang e, na a sadi sahka lam hpe ngai shakawn nga na nngai. Israela a Chyoi Pra ai Wa e, tingse hte ngai nang hpe dum mahkawn nga na nngai.

Jinghpaw Hanson Version Bible

²² Shaloi, Karai Kasang e, nang hte na a sadi sahka hpe, Tingse hte ngai shakawn kungdawn na nngai: Israela a chyoi pra ai Wa e, Tingse hte ngai nang hpe mahkawn mangoi na nngai.

SHAKAWN KUNGDAWN 71:22 ပူးပေါင်းရင်းမြစ်များ

2 HKAWHKAM 19:22

Nang hpe n kaw n law di nna asawng asang di kau nit dai gaw kadai rai nga ai zawn nang myit nawn la wu ni? Nang gaw chyoi pra ai Israela a Karai Kasang ngai hpe n gawn n sawn di kau nga nit dai.

SHAKAWN KUNGDAWN 138:2

Na a dinggrin tsaw ra myit hte sadi sahka gaw, na a mying nsang hte na a hkang da ai mungga ni hpe lam madun dan nga nit dai majaw, na a chyoi pra ai Nawku Htingnu de, ngai myi man yawng nna, dingnyawm ai hte na a mying nsang hpe shakawn na nngai.

SHAKAWN KUNGDAWN 144:9

Karai Kasang e, mahkawn ga nnan hte nang hpe ngai mahkawn mangoi na nngai; tingse dum let nang hpe ngai mahkawn mangoi na nngai.

SHAKAWN KUNGDAWN 25:10

Shi a ga shaka hpe kyem da nna, shi a hkang da ai ga yawng hte hpe madat mara ai ni hpe, sadi sahka ai myit hte tsaw ra myit hte shi lam woi nga ai.

SHAKAWN KUNGDAWN 33:2

Dai Madu hpe tingse ni hte dum shakawn mu, sumri rawng ai madum sumpyi ni hte shi hpe shakawn mu.

SHAKAWN KUNGDAWN 43:4

Shaloi, Karai Kasang e, na a tawn hkungri de ngai sa wa lu na ring ngai; nang gaw nye a kabu gara ai chyeju hka hpawk rai nga ndai. O Karai Kasang e, nye a Karai Kasang e, nye a tingse hpe dum ai hte nang hpe ngai mahkawn shakawn nga na nngai.

SHAKAWN KUNGDAWN 56:4

Ngai gaw Karai Kasang hta kam hpa nga ai a jaw e, n hkrit nga nngai; shi jaw da sai ga sadi a majaw ngai shi hpe shakawn na nngai. Shinggyim masha sha gaw ngai hpe hpa di lu na rai nga a ta?

SHAKAWN KUNGDAWN 78:41

Shanhte gaw Karai Kasang hpe lang hte lang chyam yu nna Israela a chyoi pra ai Karai Kasang hpe, myit machyi shangun wu ai.

SHAKAWN KUNGDAWN 89:1

O Madu e, na a dinggrin tsaw ra myit a lam hpe ngai tut nawng e, mahkawn mangoi nga na nngai; na a sadi sahka hpe ngai htani htana htawn tsun nga na nngai.

SHAKAWN KUNGDAWN 89:18

Madu e, Nang gaw anhte hpe makawp maga la na wa hpe lata da ya nga ndai; Israela a chyoi pra ai Karai Kasang e, nang anhte a matu hkawhkam jaw ya nit dai.

SHAKAWN KUNGDAWN 98:3

Shi gaw Israela amyu masha ni hpe shanhte a matu, sadi dung ai hte dinggrin tsaw ra myit hte shi a ga sadi hpe shagrin da nu ai; shing rai, shara shagu hkan na amyu masha ni yawng hte gaw anhte a Karai Kasang a awng padang hpe mu lu nga masai.

SHAKAWN KUNGDAWN 98:4

Mungkan ga ting, dai Madu hpe kabu gara mahkawn nga mu; shi hpe mahkawn mangoi let kabu gara jahtau nga mu!

SHAKAWN KUNGDAWN 98:5

Dai Madu hpe mahkawn shakawn mu! Tingse ni hpe dum let, shi hpe mahkawn shakawn mu!

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 43:3

Ngai gaw dai Madu na a Karai Kasang, Israela a chyoi pra ai Karai Kasang, nang hpe hkye la ai wa rai nga nngai. Dai majaw nang hpe shalawt dat na matu, Egutu mung hpe mung, Ehtiopi mung hpe mung, Seba mung hpe mung ngai jaw na nngai.

ESAIA 5:16

Rai ti mung Chyahtum Chyalai N-gun rawng ai dai Madu gaw teng man ai amu galaw let shi a galu kaba ai lam hpe madun dan nga ai, shi gaw shi a amyu masha ni hpe tara jeyang ai hku nna shi a chyoi pra ai lam hpe hpaw dan nga ai.

ESAIA 5:19

Nang gaw, “Dai Madu gaw tin tin rai nna shi tsun, shi myit ai hku galaw u ga, shaloi dai amu hpe anhte mu lu nga ai. Israela a chyoi pra ai Karai Kasang gaw shi a yaw shada lam ni hpe matut galaw u ga; shi a myit masin hta hpa rawng ai lam anhte mu lu u ga,” ngu nna tsun ai.

ESAIA 5:24

Dai majaw, Chyahtum Chyalai N-gun rawng ai dai Madu Israela a chyoi pra ai Karai Kasang gaw anhte hpe sharin da ya mi ai hpe nang ningdang kau nga ndai majaw yihku hte tsingdu jahkraw ni nyip mat nna wan hta hkru mat ai zawn na a ru ni tsam mat nna na a nampan pu ni hkraw nyui mat ai hte poi mat wa na ra ai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 60:9

Dai ni gaw sumtsan mung na du wa ai sanghpaw li ni rai nna, Karai Kasang a amyu masha ni hpe nta de woi wa nga ma ai. Shanhte gaw masha amyu baw ni yawng hpe Shi a amyu masha ni a matu shagrau sha-a hkrum shangun nga sai. Dai Madu Israela a chyoi pra ai Karai Kasang hpe Shagrau sha-a na matu shanhte hte rau aja gumhpraw la wa ma ai.

MIHKA 7:20

Nang gaw moi chyaloi nhkoi kaw nna anhte a kaji kawa ni hpe nang jaw ai ga shaka hte maren, Abraham hte Yaku a aru arat rai nga ai na a amyu masha ni hpe na a kangka re ai lam hte dinggrin tsaw ra myit madun dan na rai nga ndai.

ROMA 15:8

Hpa majaw nga yang Karai Kasang gaw ga sadi dung ai wa re ai lam hpe shadan dan na matu, lam mi hku tsun ga nga yang, ji wa ni hpe jaw da ai ga ndat hpe shadik shatup na matu Madu Yesu gaw matu gadoi hkam ai Yuda amyu masha ni a mai kaja ai lam a matu mara du sa ra ai ngu nna ngai tsun nngai.