SHAKAWN KUNGDAWN 70:4 - Jinghpaw Common Language Bible 2009

⁴ Nang kaw du sa ai ni yawng hte gaw awng sharawng ai hte kabu gara nga mu ga. Na a hkye hkrang la ai lam hpe chyeju dum ai ni yawng hte gaw, “Madu gaw kade wa galu kaba nga a hka!,” nga nna tut tut atsun nga mu ga.

Jinghpaw Hanson Version Bible

⁴ Nang hpe tam ai ni nlang hte gaw, Nang hta awng nna, kabu gara nga mu ga; Na a hkye hkrang la ai lam tsawra ai ni gaw, “Karai Kasang galu kaba nga u ga,” nga nna tut tut a tsun nga mu ga.

SHAKAWN KUNGDAWN 70:4 ပူးပေါင်းရင်းမြစ်များ

SHAKAWN KUNGDAWN 35:27

Ngai hpe mara n kap ai wa ngu nna mu mada mayu ai ni gaw kabu gara nga ai; “Madu gaw kade galu kaba nga a hka! Shi gaw shi a shangun ma wa a awng dang ai lam hta sharawng awng nga ai,” nga nna shanhte kahtap kala jahtau tsun nga mu ga.

SHAKAWN KUNGDAWN 40:16

Nang kaw du sa ai ni yawng hte gaw awng sharawng ai hte kabu gara nga mu ga; na a hkye hkrang la ai lam hpe chyeju dum ai ni yawng hte gaw, “Madu gaw kade wa galu kaba nga a hka!” nga nna tut tut atsun nga mu ga.

SHAKAWN KUNGDAWN 5:11

Rai ti mung, nang hta shim lum ai lam mu tam ai ni yawng hte gaw kabu gara lu na mara ai; shanhte gaw tut nawng e, kabu gara let mahkawn shakawn lu nga ma ai. Nang hpe tsaw ra ai ni hpe makawp maga ya nga u; na majaw, shanhte teng teng kabu gara nga ma ai.

SHAKAWN KUNGDAWN 97:12

Dai Madu galaw da ngut sai amu ni a majaw, ding hpring nga ai ni yawng hte e, kabu gara nga mu! Chyoi pra ai Karai Kasang galaw da nu ai amu ni hpe dum mu, shi hpe chyeju dum mu law.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

SHARUNG SHAYAWT 3:25

Dai Madu gaw shi hpe kam hpa nga ai masha shagu hte hpe mai kaja lam madun dan nga ai.

YAWHAN 16:20

Ngai nanhte hpe kaja wa teng teng tsun made ga, nanhte gaw hkrap ngu hkrap ngoi ai hte sharung shayawt ai hkrum na marin dai. Mungkan masha ni chyawm gaw kabu gara lu na mara ai; nanhte gaw yawn hkyen ai hkrum na marin dai; rai ti mung nanhte a yawn hkyen ai gaw kabu gara ai bai tai na ra ai.