SHAKAWN KUNGDAWN 71:17 - Jinghpaw Common Language Bible 2009

¹⁷ Ngai brang ram prat naw rai nga ai aten kaw nna nang ngai hpe sharin ya nit dai; na a mauhpa magam amu ni hpe ya du hkra, ngai tsun dan nga nngai.

Jinghpaw Hanson Version Bible

¹⁷ Karai Kasang e, brang ram prat kaw nna, Nang ngai hpe sharin achyin ya nit dai; Ya du hkra na a lamik kumla hpe ngai madun dan nga nngai.

SHAKAWN KUNGDAWN 71:17 ပူးပေါင်းရင်းမြစ်များ

2 SAMUELA 4:9

Dawi gaw shan hpe, “Ru yak shoihpa lam shagu hta na ngai hpe hkye hkrang la ai dai ahkrung nga ai Madu hta ngai dagam shaka da nngai!

SHAKAWN KUNGDAWN 119:102

Nang nan nye a sara rai nga ndai majaw, na a ga matsun ni hpe ngai hprai kau we ai n rai.

SHAKAWN KUNGDAWN 119:9

Shabrang wa gaw shi a asak hkrun lam hpe san seng nga u ga, kaning rai shadik lu na rai nga a ta? Dai gaw na a hkang da ai tara ni hpe madat mara hkan sa ai hte sha shadik lu nga ai.

SHAKAWN KUNGDAWN 26:7

Chyeju dum ai mahkawn mangoi ga langai ngai mahkawn nna na a mauhpa magam amu ni yawng hpe tsun dan nngai.

SHAKAWN KUNGDAWN 66:16

Karai Kasang hpe hkrit hkungga ai ni yawng hte e, sa madat la mu, shi nye a matu galaw dan sai amu ni nang hpe tsun dan na nngai.

SHAKAWN KUNGDAWN 71:5

Grau Htum ai Madu e, nang hpe ngai myit mada nga nngai; ngai naw kaji nga ai aten kaw nna, nang hta ngai kam hpa nga ni ai.

SHAKAWN KUNGDAWN 73:28

Rai ti mung, nye a matu chyawm gaw, Karai Kasang hte ani sha nga lu na, Madu Karai Kasang hta makawp maga ai lam mu tam la na matu hte shi galaw dan sai magam bungli ni hpe htawn tsun na lam ni gaw kade sha mauhpa rai nga a hka!

TARA JAHPRANG 4:5

“Dai Madu nye a Karai Kasang ngai hpe tsun ai tara ni yawng ngai nanhte hpe sharin achyin ya mani ai. Nanhte shang madu la hkyen nga ai mungdan hta dai matsun maroi ga hte hkang da ai tara ni hpe madat mara nga mu.