SHAKAWN KUNGDAWN 71:10 - Jinghpaw Common Language Bible 2009

¹⁰ Nye a gumlau hpyen ni ngai hpe sat kau mayu nga ma ai; shanhte ngai hpe gumlang maw mawn na matu tsun jahta nga ma ai.

Jinghpaw Hanson Version Bible

¹⁰ Kaning rai nme law, gumlau ni nye a lam tsun nga ma ai; Nye a asak hpe gyam yu ai ni rau bawng nna,

SHAKAWN KUNGDAWN 71:10 ပူးပေါင်းရင်းမြစ်များ

SHAKAWN KUNGDAWN 10:9

Shi gaw hkanghkyi langai zawn lagyim shara hta la nga nhtawm; matsan mayan ni hpe gamu rim la na shi la nga let, shi gaw shi a mahkam hta shanhte hpe rim bang ai hte shanhte hpe tsan tsan de garawt mat wa wu ai.

SHAKAWN KUNGDAWN 109:20

Madu e, dai zawn n hkru n shawp ai lam hte ngai hpe tsun shatan nga ai, nye a gumlau hpyen ni hpe, dai lam hku nna ari jaw u.

SHAKAWN KUNGDAWN 2:2

Dai Madu hte shi lata san da ai Hkawhkam wa hpe shanhte a hkawhkam ni gumlau nna, mung du ni mung ninghkap na matu jawm mayun bawng nga ma ai.

SHAKAWN KUNGDAWN 31:13

Gumlau hpyen law law ni tsun gahte ai ga hpe ngai na nngai; hkrit kajawng hpa lam yawng gaw ngai hpe wang shinggrup da mi ai. Shanhte ngai hpe gumlang na lam jawm bawngban nna, ngai hpe sat kau na matu, maw mawn nga ma ai.

SHAKAWN KUNGDAWN 56:6

Shanhte gaw shim ai makoi shara hta hpawng nga nna, ngai galaw ai lam mahkra hpe shanhte lagyim yu ai hte, ngai hpe sat kau lu na matu myit mada nga ma ai.

SHAKAWN KUNGDAWN 83:3

Shanhte gaw na a amyu masha ni hpe gumlang na matu mayun hpaji daw nga ma ai; nang e makawp maga da nga ai ni hpe mung, shanhte gumlang na maw mawn nga ma ai.

GA SHAGAWP 1:11

shanhte gaw, “Sa rit, masha langai mi hpe sat na, anhte gyam yu ga! Mara n kap ai masha ni hpe arawng mala la lu na matu hkap daw yu ga!

YEREMIA 20:10

Masha shagu gaw, “Hkrit hpa gaw shara shagu hkan nga nga ai! shing rai anhte shi hpe ahkaw ahkang lu ai ni hpang de tang madun ga!,” nga nna kadum kahte tsun ai ga hpe ngai na nngai. Nye a hku hkau ai jinghku ni pyi nye a hkrat sum na lam hpe la mada yu nga ma ai. Shanhte gaw, “Shi hpe mahkoi lau la lu nhten; shaloi anhte shi hpe lu rim ai hte matai dawp lu na ga ai,” nga nna tsun ai.

MAHTE 27:1

Jahpawt jau jau e hkinjawng agyi ni hte mung masha ni a salang ni yawng hte gaw, Yesu hpe sat kau na lam ni bawng ban ma ai.

1 SAMUELA 19:11

Dai shana jang, Shawlu gaw shi a masha nkau mi, Dawi a nta hpe sin yu da shangun nna hpang jahpawt e shi hpe sat kau na matu shangun dat wu ai. Dawi a madu jan Mihkala chyawm gaw shi hpe, “Nang dai na e n hprawng pru mat wa ai rai yang, si na rin dai,” ngu nna sadi jaw wu ai.