SHAKAWN KUNGDAWN 71:16 - Jinghpaw Common Language Bible 2009

¹⁶ Ngai gaw Madu Karai Kasang a n-gun hte pru sa wa na nngai; na a mai kaja ai lam hpe chyu sha, ngai htawn tsun na nngai.

Jinghpaw Hanson Version Bible

¹⁶ Madu Yehowa a n-gun chyalai hte ngai sa du nna, Na a dinghpring ai hpe chyu sha, madun dan na nngai.

SHAKAWN KUNGDAWN 71:16 ပူးပေါင်းရင်းမြစ်များ

SHAKAWN KUNGDAWN 106:2

Shi galaw dan sai mauhpa magam amu ni yawng hpe kadai wa tsun hkai dan lu nga a ta? Shi a hpung shingkang arawng sadang nga manga hte hpe kadai wa shakawn lu nga a ta?

SHAKAWN KUNGDAWN 29:11

Dai Madu gaw shi a amyu masha ni hpe n-gun atsam jaw ya ai rai nna ngwi pyaw sim sa ai chyeju hte shanhte hpe shaman ya nga ai.

SHAKAWN KUNGDAWN 51:14

Karai Kasang e, nye a asak hpe shalawt ya nna, ngai hpe hkye hkrang la e; na a ding man ai lam hpe ngai kabu gara htawn tsun nga na nngai.

SHAKAWN KUNGDAWN 71:15

Na a mai kaja ai lam hpe ngai htawn tsun na nngai; ngai chye na ai hta grau nna lachyum sung nga ai rai tim, na a hkye hkrang la ai lam hpe shani tup ngai tsun dan na nngai.

SHAKAWN KUNGDAWN 71:19

Karai Kasang e, na a ding man ai lam gaw lamu ni de dep nga ai. Galu kaba ai magam bungli ni hpe nang galaw nit dai, nang zawn re ai wa langai mi mung n nga nga ai.

SHAKAWN KUNGDAWN 71:2

Nang gaw ding hpring nga ndai majaw, ngai hpe karum la ai hte mawai la e. Ngai hpyi nem ai ga hpe madat ya ai hte ngai hpe hkye hkrang la e!

SHAKAWN KUNGDAWN 71:24

Ngai hpe machyi shangun na matu shakut ai ni gaw sum mat ai hkrum nna kaya kahpa hkrum nga ma ai majaw, na a ding man ai lam hpe ngai shani tup tsun dan na nngai.

ESAIA 26:13

Dai Madu anhte a Karai Kasang e, anhte gaw kaga masha ni a up hkang ai npu hta nga lai wa saga ai, rai ti mung nang chyu sha anhte a Madu rai nga ndai.

ESAIA 40:31

Rai ti mung karum la na matu dai Madu hpe kam hpa ai ni gaw shanhte a n-gun atsam ningnan mu tam la na mara ai. Shanhte gaw galang ni zawn singkaw nnan ni hte pyen lung na mara ai; shanhte gaw gat ti mung hki ba na n rai; shanhte gaw hkawm ti mung n-gun kya na ma ai n rai.

ESAIA 63:7

Ngai gaw dai Madu a n-gaw nwai ai tsaw ra myit a lam atsun nga na nngai; anhte a matu shi galaw dan sai amu yawng a majaw ngai shi hpe shakawn kungdawn na nngai. Shi a matsan dum ai myit hte dinggrin tsaw ra myit a majaw, shi gaw Israela amyu masha ni hpe nhpaw n-ya shaman ya nu ai.

ZEHKARIA 10:12

Ngai gaw nye a amyu masha ni hpe n-gun ja shangun na nngai; shanhte gaw ngai hpe nawku ai hte nye a ga madat mara na mara ai,” ngu nna tsun wu ai. Dai Madu tsun nu ai.

MAHTE 6:33

Shing rai na malai nanhte gaw, shi a mungdan hte shi a ding hpring ai lam hpe shawng tam nga mu; shaloi dai kaga ra ai nlang hte hpe shi nanhte hpe kahtap jaw na marin dai.

ROMA 1:17

Dai hta kaga, “Karai Kasang hta ding hpring ai wa gaw kam sham ai hte hkrung nga lu na ra ai,” nga nna Chyum ga hta ka da nga ai hte maren Karai Kasang gaw masha ni hpe gara lai hku nna sharawng awng hkap la nga ai lam dai Kabu Gara Shiga hta shadan dan nga ai. Dai gaw shawng ningpawt kaw nna jahtum du hkra kam sham ai lam rai nga ai.

ROMA 10:3

Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

ROMA 3:21

Rai ti mung ya gaw Karai Kasang a man e masha hpe ding hpring wa lu ai lam shadan dan mani ai. Karai Kasang a man e ding hpring wa shangun na matu, jep ai Tara hte n dang di lu ai. Ndai lam teng nga ai gaw Mawshe a jep ai Tara hte myihtoi ni sakse hkam ma ai.

EHPESU 3:16

Nanhte a kata na hkum ngu ai myit masin n- gun lapyin ja wa u ga, Karai Kasang gaw shi a hpung shingkang hte n taw n tsang re ai sut gan kaw na Wenyi a marang e nanhte hpe n- gun atsam jaw ya u ga, ngu nna mung,

EHPESU 6:10

Hpang jahtum dai Madu hte langai sha tai ai hku nna mung, shi a hpung shingkang hte mung, nanhte a n-gun lapyin shagreng da nga mu.

TARA JAHPRANG 33:25

Shi a mare ni hpri chyinghka hte makawp maga da na rai wu ai; Shi gaw prat dingsa shim lum ai hte nga lu na rai wu ai.”

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

2 HTESALONI 1:6

Karai Kasang gaw tara ding ai lam galaw na ra ai rai nna, nanhte hpe nni nkri hkrum shangun ai ni a ntsa e nni nkri bai htang jaw na ra ai.

2 TIMOHTI 2:1

Ngai sha e, na a matu chyawm gaw anhte a Hkristu Yesu hta langai sha tai nna asak hkrung ai a marang e lu la ai chyeju hta n-gun lapyin rawng nga u.