SHAKAWN KUNGDAWN 71:1 - Jinghpaw Common Language Bible 2009

¹ Madu e, makawp maga la na matu, ngai nang kaw du sa ring ngai; ngai hpe galoi mung hkum sum shangun et!

Jinghpaw Hanson Version Bible

¹ Yehowa e, nang hta ngai shingbyi nga nngai: Kaya kahpa galoi mung, n hkrum na nngai.

SHAKAWN KUNGDAWN 71:1 ပူးပေါင်းရင်းမြစ်များ

2 HKAWHKAM 18:5

Hezekia gaw dai Madu Israela a Karai Kasang hpe kam hpa nga ai rai nna Yuda hkawhkam ni hta shi zawn re ai shawng de mung, hpang de mung galoi mung kadai mung n nga nga ai.

1 HKAWHKAM LABAU 5:20

Shanhte gaw Karai Kasang hpe kam hpa nga ma ai hte karum la na matu shi kaw akyu hpyi nga ma ai majaw shanhte a akyu hpyi ga ni hpe Karai Kasang htan ya nga ai. Hagari masha ni hte shi a jinghku hpyen hpung ni hpe dang kau lu na awng padang shi shanhte hpe jaw ya mu ai.

SHAKAWN KUNGDAWN 125:1

Dai Madu hpe kam hpa nga ai ni gaw galoi mung n ashun, galoi mung shamu shamawt n nga ai Ziun Bum zawn rai ma ai.

SHAKAWN KUNGDAWN 146:5

Yaku a Karai Kasang karum la ai lam hpe hkam la lu ai ni hte dai Madu shi a Karai Kasang hta shamyet shanat nga ai ni gaw a lu ma ai.

SHAKAWN KUNGDAWN 22:5

Shanhte gaw nang hpe shaga mu ai hte, hkrithpa shara kaw nna lawt lu nga masai; shanhte nang hpe kam hpa manoi manat nga ma ai hte myit daw myit hten nga ma ai n rai.

ESAIA 45:17

Rai ti mung Israela gaw dai Madu a majaw hkye hkrang la hkrum nga sai, Israela a awng padang gaw htani htana agrin nga ai; Israela a amyu masha ni gaw galoi mung kaya kahpa hkrum na ma ai n rai.’”

YEREMIA 17:18

Ngai hpe zingri zingrat ai ni hpe kaya kahpa jahkrum u, rai ti mung Madu e, ngai hpe ngam da e. Shanhte hpe hkrit hpa amu ni hte jahpring ya u; rai ti mung ngai hpe hkum jahkrit shama et. Shanhte a ntsa de tsin-yam tsindam du shangun nna shanhte hpe atsai awai agrawp kau u.

ROMA 9:33

Dai hpe Chyum Laika hta, “Yu u, masha ni ahtu kataw na nlung langai mi hte myit kataw shangun na lunghkrung langai mi hpe Ziun hta e ngai tawn da se ai. Rai ti mung nlung ngu ai Hkristu hpe kam sham ai wa gaw galoi mung myit daw hten na lam nga na n rai,” nga nna ka da nga ai.

1 PETRU 2:6

Hpa majaw nga yang, dai Chyum Laika hta mung, “Ngai gaw hpu ging ai nlung langai mi hpe lata la nna, dai hpe Ziun bum e njut jahtum na nlung hku ngai jahkrat da se ai, rai nna shi hta kam sham ai ni kadai mung kaya kahpa hte myit daw myit hten hkrum na n rai,” nga ai.