SHAKAWN KUNGDAWN 71:20 - Jinghpaw Common Language Bible 2009

²⁰ Nang gaw ru tsang lam ni hte nni nkri lam ni hpe nye a ntsa e, hkrum sha shangun ai rai tim, nang gaw nye a n-gun hpe bai jahpring ya na rai nga ndai; lup sung hku de n du hkra mung, nang ngai hpe kyem mazing la na rin dai.

Jinghpaw Hanson Version Bible

²⁰ Tsin-yam tsindam kaba law law anhte hpe madun ai wa e, Nang anhte hpe bai shalan shabran la nna, Ga a sung htum ai kaw na bai sharawt la na ndai.

SHAKAWN KUNGDAWN 71:20 ပူးပေါင်းရင်းမြစ်များ

2 SAMUELA 12:11

Ngai gaw na a dinghku kaw na masha langai mi nang hpe ru yak tsin-yam tsindam tam jaw na lam shapraw dat na we ai gaw nang hpe dagam shaka nga nngai. Na a lata kaw nna na a madu jan ni hpe ngai la kau ya nhtawm kaga masha wa a lata de jaw kau na hpe mung nang mu lu na rin dai; shi gaw shani chyingtung e nan pyi na a madu jan ni hte nga sha dan na ra ai.

SHAKAWN KUNGDAWN 119:25

Ngai gaw sum kadawng mat nna, ga nhpu hta galeng taw mat ni ai; na a ga sadi hte maren, ngai hpe n-gun nnan jaw ya nna bai sharawt la e.

SHAKAWN KUNGDAWN 138:7

Ru tsang ai hte gawan da ai ngai hkrum nga ai shaloi, ngai hpe nang makawp maga da nga ndai. Nye a gumlau hpyen ni a sindawng kahtet ai hpe nang hkap shingdang ya nna, na a daru magam n-gun hte ngai hpe hkye hkrang la nga ndai.

SHAKAWN KUNGDAWN 60:3

Nang gaw na a amyu masha ni hpe nni nkri laja lana hkam sha shangun nit dai; anhte gaw chyaru nang ai ni zawn, ndi nda kayin hkawm nga ga ai.

SHAKAWN KUNGDAWN 60:5

Na a daru magam n-gun hte anhte hpe hkye hkrang la mi; anhte a akyu hpyi ai ga hpe mung htan ya mi, shing rai jang, nang tsaw ra ai amyu masha ni hkye mawai la ai hkrum na mara ai.

SHAKAWN KUNGDAWN 80:18

Anhte galoi mung, nang kaw na htak mat wa na ga ai n rai; anhte hpe jahkrung la mi, anhte nang hpe shakawn nga na ga ai.

SHAKAWN KUNGDAWN 85:6

Anhte hpe n-gun atsam kalang mi bai shaja ya mi: shing rai, anhte, na a amyu masha ni nang hpe shakawn nga na ga ai.

SHAKAWN KUNGDAWN 86:13

Na a dinggrin tsaw ra myit gaw nye a matu kade wa kabu gara nga a hka! Nang gaw ngai hpe lup sung hku kaw nna nan hkye hkrang la nit dai.

SHAKAWN KUNGDAWN 95:4

Shi gaw sung htum ai lungpu hku kaw nna tsaw htum ai bum pungding du hkra, mungkan ga ting hpe up hkang nga ai.

ESAIA 26:19

Si mat sai anhte a amyu masha ni bai hkrung wa na mara ai! Shanhte a hkum hkrang ni hta asak bai rawng wa na ra ai. Shanhte a lup sung hku ni hta yup pyaw nga ai ni yawng hprang wa nna kabu gara mahkawn mangoi wa na mara ai. Htoi tu kabrim ai numri gaw ginding aga hpe n-gun awai ya ai zawn, dai Madu gaw moi chyaloi nhkoi kaw nna si mat sai ni hpe jahkrung la na ra ai.

ESAIA 38:17

Nye a nchyi nmu re ai gaw ngwi pyaw sim sa wa na ra ai. Nang gaw nye a asak hpe hkrit hpa yawng kaw na hkye la nga ndai; Nang gaw nye a yubak mara yawng hpe raw ya nga ndai.

YONA 2:6

Ngai gaw bum ni a npawt de yu mat wa nna, katsan ga a chyinghka ni htani htana pat da nga ai. Rai ti mung, O Madu nye a Karai Kasang e, nang chyawm gaw ngai hpe sung htum ai shara kaw na woi la nga nit dai.

MARKU 15:34

Shana de hkying masum hta Yesu gaw, “Elo-i, Elo-i, lema sabakhtani?,” ngu nna jahtau wu ai. De a lachyum gaw, “Nye a Karai Wa e, Nye a Karai Wa e, hpa majaw nang ngai hpe kau da nga n ta?,” nga ai rai lu ai.

KASA 2:24

Rai ti mung si hkrung si htan a n-gun atsam kaw na shi hpe raw dat nna jahkrung sharawt nu ai. Hpa majaw nga yang dai si hkrung si htan gaw shi hpe gyit hkang sharen da na n mai nga ai.

EHPESU 4:9

Ya shi lung wa ai ngu ai gaw hpa hpe ngu ai rai ta? Madu gaw nem dik ai dinghta ga a lawu tsang de shawng yu hkrat wa sai ngu mayu ai rai nga ai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.

1 SAMUELA 2:6

Dai Madu gaw sat kau ai hte asak bai jahkrung ya nga ai; shi gaw amyu masha ni hpe katsan ga de shayu kau nna, shanhte hpe bai woi la nga ai.