SHAKAWN KUNGDAWN 71:18 - Jinghpaw Common Language Bible 2009

¹⁸ Ya chyawm gaw, ngai dingla wa nga nngai hte nye a kara hpraw wa nga li ai. Karai Kasang e, ngai hpe hkum kau da nga et! Du sa wa na masha ban prat yawng hte hta na a daru magam n-gun hte chyahtum chyalai rawng ai n-gun hpe ngai htawn tsun yang, ngai hte rau rai nga u.

Jinghpaw Hanson Version Bible

¹⁸ Dai majaw Karai Kasang e, prat mi hte prat mi na a lata, Hpang na ni hpe na a atsam ngai madun dan ya ai du hkra, Dingla nna baw hpraw timung, ngai hpe hkum jahti da et.

SHAKAWN KUNGDAWN 71:18 ပူးပေါင်းရင်းမြစ်များ

NINGPAWT NINGHPANG 27:1

Ya, Isak dingla wa nna myi amam wa wu ai majaw myi n mu lu nu ai. Shi a shadang sha kaba Esaw hpe shaga la nhtawm, “Ngai sha e,” ngu nna tsun wu ai. Shi mung, “Rai sa, nang e nga nga nngai,” ngu nna htan wu ai.

SHAKAWN KUNGDAWN 22:31

Garai n shangai ai masha ni hpe, “Madu gaw shi a amyu masha ni hpe hkye hkrang la sai,” nga nna tsun dan na mara ai.

SHAKAWN KUNGDAWN 48:14

nanhte gaw, “Dai Karai Kasang gaw htani htana prat dingsa na anhte a Karai Kasang rai nga ai; shi gaw anhte hpe prat ting lam woi wa na ra ai,” nga nna hpang ban prat masha ni hpe hkai dan lu na myit dai.

SHAKAWN KUNGDAWN 71:9

Ya, ngai dingla wa nga nngai majaw, ngai hpe hkum kabai kau nga et; ya, ngai n-gun yawm nga nngai majaw, ngai hpe hkum kau da nga et.

SHAKAWN KUNGDAWN 78:4

Dai lam ni hpe anhte a kashu kasha ni a man e, makoi da na ga ai n rai; Madu a daru magam n-gun a lam, shi a galu kaba ai magam amu ni hte shi galaw dan sai mauhpa lam ni hpe hpang ban prat masha ni hpe anhte htawn tsun dan na ga ai.

SHAKAWN KUNGDAWN 78:6

Shing rai, hpang ban prat na masha ni gaw shanhte a kashu kasha ni hpe matut nna kayin tsun dan lu mu ga.

PRU MAT 13:8

Nanhte Egutu mung na pru wa myit dai shaloi, nanhte a matu dai Madu galaw dan nu ai amu a majaw ndai lam yawng hpe nanhte galaw nga myit dai hpe lusha poi hpang wa ai shaloi nanhte a shadang sha ni hpe tsun shaleng dan nga mu.

ESAIA 46:4

Ngai gaw nanhte a Karai Kasang rai nga nngai, nanhte asak kaba nna dingla baw hpraw ai aten du hkra nanhte hpe lanu lahku na nngai. Ngai gaw nanhte hpe hpan da ni ai, nanhte hpe lanu lahku na nngai; Ngai gaw nanhte hpe karum ai hte hkye mawai la na nngai.

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

ESAIA 53:1

Amyu masha ni gaw, “Anhte ya htawn tsun ai shiga hpe kadai wa kam nga sata? Ndai amu hta dai Madu a lata hpe kadai mu lu sata?

KASA 13:36

Dawi gaw shi asak hkrung nga ai laman hte hta, Karai Kasang a yaw shada ai lam nga ai hte maren hkan sa gun hpai ngut jang shi si nna, shi a kaji kawa ni a lup ding lup ra hta lup makoi ai hte shi a hkum hkrang gaw dai lup hta hten yat mat salu ai.

1 SAMUELA 4:15

(Dai shaloi Eli gaw asak jahku shi matsat ning du sai rai nna, ganoi noi myi n mu hkyen nga nu ai.)

1 SAMUELA 4:18

Dai wa Ga Shaka Sumpu a lam tsun dan jang, Eli gaw chyinghka lam makau shi dung nga ai shara kaw nna shingdu de nga kadawng mat wa wu ai. Shi gaw asak grai kaba sai hte hpum nga ai majaw shi a du daw mat nna si mat sai. Shi gaw mali shi ning tup Israela amyu hta ningbaw tai lai wa nu ai.