SHAKAWN KUNGDAWN 70:2 - Jinghpaw Common Language Bible 2009

² Ngai hpe sat na maw mawn ai ni tsep kawp sum mat nna shanut kau ai hkrum mu ga. Nye a ru tsang ai lam ni a majaw kabu gara nga ai ni gaw shingdu de nawku htingnut mat wa nna kaya kahpa hkrum sha nga mu ga.

Jinghpaw Hanson Version Bible

² Nye a sumri sumdam hpe dan na tam ai ni, Kaya kahpa hte myi man sum ai hkrum mu ga; Ngai hpe tsin-yam tsindam jahkrum mayu ai ni, Kanut mat wa nna arawng sum mat mu ga.

SHAKAWN KUNGDAWN 70:2 ပူးပေါင်းရင်းမြစ်များ

SHAKAWN KUNGDAWN 109:29

Nye a gumlau hpyen ni gaw myi man sum ai hte htinggrum da ai hkrum nga mu ga; shanhte gaw kaya kahpa hpe nba zawn lawai da nga mu ga.

SHAKAWN KUNGDAWN 141:1

Madu e, nang hpe ngai shaga nga nngai, ngai hpe ya jang karum la e! nang hpe ngai shaga ai shaloi, ngai hpe madat ya e.

SHAKAWN KUNGDAWN 22:12

Gumlau hpyen law law ni gaw ngai hpe usu ni zawn wang gawan da mi ai; Bashan ga na matse ai usu ni zawn shanhte ngai hpe shinggrup da mi ai.

SHAKAWN KUNGDAWN 22:20

Ngai hpe nhtu kaw na hkrang shaw la e; gwi ni kaw na, nye a asak hpe hkye hkrang la e.

SHAKAWN KUNGDAWN 35:26

Nye a nni nkri hpe yu kabu nga ai ni, tsep kawp sum mat ai hte shanut kau ai hkrum nga mu ga. Ngai hta grau ai ni re ngu nna tsun ai ni gaw, kaya kahpa hte myi man sum ai hkrum sha mu ga.

SHAKAWN KUNGDAWN 35:4

Ngai hpe sat na matu shakut ai ni gaw sum mat nna jahpoi jahpyak kau ai hkrum nga mu ga! Ngai hpe ninghkap na maw mawn ai ni mung shingdu de nhtang kau dat nna shanut kau ai hkrum mu ga!

SHAKAWN KUNGDAWN 40:14

Ngai hpe sat na maw ai ni tsep kawp sum mat nna shanut kau ai hkrum mu ga. Nye a ru tsang ai lam ni a majaw kabu gara nga ai ni gaw shingdu de htingnut mat wa nna, kaya kahpa hkrum mu ga.

SHAKAWN KUNGDAWN 6:10

Nye a gumlau hpyen ni gaw nhtum nni sum kaya ai lam hpe chye wa na mara ai; shanhte akajawng sha kaming kamawng shaden kau ai hkrum na mara ai.

SHAKAWN KUNGDAWN 71:12

Karai Kasang e, tsan tsan de hkum nga nga et; nye a Karai Kasang e, ngai hpe karum la na matu alawan du rit law.

SHAKAWN KUNGDAWN 71:13

Ngai hpe gasat ai ni sum mat nna, jahten kau ai hkrum nga mu ga; Ngai hpe machyi shangun na matu, shakut nga ai ni kaya kahpa hkrum ai hte myi man sum mat mu ga.

ESAIA 28:13

Dai re ai majaw, dai Madu gaw nanhte hpe ga hkum mi hte ga hkum mi, ga yan mi hte ga yan mi, ginlam mi hte ginlam mi, sharin ya na ra ai. Dai hpang nanhte hkawm sa wa ai lagaw lahkam shagu ahtu kataw wa na marin dai. Nanhte gaw hkala nba hkrum ai hte mahkam hkam hkrum nhtawm bawng masha tai mat na marin dai.

ESAIA 41:11

“Nang hpe pawt sindawng ai ni gaw hkrat sum ai a kaya kahpa lam hpe chye wa na mara ai. Nang hpe gasat ai ni si mat na mara ai

YAWHAN 18:6

“Ngai gaw dai wa nan rai nga nngai,” ngu nna Yesu tsun dat jang dai ni gaw hpang de htingnut wa nna ga hta kadawng taw mat ma ai.