SHAKAWN KUNGDAWN 71:13 - Jinghpaw Common Language Bible 2009

¹³ Ngai hpe gasat ai ni sum mat nna, jahten kau ai hkrum nga mu ga; Ngai hpe machyi shangun na matu, shakut nga ai ni kaya kahpa hkrum ai hte myi man sum mat mu ga.

Jinghpaw Hanson Version Bible

¹³ Nye a asak hpe gumlau na maw ai ni, Kaya hkrum nna htum mat wa mu ga; Ngai hpe n hkru ai hku galaw na tam ai ni, Shatan nhkan hte arawng hpoi ai ka-up nga mu ga.

SHAKAWN KUNGDAWN 71:13 ပူးပေါင်းရင်းမြစ်များ

ESHTA 9:2

Hkawseng mungdan kata na Yuda ni nga ai mare shagu hta, shanhte hpe machyi hkra shangun nga ai kadai hpe mung hkap gasat lu na matu Yuda masha ni nan hpawng shinggyin nga ma ai. Shara shagu hkan na mung masha ni shanhte hpe hkrit nga ma ai rai nna kadai mung shanhte hpe n rawt gumlau gwi nga ma ai.

SHAKAWN KUNGDAWN 109:29

Nye a gumlau hpyen ni gaw myi man sum ai hte htinggrum da ai hkrum nga mu ga; shanhte gaw kaya kahpa hpe nba zawn lawai da nga mu ga.

SHAKAWN KUNGDAWN 132:18

Ngai gaw shi a gumlau hpyen ni hpe kaya kahpa hte htinggrum da ya na nngai; rai ti mung, shi a mungdan gaw ngamu ngamai wa nna gumring gumrat wa na ra ai,” nga nna tsun nga ai.

SHAKAWN KUNGDAWN 35:26

Nye a nni nkri hpe yu kabu nga ai ni, tsep kawp sum mat ai hte shanut kau ai hkrum nga mu ga. Ngai hta grau ai ni re ngu nna tsun ai ni gaw, kaya kahpa hte myi man sum ai hkrum sha mu ga.

SHAKAWN KUNGDAWN 35:4

Ngai hpe sat na matu shakut ai ni gaw sum mat nna jahpoi jahpyak kau ai hkrum nga mu ga! Ngai hpe ninghkap na maw mawn ai ni mung shingdu de nhtang kau dat nna shanut kau ai hkrum mu ga!

SHAKAWN KUNGDAWN 6:10

Nye a gumlau hpyen ni gaw nhtum nni sum kaya ai lam hpe chye wa na mara ai; shanhte akajawng sha kaming kamawng shaden kau ai hkrum na mara ai.

SHAKAWN KUNGDAWN 70:3

Ngai hpe mani asawng ai ni gaw shanhte sum mat ai a jaw e, myi man sum mat mu ga.

SHAKAWN KUNGDAWN 71:24

Ngai hpe machyi shangun na matu shakut ai ni gaw sum mat ai hkrum nna kaya kahpa hkrum nga ma ai majaw, na a ding man ai lam hpe ngai shani tup tsun dan na nngai.

ESAIA 41:11

“Nang hpe pawt sindawng ai ni gaw hkrat sum ai a kaya kahpa lam hpe chye wa na mara ai. Nang hpe gasat ai ni si mat na mara ai

YEREMIA 20:11

Rai ti mung, Madu e, nang gaw n-gun ja ai hte n-gun chyalai rawng nga ndai rai nna ngai hpang maga de nga nga ndai, ngai hpe zingri zingrat ai ni sum mat na mara ai. Shanhte n dang lu nga ma ai majaw, htani htana kaya hkrum na mara ai. Shanhte a kaya hkrum ai lam gaw galoi mung malap kau lu na ra ai n rai.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.